ಒಂದನೇ ಪೂರ್ವಕಾಲವೃತ್ತಾಂತ 10:1-14
-
ಸೌಲನ ಮತ್ತು ಅವನ ಗಂಡು ಮಕ್ಕಳ ಮರಣ (1-14)
10 ಫಿಲಿಷ್ಟಿಯರು ಇಸ್ರಾಯೇಲ್ಯರ ವಿರುದ್ಧ ಯುದ್ಧ ಮಾಡ್ತಿದ್ರು. ಇಸ್ರಾಯೇಲ್ ಗಂಡಸ್ರು ಸೋತು ಓಡಿಹೋದ್ರು. ತುಂಬ ಜನ್ರನ್ನ ಗಿಲ್ಬೋವ ಬೆಟ್ಟದಲ್ಲಿ ಕೊಂದುಹಾಕಿದ್ರು.+
2 ಫಿಲಿಷ್ಟಿಯರು ಸೌಲನನ್ನ, ಅವನ ಮಕ್ಕಳನ್ನ ಅಟ್ಟಿಸ್ಕೊಂಡು ತುಂಬ ಹತ್ರ ಬಂದ್ರು. ಸೌಲನ ಮಕ್ಕಳಾದ ಯೋನಾತಾನ, ಅಬೀನಾದಾಬ, ಮಲ್ಕೀಷೂವನನ್ನ+ ಫಿಲಿಷ್ಟಿಯರು ಕೊಂದ್ರು.
3 ಸೌಲನ ವಿರುದ್ಧ ನಡೆದ ಯುದ್ಧ ತುಂಬ ಭಯಂಕರವಾಗಿತ್ತು. ಬಿಲ್ಲುಗಾರರು ಅವನನ್ನ ನೋಡಿದಾಗ ಅವನಿಗೆ ತುಂಬ ಗಾಯ ಮಾಡಿಬಿಟ್ರು.+
4 ಆಗ ಸೌಲ ತನ್ನ ಆಯುಧಗಳನ್ನ ಹೊರುವವನಿಗೆ “ನಿನ್ನ ಕತ್ತಿ ತೆಗೆದು ನನ್ನನ್ನ ಕೊಂದುಬಿಡು. ಇಲ್ಲಾಂದ್ರೆ ಸುನ್ನತಿಯಾಗದ ಈ ಗಂಡಸ್ರು ನನಗೆ ಒಂಚೂರೂ ದಯೆ ತೋರಿಸದೆ ಕೊಂದುಬಿಡ್ತಾರೆ”+ ಅಂದ. ಆದ್ರೆ ಆಯುಧ ಹೊರುವವನು ಭಯಪಟ್ಟು ಹಾಗೆ ಮಾಡಲಿಲ್ಲ. ಹಾಗಾಗಿ ಸೌಲ ಕತ್ತಿ ತಗೊಂಡು ತಾನೇ ಅದ್ರ ಮೇಲೆ ಬಿದ್ದ.+
5 ಸೌಲ ಸತ್ತದ್ದನ್ನ ಆಯುಧ ಹೊರುವವನು ನೋಡಿ, ಅವನೂ ತನ್ನ ಕತ್ತಿ ಮೇಲೆ ಬಿದ್ದು ಸತ್ತುಹೋದ.
6 ಹೀಗೆ ಸೌಲ, ಅವನ ಮೂರು ಗಂಡು ಮಕ್ಕಳು, ಅವನ ಮನೆತನದವ್ರೆಲ್ಲ ಅವತ್ತೇ ಸತ್ತುಹೋದ್ರು.+
7 ಇಸ್ರಾಯೇಲಿನ ಗಂಡಸ್ರು ಓಡಿ ಹೋಗಿದ್ದಾರೆ, ಸೌಲ, ಅವನ ಮಕ್ಕಳು ಸತ್ತು ಹೋಗಿದ್ದಾರೆ ಅಂತ ಗೊತ್ತಾದಾಗ ಕಣಿವೆ ಪ್ರದೇಶದಲ್ಲಿದ್ದ ಇಸ್ರಾಯೇಲ್ ಜನ್ರೆಲ್ಲ ತಮ್ಮತಮ್ಮ ಪಟ್ಟಣಗಳನ್ನ ಬಿಟ್ಟು ಓಡಿಹೋದ್ರು. ಆಗ ಫಿಲಿಷ್ಟಿಯರು ಬಂದು ಅವುಗಳನ್ನ ವಶ ಮಾಡ್ಕೊಂಡ್ರು.
8 ಮಾರನೇ ದಿನ ಫಿಲಿಷ್ಟಿಯರು ಸತ್ತು ಬಿದ್ದವ್ರ ಬಟ್ಟೆಗಳನ್ನ, ಆಯುಧಗಳನ್ನ ತಗೊಂಡು ಹೋಗೋಕೆ ಬಂದಾಗ ಸೌಲ, ಅವನ ಗಂಡು ಮಕ್ಕಳು ಗಿಲ್ಬೋವ+ ಬೆಟ್ಟದಲ್ಲಿ ಸತ್ತುಬಿದ್ದಿರೋದನ್ನ ನೋಡಿದ್ರು.
9 ಆಗ ಅವರು ಸೌಲನನ್ನ ದೋಚಿ ಅವನ ತಲೆ ಕಡಿದು ಅವನ ಆಯುಧಗಳನ್ನ ತಗೊಂಡ್ರು. ಈ ಸುದ್ದಿ ಎಲ್ಲ ಜನ್ರಿಗೆ, ಮೂರ್ತಿಗಳಿರೋ ಅವ್ರ ದೇವಸ್ಥಾನಗಳಿಗೆ ಹಬ್ಬಿಸಿ+ ಅಂತ ಫಿಲಿಷ್ಟಿಯರ ದೇಶದ ಮೂಲೆಮೂಲೆಗೂ ಸಂದೇಶ ಕಳಿಸಿದ್ರು.
10 ಆಮೇಲೆ ಅವರು ಸೌಲನ ಆಯುಧಗಳನ್ನ ತಮ್ಮ ದೇವರ ಆಲಯದಲ್ಲಿ ಇಟ್ರು. ಅವನ ಬುರುಡೆಯನ್ನ ದಾಗೋನನ+ ಆಲಯದಲ್ಲಿ ನೇತು ಹಾಕಿದ್ರು.
11 ಫಿಲಿಷ್ಟಿಯರು ಸೌಲನಿಗೆ ಏನು ಮಾಡಿದ್ರು ಅಂತ ಗಿಲ್ಯಾದಿನ ಯಾಬೆಷಿನಲ್ಲಿ+ ಇರೋ ಜನ್ರಿಗೆಲ್ಲ ಗೊತ್ತಾಯ್ತು.+
12 ಆಗ ಅವ್ರಲ್ಲಿದ್ದ ವೀರ ಸೈನಿಕರೆಲ್ಲ ಹೋಗಿ ಸೌಲನ, ಅವನ ಮಕ್ಕಳ ಶವಗಳನ್ನ ತಗೊಂಡು ಯಾಬೇಷಿಗೆ ಬಂದ್ರು. ಆಮೇಲೆ ಅವ್ರ ಮೂಳೆಗಳನ್ನ ಯಾಬೇಷಿನ ದೊಡ್ಡ ಮರದ ಕೆಳಗೆ ಸಮಾಧಿ ಮಾಡಿ+ ಏಳು ದಿನ ಉಪವಾಸ ಮಾಡಿದ್ರು.
13 ಸೌಲ ಯೆಹೋವನ ಮಾತು ಕೇಳದೆ ಯೆಹೋವನಿಗೆ ನಂಬಿಕೆದ್ರೋಹ ಮಾಡಿದ್ರಿಂದ ಸತ್ತುಹೋದ.+ ಸತ್ತವ್ರನ್ನ ಮಾತಾಡಿಸ್ತಾ ಇದ್ದೀವಿ+ ಅಂತ ಹೇಳ್ಕೊಳ್ತಿದ್ದ ಸ್ತ್ರೀ ಹತ್ರ ಅವನು ಹೋಗಿದ್ದ.
14 ಅದ್ರ ಬದ್ಲು ಅವನು ಯೆಹೋವನ ಹತ್ರ ಕೇಳಬಹುದಿತ್ತು. ಹಾಗಾಗಿ ದೇವರು ಅವನನ್ನ ಕೊಂದು ಅವನ ಅಧಿಕಾರವನ್ನ ಇಷಯನ ಮಗ ದಾವೀದನಿಗೆ ಕೊಟ್ಟನು.+