ಯೆಹೋಶುವ 13:1-33
13 ಯೆಹೋಶುವ ಈಗ ತುಂಬ ಮುದುಕನಾಗಿದ್ದ. ಅವನ ಸಾವು ಹತ್ರ ಇತ್ತು.+ ಹಾಗಾಗಿ ಯೆಹೋವ ಅವನಿಗೆ ಹೀಗೆ ಹೇಳಿದನು: “ನೀನು ಮುದುಕನಾಗಿದ್ದೀಯ, ಇನ್ನು ಹೆಚ್ಚು ದಿನ ಬದುಕಲ್ಲ. ಆದ್ರೆ ವಶ ಮಾಡ್ಕೊಳ್ಳಬೇಕಾದ* ಪ್ರದೇಶಗಳು ಇನ್ನೂ ತುಂಬ ಇವೆ.
2 ಉಳಿದಿರೋ ಪ್ರದೇಶಗಳು+ ಯಾವುದಂದ್ರೆ: ಫಿಲಿಷ್ಟಿಯರ ಮತ್ತು ಗೆಷೂರ್ಯರ+ ಎಲ್ಲ ಪ್ರದೇಶಗಳು
3 (ಈಜಿಪ್ಟಿನ ಪೂರ್ವಕ್ಕಿರೋ* ನೈಲ್ ನದಿಯ ಶಾಖೆಯಿಂದ* ಉತ್ತರಕ್ಕಿರೋ ಎಕ್ರೋನಿನ ಗಡಿಪ್ರದೇಶದ ತನಕ. ಇದನ್ನ ಕಾನಾನ್ಯರ ಪ್ರದೇಶ ಅಂತ ಹೇಳ್ತಿದ್ರು).+ ಇವುಗಳಲ್ಲಿ ಫಿಲಿಷ್ಟಿಯರ ಐದು ಪ್ರಭುಗಳ+ ಅಂದ್ರೆ ಗಾಜದವರ, ಅಷ್ಡೋದಿನವರ,+ ಅಷ್ಕೆಲೋನಿನವರ,+ ಗಿತ್ತೀಯರ,+ ಎಕ್ರೋನಿನವರ+ ಪ್ರದೇಶಗಳೂ ಇದ್ವು. ಅವ್ವೀಮ್ಯರ+ ಪ್ರದೇಶ
4 ದಕ್ಷಿಣದಲ್ಲಿತ್ತು. ಕಾನಾನ್ಯರ ಇಡೀ ಪ್ರದೇಶ, ಸೀದೋನ್ಯರಿಗೆ+ ಸೇರಿದ ಮೆಯಾರಾದಿಂದ ಅಮೋರಿಯರ ಗಡಿಪ್ರದೇಶದಲ್ಲಿದ್ದ ಅಫೇಕಿನ ತನಕದ ಪ್ರದೇಶ,
5 ಗೆಬಾಲ್ಯರ+ ಪ್ರದೇಶ, ಪೂರ್ವಕ್ಕಿರೋ ಇಡೀ ಲೆಬನೋನ್ ಪ್ರದೇಶ, ಹೆರ್ಮೋನ್ ಬೆಟ್ಟದ ಬುಡದಲ್ಲಿರೋ ಬಾಲ್ಗಾದಿನಿಂದ ಲೆಬೊ-ಹಾಮಾತಿನ+ ತನಕದ* ಪ್ರದೇಶ,
6 ಲೆಬನೋನಿನಿಂದ+ ಮಿಸ್ರೆಫೋತ್ಮಯಿಮ್ನ+ ತನಕ ಇರೋ ಬೆಟ್ಟ ಪ್ರದೇಶಗಳಲ್ಲಿ ಇರೋ ಜನ್ರ ಮತ್ತು ಸೀದೋನ್ಯರ+ ಎಲ್ಲ ಪ್ರದೇಶಗಳು. ಇಲ್ಲಿ ವಾಸ ಮಾಡ್ತಿರೋ ಎಲ್ಲ ಜನ್ರನ್ನ ನಾನು ಇಸ್ರಾಯೇಲ್ಯರ ಮುಂದಿಂದ ಓಡಿಸಿಬಿಡ್ತೀನಿ.*+ ನಾನು ಈಗಾಗ್ಲೇ ನಿನಗೆ ಆಜ್ಞೆ ಕೊಟ್ಟಿರೋ ತರ ನೀನು ಈ ದೇಶನ ಇಸ್ರಾಯೇಲ್ಯರಿಗೆ ಆಸ್ತಿಯಾಗಿ ನೇಮಿಸಿದ್ರೆ ಸಾಕು.+
7 ಹಾಗಾಗಿ ಈಗ ಇದನ್ನ ಒಂಬತ್ತು ಕುಲಗಳಿಗೆ, ಮನಸ್ಸೆಯ ಅರ್ಧ ಕುಲದವರಿಗೆ ಪಾಲು ಮಾಡಿ ಕೊಡು.”+
8 ಮನಸ್ಸೆ ಕುಲದ ಉಳಿದ ಅರ್ಧ ಜನ್ರಿಗೆ, ರೂಬೇನ್ಯರಿಗೆ, ಗಾದ್ಯರಿಗೆ ಮೋಶೆ ಯೋರ್ದನಿನ ಪೂರ್ವದ ಕಡೆ ಕೊಟ್ಟಿದ್ದ ಆಸ್ತಿನ ಅವರು ತಗೊಂಡ್ರು. ಯೆಹೋವನ ಸೇವಕ ಮೋಶೆ ಅವರಿಗೆ ಕೊಟ್ಟಿದ್ದ ಪ್ರದೇಶಗಳು ಯಾವುದಂದ್ರೆ:+
9 ಅರ್ನೋನ್ ಕಣಿವೆಯ+ ಅಂಚಲ್ಲಿದ್ದ ಅರೋಯೇರಿನಿಂದ+ ಕಣಿವೆಯ ಮಧ್ಯದಲ್ಲಿದ್ದ ಪಟ್ಟಣನೂ ಸೇರಿ, ದೀಬೋನಿನ ತನಕ ವಿಸ್ತರಿಸಿರೋ ಮೇದೆಬದ ಪ್ರಸ್ಥಭೂಮಿ ತನಕ* ಇರೋ ಎಲ್ಲ ಪ್ರದೇಶಗಳು,
10 ಹೆಷ್ಬೋನಲ್ಲಿ ಆಳ್ತಿದ್ದ ಅಮೋರಿಯರ ರಾಜ ಸೀಹೋನನ ಎಲ್ಲ ಪಟ್ಟಣಗಳು, ಇವು ಅಮ್ಮೋನಿಯರ ಗಡಿ ತನಕ ಇತ್ತು.+
11 ಅಷ್ಟೇ ಅಲ್ಲ ಗಿಲ್ಯಾದ್, ಗೆಷೂರ್ಯರ ಮತ್ತು ಮಾಕಾತ್ಯರ+ ಪ್ರದೇಶಗಳು, ಇಡೀ ಹೆರ್ಮೋನ್ ಬೆಟ್ಟ ಹಾಗೂ ಸಲ್ಕಾ+ ತನಕ ಇರೋ ಬಾಷಾನಿನ ಎಲ್ಲ ಪ್ರದೇಶಗಳು,+
12 ಅಷ್ಟರೋತ್ ಮತ್ತು ಎದ್ರೈಯಲ್ಲಿ ಆಳ್ತಿದ್ದ ಬಾಷಾನಿನ ರಾಜ ಓಗನ ಇಡೀ ಸಾಮ್ರಾಜ್ಯ. (ಇವನು ರೆಫಾಯರ ಕೊನೆಯವ್ರಲ್ಲಿ ಒಬ್ಬ.)+ ಮೋಶೆ ಇವ್ರನ್ನ ಸೋಲಿಸಿ ಆ ಪ್ರದೇಶಗಳಿಂದ ಓಡಿಸಿಬಿಟ್ಟ.*+
13 ಆದ್ರೆ ಗೆಷೂರ್ಯರನ್ನ, ಮಾಕಾತ್ಯರನ್ನ ಇಸ್ರಾಯೇಲ್ಯರು ಓಡಿಸಲಿಲ್ಲ.*+ ಹಾಗಾಗಿ ಗೆಷೂರಿನ, ಮಾಕತಿನ ಜನ ಇವತ್ತಿನ ತನಕ ಇಸ್ರಾಯೇಲ್ಯರ ಮಧ್ಯದಲ್ಲೇ ಇದ್ದಾರೆ.
14 ಮೋಶೆ ಲೇವಿ ಕುಲದವ್ರಿಗೆ ಮಾತ್ರ ಆಸ್ತಿ ಕೊಡಲಿಲ್ಲ.+ ಇಸ್ರಾಯೇಲ್ಯರ ದೇವರಾದ ಯೆಹೋವ ಅವ್ರಿಗೆ ಮಾತು ಕೊಟ್ಟ ಹಾಗೇ+ ಜನ ದೇವರಿಗೆ ಬೆಂಕಿ ಮೂಲಕ ಕೊಡ್ತಿದ್ದ ಬಲಿಗಳ ಭಾಗನೇ ಅವ್ರ ಆಸ್ತಿಯಾಗಿತ್ತು.+
15 ಆಮೇಲೆ ಮೋಶೆ ರೂಬೇನ್ ಕುಲದವ್ರಿಗೆ ಅವ್ರ ಮನೆತನಗಳ ಪ್ರಕಾರ ಆಸ್ತಿ ಕೊಟ್ಟ. ಆ ಪ್ರದೇಶಗಳು ಯಾವುದಂದ್ರೆ:
16 ಅರ್ನೋನ್ ಕಣಿವೆಯ ಅಂಚಲ್ಲಿದ್ದ ಅರೋಯೇರಿನಿಂದ ಕಣಿವೆಯ ಮಧ್ಯದಲ್ಲಿದ್ದ ಪಟ್ಟಣನೂ ಸೇರಿ, ಮೇದೆಬದ ಪ್ರಸ್ಥಭೂಮಿ ತನಕ ಇರೋ ಎಲ್ಲ ಪ್ರದೇಶಗಳು,
17 ಹೆಷ್ಬೋನ್ ಮತ್ತು ಪ್ರಸ್ಥಭೂಮಿ ಮೇಲಿರೋ ಅದ್ರ ಎಲ್ಲ ಪಟ್ಟಣಗಳು,+ ದೀಬೋನ್, ಬಾಮೋತ್-ಬಾಳ್, ಬೇತ್-ಬಾಳ್-ಮೆಯೋನ್,+
18 ಯಹಜ,+ ಕೆದೇಮೋತ್,+ ಮೇಫಾಯತ್,+
19 ಕಿರ್ಯಾತಯಿಮ್, ಸಿಬ್ಮ,+ ಕಣಿವೆ ಹತ್ರ ಇರೋ ಬೆಟ್ಟದ ಮೇಲಿನ ಚೆರೆತ್-ಶಹರ್,
20 ಬೇತ್-ಪೆಗೋರ್, ಪಿಸ್ಗಾದ ಇಳಿಜಾರು+ ಪ್ರದೇಶ, ಬೇತ್-ಯೆಷಿಮೋತ್,+
21 ಪ್ರಸ್ಥಭೂಮಿಯ ಎಲ್ಲ ಪಟ್ಟಣಗಳು ಮತ್ತು ಹೆಷ್ಬೋನಲ್ಲಿ+ ಆಳ್ತಿದ್ದ ಅಮೋರಿಯರ ರಾಜ ಸೀಹೋನನ ಇಡೀ ಸಾಮ್ರಾಜ್ಯ. ಮೋಶೆ ಸೀಹೋನನನ್ನ ಮತ್ತು ಅದೇ ಪ್ರದೇಶದಲ್ಲಿ ವಾಸವಾಗಿದ್ದು ಇವನ ಕೈಕೆಳಗಿದ್ದ ಮಿದ್ಯಾನಿನ ಪ್ರಧಾನರಾದ ಎವೀ, ರೆಕೆಮ್, ಚೂರ್, ಹೂರ್ ಮತ್ತು ರೆಬಾ+ ಅನ್ನೋವ್ರನ್ನ ಸೋಲಿಸಿದ.+
22 ಇಸ್ರಾಯೇಲ್ಯರು ಕತ್ತಿಯಿಂದ ಕೊಂದವ್ರಲ್ಲಿ ಬೆಯೋರನ ಮಗನೂ ಕಣಿಹೇಳುವವನೂ+ ಆಗಿದ್ದ ಬಿಳಾಮನೂ+ ಒಬ್ಬನಾಗಿದ್ದ.
23 ಯೋರ್ದನ್ ನದಿ ರೂಬೇನ್ಯರ ಗಡಿ ಆಗಿತ್ತು. ಈ ಪ್ರದೇಶದಲ್ಲಿದ್ದ ಪಟ್ಟಣಗಳು, ಹಳ್ಳಿಗಳು ರೂಬೇನ್ ಕುಲದ ಮನೆತನಗಳಿಗೆ ಸಿಕ್ಕಿದ ಆಸ್ತಿ.
24 ಆಮೇಲೆ ಮೋಶೆ ಗಾದ್ ಕುಲದವ್ರಿಗೆ ಅವ್ರ ಮನೆತನಗಳ ಪ್ರಕಾರ ಆಸ್ತಿ ಕೊಟ್ಟ. ಆ ಪ್ರದೇಶಗಳು ಯಾವುದಂದ್ರೆ:
25 ಯಜ್ಜೇರ್,+ ಗಿಲ್ಯಾದಿನ ಎಲ್ಲ ಪಟ್ಟಣಗಳು, ಅರೋಯೇರಿನ ತನಕ ವಿಸ್ತರಿಸಿರೋ ರಬ್ಬಾದ+ ಎದುರಿಗಿದ್ದ ಅಮ್ಮೋನಿಯರ+ ಅರ್ಧ ರಾಜ್ಯ,
26 ಹೆಷ್ಬೋನಿಂದ+ ರಾಮತ್-ಮಿಚ್ಪೆವರೆಗೆ, ಬೆಟೋನೀಮ್, ಮಹನಯಿಮಿನಿಂದ+ ದೆಬೀರಿನ ಗಡಿ ತನಕ,
27 ಹೆಷ್ಬೋನಿನ ರಾಜನಾಗಿದ್ದ ಸೀಹೋನನ+ ಉಳಿದ ಸಾಮ್ರಾಜ್ಯ ಅಂದ್ರೆ ಕಣಿವೆಯಲ್ಲಿದ್ದ ಬೇತ್-ಹಾರಾಮ್, ಬೇತ್-ನಿಮ್ರಾ,+ ಸುಕ್ಕೋತ್,+ ಚಾಫೋನ್ ಪ್ರದೇಶಗಳು. ಅವ್ರ ಪ್ರದೇಶ ಯೋರ್ದನಿನ ಪೂರ್ವ ಪ್ರದೇಶದಿಂದ ಕಿನ್ನೆರೆತ್ ಸಮುದ್ರದ+ ತನಕ* ಇತ್ತು.
28 ಈ ಪ್ರದೇಶದಲ್ಲಿದ್ದ ಪಟ್ಟಣಗಳು ಮತ್ತು ಹಳ್ಳಿಗಳು ಗಾದ್ಯರ ಮನೆತನಗಳಿಗೆ ಸಿಕ್ಕಿದ ಆಸ್ತಿ.
29 ಅಷ್ಟೇ ಅಲ್ಲ ಮೋಶೆ ಮನಸ್ಸೆಯ ಅರ್ಧ ಕುಲದವ್ರಿಗೆ ಅವ್ರ ಮನೆತನಗಳ ಪ್ರಕಾರ ಈ ಪ್ರದೇಶಗಳನ್ನ ಆಸ್ತಿಯಾಗಿ ಕೊಟ್ಟ.+ ಅವು ಯಾವುದಂದ್ರೆ:
30 ಮಹನಯಿಮಿನಿಂದ + ಬಾಷಾನಿನ ಎಲ್ಲ ಪ್ರದೇಶಗಳು ಅಂದ್ರೆ ಬಾಷಾನಿನ ರಾಜ ಓಗನ ಇಡೀ ಸಾಮ್ರಾಜ್ಯ, ಬಾಷಾನಿನಲ್ಲಿದ್ದ ಯಾಯೀರನ+ ಡೇರೆಗಳಿರೋ ಎಲ್ಲ ಗ್ರಾಮಗಳು, ಜೊತೆಗೆ 60 ಪಟ್ಟಣಗಳು,
31 ಮನಸ್ಸೆಯ ಮಗನಾಗಿದ್ದ ಮಾಕೀರನಿಗೆ+ ಅಂದ್ರೆ ಅವನ ಗಂಡು ಮಕ್ಕಳಲ್ಲಿ ಅರ್ಧ ಜನ್ರ ಕುಟುಂಬಗಳಿಗೆ ಗಿಲ್ಯಾದಿನ ಅರ್ಧ ಭಾಗ, ಬಾಷಾನಿನ ರಾಜ ಓಗನ ಸಾಮ್ರಾಜ್ಯದಲ್ಲಿದ್ದ ಅಷ್ಟರೋತ್ ಮತ್ತು ಎದ್ರೈ+ ಪಟ್ಟಣಗಳು ಸಿಕ್ತು.
32 ಇದಿಷ್ಟು ಯೋರ್ದನಿನ ಆಕಡೆ, ಯೆರಿಕೋವಿನ ಪೂರ್ವಕ್ಕಿದ್ದ ಮೋವಾಬಿನ ಬಯಲು ಪ್ರದೇಶಗಳಲ್ಲಿ ಮೋಶೆ ಅವ್ರಿಗೆ ಕೊಟ್ಟಿದ್ದ ಆಸ್ತಿಗಳು.+
33 ಆದ್ರೆ ಮೋಶೆ ಲೇವಿ ಕುಲದವ್ರಿಗೆ ಆಸ್ತಿ ಕೊಟ್ಟಿರಲಿಲ್ಲ.+ ಇಸ್ರಾಯೇಲ್ ದೇವರಾದ ಯೆಹೋವ ಮಾತು ಕೊಟ್ಟ ಹಾಗೆ ಆತನೇ ಅವ್ರ ಆಸ್ತಿ.+
ಪಾದಟಿಪ್ಪಣಿ
^ ಅಥವಾ “ಜಯಿಸಬೇಕಾದ.”
^ ಅಥವಾ “ಶೀಹೋರಿಂದ.”
^ ಅಕ್ಷ. “ಎದುರಿಗಿರೋ.”
^ ಅಥವಾ “ಹಾಮಾತಿನ ಬಾಗಿಲ ತನಕದ.”
^ ಅಕ್ಷ. “ಹೊರಗೆ ಹಾಕು.”
^ ಅಥವಾ “ಎತ್ತರದಲ್ಲಿ ಸಮತಟ್ಟಾದ ಪ್ರದೇಶದ ತನಕ.”
^ ಅಕ್ಷ. “ಹೊರಗೆ ಹಾಕು.”
^ ಅಕ್ಷ. “ಹೊರಗೆ ಹಾಕು.”
^ ಅದು, ಗೆನೆಜರೇತ್ ಸರೋವರ ಅಥವಾ ಗಲಿಲಾಯ ಸಮುದ್ರ.