ದೇವರು ಮಾತುಕೊಟ್ಟ ದೇಶವನ್ನು ಇಸ್ರಾಯೇಲ್ಯರು ವಶಪಡಿಸಿಕೊಂಡು ತಮ್ಮಲ್ಲಿದ್ದ ಎಲ್ಲ ಕುಲಗಳಿಗೆ ಹಂಚಿಕೊಂಡರು ಎಂದು ಬೈಬಲ್‌ ಹೇಳುತ್ತದೆ. ಮನಸ್ಸೆ ಕುಲದ 10 ಮನೆತನಗಳಿಗೆ ಸಿಕ್ಕಿದ ಪ್ರದೇಶಗಳು ಯೋರ್ದನಿನ ಪಶ್ಚಿಮಕ್ಕೆ ಇದ್ದವು. ಬೇರೆ ಕುಲಗಳಿಗೆ ಸಿಕ್ಕಿದ ಪ್ರದೇಶಗಳು ಇದದ್ದು ಬೇರೆ ಕಡೆ. (ಯೆಹೋಶುವ 17:1-6) ಇದಕ್ಕೆ ಏನಾದರೂ ಪುರಾವೆ ಇದೆಯಾ?

 1910 ರಲ್ಲಿ ಸಮಾರ್ಯದಲ್ಲಿ ಒಟ್ಟು 102 ಮಡಿಕೆ ಚೂರುಗಳು ಸಿಕ್ಕಿದವು. ಅವು ಕ್ರಿ.ಪೂ. 8 ನೇ ಶತಮಾನದ್ದು. ಆಸ್ಟ್ರಕ ಎಂಬ ಹೆಸರು ಪಡೆದ ಆ ಮಡಿಕೆ ಚೂರುಗಳ ಮೇಲೆ ಹೀಬ್ರು ಭಾಷೆಯಲ್ಲಿ ಏನೋ ಬರೆದಿತ್ತು. ದ್ರಾಕ್ಷಾಮದ್ಯ, ಮೈಕೈಗೆ ಹಚ್ಚುವ ಎಣ್ಣೆ ಇತರ ಬೆಲೆಬಾಳುವ ವಸ್ತುಗಳನ್ನು ರಾಜಧಾನಿಯಾದ ಸಮಾರ್ಯದ ಅರಮನೆಗೆ ಸಾಗಿಸಿದ್ದರ ಬಗ್ಗೆ ಬರೆದಿತ್ತು. ಆದರೆ ಆ 102 ರಲ್ಲಿ ಬರೀ 63 ಮಡಿಕೆ ಚೂರುಗಳಲ್ಲಿದ್ದ ಬರಹಗಳು ಮಾತ್ರ ಓದಲಿಕ್ಕೆ ಆಗುವ ತರ ಇದ್ದವು. ಆದರೆ ಈ ಚೂರುಗಳನ್ನೆಲ್ಲ ಒಟ್ಟಿಗೆ ಪರಿಶೀಲಿಸಿದಾಗ ಅದು ಯಾವ ಕಾಲದ್ದು, ಮನೆತನದ ಹೆಸರುಗಳು ಮತ್ತು ವ್ಯಾಪಾರವಹಿವಾಟುಗಳು ಮಾಡಿದವರ ಮತ್ತು ಕೊಂಡುಕೊಂಡವರ ಹೆಸರುಗಳು ಇದ್ದವು.

 ಸಮಾರ್ಯದ ಆ ಮಡಿಕೆ ಚೂರುಗಳ ಮೇಲೆ ಬರೆದಿದ್ದ ಮನೆತನಗಳ ಹೆಸರುಗಳು ಮನಸ್ಸೆ ಕುಲದ್ದು ಅನ್ನುವುದು ಸ್ಪಷ್ಟ. NIV ಭೂಅಗೆತಶಾಸ್ತ್ರದ ಅಧ್ಯಯನ ಬೈಬಲ್‌ (ಇಂಗ್ಲಿಷ್‌) ಹೇಳುವ ಪ್ರಕಾರ ಆ ಮಡಿಕೆ ಚೂರುಗಳು, “ಮನೆಸ್ಸೆಯ ಮನೆತನದವರ ಬಗ್ಗೆ, ಅವರು ವಾಸಿಸಿದ ಸ್ಥಳಗಳ ಬಗ್ಗೆ ಬೈಬಲಲ್ಲಿ ಹೇಳಿರುವ ವಿಷಯಗಳು ಸರಿ ಅನ್ನುವುದಕ್ಕೆ ಪುರಾವೆಯಾಗಿವೆ.”

 ಬೈಬಲ್‌ ಬರಹಗಾರನಾದ ಆಮೋಸ ಆ ಕಾಲದ ಶ್ರೀಮಂತರ ಬಗ್ಗೆ ಬರೆದ ಮಾತು ನಿಜ ಅಂತ ಸಹ ಸಮಾರ್ಯದಲ್ಲಿ ಸಿಕ್ಕಿದ ಆ ಮಡಿಕೆ ಚೂರುಗಳು ತೋರಿಸುತ್ತವೆ. ಆಮೋಸ ಹೀಗಂದ, “ನೀವು ಬೋಗುಣಿ ತುಂಬ ದ್ರಾಕ್ಷಾಮದ್ಯ ಕುಡಿತೀರ, ಅತ್ಯುತ್ತಮ ಎಣ್ಣೆಗಳನ್ನ ಹಚ್ಕೊಳ್ತೀರ.” (ಆಮೋಸ 6:1, 6) ಮನಸ್ಸೆ ಕುಲದ 10 ಮನೆತನದವರು ವಾಸಿಸುತ್ತಿದ್ದ ಸ್ಥಳಕ್ಕೆ ಅಂಥ ವಸ್ತುಗಳು ಆಮದು ಆಗುತ್ತಿತ್ತು ಎಂದು ಸಮಾರ್ಯದ ಆಸ್ಟ್ರಕ ದೃಢೀಕರಿಸುತ್ತದೆ.