2023 ಶುರುವಾಗ್ತಾ ಇದ್ದಂತೆ ನಮಗೆ, ನಮ್ಮ ಕುಟುಂಬದವ್ರಿಗೆ ಒಳ್ಳೇದೇ ಆಗಲಿ ಅಂತ ನಾವು ಆಸೆ ಪಡ್ತೀವಿ. ಈ ನಿರೀಕ್ಷೆ ಇಟ್ಕೊಳ್ಳೋದ್ರಲ್ಲಿ ತಪ್ಪಿಲ್ಲ. ಯಾಕೆ?

 ನಮಗಿರೋ ಕಷ್ಟಗಳೆಲ್ಲಾ ತುಂಬ ಬೇಗ ನಾಶ ಆಗುತ್ತೆ ಅಂತ ಬೈಬಲ್‌ ನಮಗೆ ಸಿಹಿಸುದ್ದಿ ಕೊಡುತ್ತೆ. ಅಷ್ಟೇ ಅಲ್ಲ, ಬೈಬಲ್‌ನಲ್ಲಿರೋ “ವಿಷ್ಯಗಳನ್ನೆಲ್ಲ ನಾವು ಕಲಿಬೇಕಂತ ಬರೆದ್ರು. ಈ ಪವಿತ್ರ ಬರಹಗಳು . . . ಸಾಂತ್ವನ ಪಡಿಯೋಕೆ ಸಹಾಯ ಮಾಡೋದ್ರಿಂದ ನಮಗೀಗ ನಿರೀಕ್ಷೆಯಿದೆ.”—ರೋಮನ್ನರಿಗೆ 15:4.

•   ದೇವರು ನಮಗೆ ಕೊಟ್ಟಿರೋ ಮಾತುಗಳ ಬಗ್ಗೆ ತಿಳಿಯಲು “ದೇವರ ಸರ್ಕಾರ ಏನೆಲ್ಲಾ ಮಾಡುತ್ತೆ?” ಅನ್ನೋ ಲೇಖನ ನೋಡಿ.

 ಬೈಬಲ್‌ನಲ್ಲಿರೋ ನಿರೀಕ್ಷೆ “ನಮ್ಮ ಜೀವನಕ್ಕೆ ಲಂಗರದ ಹಾಗಿದೆ.” (ಇಬ್ರಿಯ 6:19) ಈ ಮಾತು ಕಷ್ಟಗಳನ್ನ ಎದುರಿಸೋಕೆ ನಮಗೆ ಶಕ್ತಿ ಕೊಡುತ್ತೆ. ಒಳ್ಳೇ ರೀತಿ ಯೋಚಿಸೋಕೆ ಮತ್ತು ಸಂತೋಷವಾಗಿರೋಕೆ ನಮಗೆ ಸಹಾಯ ಮಾಡುತ್ತೆ. ಉದಾಹರಣೆಗೆ:

•   ಕೆಟ್ಟ ಚಟವನ್ನ ಬಿಡೋಕೆ ಬೈಬಲ್‌ ಕೊಡೋ ನಿರೀಕ್ಷೆ ಒಬ್ಬ ವ್ಯಕ್ತಿಗೆ ಹೇಗೆ ಸಹಾಯ ಮಾಡ್ತು ಅಂತ ತಿಳಿಯಲು‘ನನ್ನ ಜೀವನ ನೋಡಿ ನನಗೇ ಅಸಹ್ಯ ಆಯ್ತು’ ಅನ್ನೋ ವಿಡಿಯೋ ನೋಡಿ.

•   ನಮ್ಮ ಆಪ್ತರನ್ನ ನಾವು ಸಾವಲ್ಲಿ ಕಳಕೊಂಡಾಗ ಬೈಬಲ್‌ ಕೊಡೋ ನಿರೀಕ್ಷೆ ಹೇಗೆ ಸಹಾಯ ಮಾಡುತ್ತೆ ಅಂತ ತಿಳಿಯಲು ಸಾವು ತರೋ ನೋವಿಗೆ ಸಾಂತ್ವನ ಅನ್ನೋ ವಿಡಿಯೋ ನೋಡಿ.

 ತುಂಬ ಜನರು ಮುಂದೆ ಒಳ್ಳೇದಾಗುತ್ತೆ ಅಂತ ಹೇಳ್ತಾರೆ. ಆದ್ರೆ ಹಾಗೆ ಆಗುತ್ತೆ ಅನ್ನೋದಕ್ಕೆ ಅವ್ರಿಗೆ ಯಾವುದೇ ಗ್ಯಾರಂಟಿ ಇಲ್ಲ. ಆದ್ರೆ ಬೈಬಲ್‌ನಲ್ಲಿರೋ ಮಾತುಗಳು ಹಾಗಲ್ಲ. ಯಾಕಂದ್ರೆ ಅವನ್ನ ಹೇಳಿರೋದು ಯೆಹೋವ ದೇವರು. a ಆತನು “ಸುಳ್ಳು ಹೇಳೋಕೆ ಸಾಧ್ಯಾನೇ ಇಲ್ಲದ ದೇವರು.” (ತೀತ 1:2) ತಾನು ಕೊಟ್ಟಿರೋ ಪ್ರತಿಯೊಂದು ಮಾತನ್ನ ನೆರವೇರಿಸೋಕೆ ಯೆಹೋವ ದೇವರಿಂದ ಮಾತ್ರ ಸಾಧ್ಯ. ಆತನು “ತನಗೆ ಇಷ್ಟವಾಗಿದ್ದನ್ನೆಲ್ಲ ಮಾಡ್ತಾನೆ.”—ಕೀರ್ತನೆ 135:5, 6.

 ಬೈಬಲ್‌ ಕೊಡೋ ನಿರೀಕ್ಷೆ ಬಗ್ಗೆ ತಿಳಿಯಲು ನಾವು ನಿಮ್ಮನ್ನ ಆಮಂತ್ರಿಸ್ತೀವಿ. ‘ವಚನಗಳನ್ನ ಚೆನ್ನಾಗಿ ಪರೀಕ್ಷಿಸಿ‘ ನೀವೇ ಅದರ ಮೇಲೆ ಭರವಸೆ ಬೆಳೆಸ್ಕೊಬಹುದು. (ಅಪೊಸ್ತಲರ ಕಾರ್ಯ 17:11) ಇದನ್ನ ಮಾಡೋಕ್ಕೆ ಉಚಿತ ಬೈಬಲ್‌ ಅಧ್ಯಯನದ ಕೋರ್ಸ್‌ ಸಹಾಯ ಮಾಡುತ್ತೆ. ಅದನ್ನ ನೋಡಿ, 2023ನ್ನ ನಿರೀಕ್ಷೆಗಳ ಗೂಡಾಗಿ ಮಾಡಿ!