1. ಪ್ರೀತಿಯಿಂದ ದೇವ

ಮಮಕಾರವ ತೋರಿ

ಮಗನನ್ನೇ ತ್ಯಾಗ ಮಾಡಿ

ಕ್ಷಮೆ ನೀಡಿದ ನೋಡಿ;

ಇಂದೆ ತೋರಿ ಪಶ್ಚಾತ್ತಾಪ

ಅನುಕಂಪ ಬೇಡೋಣ;

ಕ್ರಿಸ್ತ ಯೇಸು ನಾಮದಲ್ಲಿ

ಕ್ಷಮೆಯ ಯಾಚಿಸೋಣ.

2. ದೇವರ ಪ್ರೀತಿಯ

ಪ್ರತಿಬಿಂಬಿಸಿ ನಾವು

ತೊರೆಯೋಣ ಕೋಪ ತಾಪ

ಮರೆತು ಮನಸ್ತಾಪ;

ಪಡೆಯುವೆವು ನಾವಾಗ

ದೇವರ ಕ್ಷಮೆ ಬೇಗ,

ನಮ್ಮ ಬಾಳಿನಲ್ಲಿ ಆಗ

ಚಿರಕಾಲ ಆನಂದ!

3. ತೋರಿಸೋಣ ನಾವು

ಕರುಣೆ ದಯೆ ಇಂದು,

ಹಗೆಯನ್ನು ದೂರ ಮಾಡೋ

ನಿಜ ಪ್ರೀತಿಯ ಎಂದೂ;

ನಮ್ಮ ದೇವರಂತೆ ನಾವು

ಮರೆತು ಕಹಿ ನೋವು

ಕ್ಷಮಿಸೋಣ ಪೂರ್ಣವಾಗಿ,

ಮನಸಾರೆ ಒಂದಾಗಿ!