ಎರಡನೇ ಸಮುವೇಲ 9:1-13
-
ಮೆಫೀಬೋಶೆತನಿಗೆ ದಾವೀದ ತೋರಿಸಿದ ಶಾಶ್ವತ ಪ್ರೀತಿ (1-13)
9 ಆಮೇಲೆ ದಾವೀದ “ಸೌಲನ ಕುಟುಂಬದಲ್ಲಿ ಯಾರಾದ್ರೂ ಜೀವಂತವಾಗಿ ಇದ್ದಾರಾ? ಇದ್ರೆ ಅವ್ರಿಗೆ ನಾನು ಯೋನಾತಾನನಿಗೋಸ್ಕರ ಶಾಶ್ವತ ಪ್ರೀತಿ ತೋರಿಸಬೇಕು”+ ಅಂದ.
2 ಸೌಲನ ಕುಟುಂಬದ ಸೇವಕನಾಗಿದ್ದ ಚೀಬ+ ಅಲ್ಲಿದ್ದ. ಹಾಗಾಗಿ ಅವನನ್ನ ದಾವೀದನ ಹತ್ರ ಕರೆದಾಗ ರಾಜ “ನೀನು ಚೀಬನಾ?” ಅಂತ ಕೇಳಿದಾಗ ಅವನು “ಹೌದು, ನಾನು ನಿನ್ನ ಸೇವಕ ಚೀಬ” ಅಂತ ಉತ್ತರ ಕೊಟ್ಟ.
3 ಆಗ ರಾಜ “ದೇವರು ತೋರಿಸುವಂಥ ಶಾಶ್ವತ ಪ್ರೀತಿನ ನಾನು ತೋರಿಸೋಕೆ ಸೌಲನ ಕುಟುಂಬದಲ್ಲಿ ಯಾರಾದ್ರೂ ಜೀವಂತವಾಗಿ ಇದ್ದಾರಾ?” ಅಂತ ಕೇಳಿದ. ಅದಕ್ಕೆ ಚೀಬ “ಯೋನಾತಾನನ ಒಬ್ಬ ಮಗ ಇನ್ನೂ ಇದ್ದಾನೆ. ಅವನು ಕುಂಟ”+ ಅಂದ.
4 ರಾಜ ಅವನಿಗೆ “ಅವನು ಎಲ್ಲಿದ್ದಾನೆ?” ಅಂತ ಕೇಳಿದ. ಅದಕ್ಕೆ ಚೀಬ “ಅವನು ಲೋದೆಬಾರಿನಲ್ಲಿ ಅಮ್ಮೀಯೇಲನ ಮಗ ಮಾಕೀರನ+ ಮನೇಲಿ ಇದ್ದಾನೆ” ಅಂದ.
5 ತಕ್ಷಣ ರಾಜ ದಾವೀದ ಮೆಫೀಬೋಶೆತನನ್ನ ಮಾಕೀರನ ಮನೆಯಿಂದ ಕರ್ಕೊಂಡು ಬರೋಕೆ ಜನ್ರನ್ನ ಕಳಿಸಿದ.
6 ಸೌಲನ ಮೊಮ್ಮಗ, ಯೋನಾತಾನನ ಮಗ ಮೆಫೀಬೋಶೆತ ದಾವೀದನ ಹತ್ರ ಬಂದಾಗ ನೆಲದ ತನಕ ಬಗ್ಗಿ ನಮಸ್ಕಾರ ಮಾಡಿದ. ಆಗ ದಾವೀದ “ಮೆಫೀಬೋಶೆತ!” ಅಂತ ಕರೆದಾಗ ಅವನು “ಹೇಳಿ ಪ್ರಭು” ಅಂದ.
7 ಆಗ ದಾವೀದ “ಹೆದರಬೇಡ. ನಿನ್ನ ಅಪ್ಪ ಯೋನಾತಾನನಿಗೋಸ್ಕರ ನಾನು ಖಂಡಿತ ನಿನಗೆ ಶಾಶ್ವತ ಪ್ರೀತಿ+ ತೋರಿಸ್ತೀನಿ. ನಿನ್ನ ಅಜ್ಜ ಸೌಲನ ಎಲ್ಲ ಜಮೀನನ್ನ ನಾನು ನಿನಗೆ ವಾಪಸ್‌ ಕೊಡ್ತೀನಿ. ನೀನು ಇವತ್ತಿಂದ ನನ್ನ ಮೇಜಲ್ಲಿ ಊಟ ಮಾಡ್ತೀಯ”*+ ಅಂದ.
8 ಆಗ ಮೆಫೀಬೋಶೆತ ನಮಸ್ಕಾರ ಮಾಡಿ “ನಾನು ಏನೇನೂ ಅಲ್ಲ. ನಾನು ಒಂದು ಸತ್ತ ನಾಯಿಗೆ+ ಸಮ. ಆದ್ರೂ ನೀನು ನನ್ನ ಕಡೆ ಗಮನ ಕೊಟ್ಟಿದ್ದೀಯ” ಅಂದ.
9 ಆಗ ರಾಜ ದಾವೀದ ಸೌಲನ ಸೇವಕನಾದ ಚೀಬನನ್ನ ಕರೆದು “ಸೌಲನಿಗೆ, ಅವನ ಕುಟುಂಬಕ್ಕೆ ಸೇರಿದ ಎಲ್ಲವನ್ನ ನಾನು ನಿನ್ನ ಯಜಮಾನನ ಮೊಮ್ಮಗನಿಗೆ ಕೊಡ್ತೀನಿ.+
10 ನೀನು, ನಿನ್ನ ಮಕ್ಕಳು, ನಿನ್ನ ಸೇವಕರು ಅವನಿಗಾಗಿ ಹೊಲದಲ್ಲಿ ಬೆಳೆ ಬೆಳಿತೀರ. ನಿನ್ನ ಯಜಮಾನನ ಮೊಮ್ಮಗನ ಕಡೆಯವ್ರಿಗೆ ಆಹಾರ ಕೊಡೋಕೆ ಅದ್ರ ಬೆಳೆನ ನೀನು ಒಟ್ಟುಗೂಡಿಸ್ತೀಯ. ಆದ್ರೆ ನಿನ್ನ ಯಜಮಾನನ ಮೊಮ್ಮಗ ಮೆಫೀಬೋಶೆತ್‌ ಯಾವಾಗ್ಲೂ ನನ್ನ ಮೇಜಿನ ಮೇಲೆ ಊಟ ಮಾಡ್ತಾನೆ”+ ಅಂತ ಹೇಳಿದ.
ಚೀಬನಿಗೆ 15 ಗಂಡು ಮಕ್ಕಳು, 20 ಸೇವಕರು ಇದ್ರು.+
11 ಆಮೇಲೆ ಚೀಬ ರಾಜನಿಗೆ “ನನ್ನ ಒಡೆಯನೇ, ರಾಜನೇ ನೀನು ಏನೆಲ್ಲ ಆಜ್ಞೆ ಕೊಡ್ತಿಯೋ ಅದನ್ನೆಲ್ಲ ನಾನು ಮಾಡ್ತೀನಿ” ಅಂದ. ಹಾಗಾಗಿ ಮೆಫೀಬೋಶೆತ್‌ ದಾವೀದನ* ಮೇಜಿನಲ್ಲಿ ರಾಜನ ಮಗನ ತರ ಊಟ ಮಾಡಿದ.
12 ಮೆಫೀಬೋಶೆತನಿಗೂ ಒಬ್ಬ ಮಗನಿದ್ದ. ಆ ಯುವಕನ ಹೆಸ್ರು ಮೀಕ.+ ಚೀಬನ ಮನೇಲಿ ಇದ್ದವ್ರೆಲ್ಲ ಮೆಫೀಬೋಶೆತನ ಸೇವಕರಾದ್ರು.
13 ಮೆಫೀಬೋಶೆತ ಯಾವಾಗ್ಲೂ ರಾಜನ ಮೇಜಲ್ಲಿ ಊಟ ಮಾಡಬೇಕಾಗಿದ್ರಿಂದ+ ಯೆರೂಸಲೇಮಲ್ಲೇ ಇದ್ದ. ಅವನ ಎರಡೂ ಕಾಲು ಕುಂಟಾಗಿತ್ತು.+
