ಮಹಾಸಂಕಟವು ತುಂಬಾ ಹತ್ತಿರವಿರುವುದರಿಂದ ಸಾರುವ ಕೆಲಸ ತುಂಬಾ ತುರ್ತಿನದ್ದಾಗಿದೆ. (ಜ್ಞಾನೋ 24:11, 12, 20) ನಾವು ಈ ಕಾರ್ಡ್‌ನ್ನು ಕೊಟ್ಟು ಜನರನ್ನು ದೇವರ ವಾಕ್ಯದ ಕಡೆಗೆ ಮತ್ತು ನಮ್ಮ ವೆಬ್‌ಸೈಟಿಗೆ ಮಾರ್ಗದರ್ಶಿಸಬಹುದು. ಈ ಕಾರ್ಡಿನಲ್ಲಿ ಒಂದು ಕೋಡ್‌ ಇದೆ. ಅದನ್ನು ಸ್ಕ್ಯಾನ್‌ ಮಾಡಿ ಬೈಬಲನ್ನು ಯಾಕೆ ಅಧ್ಯಯನ ಮಾಡಬೇಕು? ಎಂಬ ವಿಡಿಯೋ ನೋಡಬಹುದು. ಅಲ್ಲದೆ, ಅಲ್ಲಿ ಬೈಬಲ್‌ ಅಧ್ಯಯನಕ್ಕಾಗಿ ಅಥವಾ ಹೆಚ್ಚಿನ ಮಾಹಿತಿಗಾಗಿ ವಿನಂತಿಸಬಹುದು. ನಮ್ಮ ಸಾಹಿತ್ಯಗಳನ್ನು ತೆಗೆದುಕೊಳ್ಳಲು ಇಷ್ಟಪಡದ ಕೆಲವರು ನಮ್ಮ ವೆಬ್‌ಸೈಟನ್ನು ಭೇಟಿ ಮಾಡಲು ಇಷ್ಟಪಡಬಹುದು. ಅಂಥವರಿಗೆ ಈ ಕಾರ್ಡನ್ನು ಕೊಡಲು ಮರೆಯಬೇಡಿ. ಆದರೆ ಆಸಕ್ತಿ ಇಲ್ಲದವರಿಗೆ ಕೊಡಬೇಡಿ.

ಜನರ ಆಸಕ್ತಿಯನ್ನು ಕೆರಳಿಸಲು ನೀವು ಹೀಗೆ ಹೇಳಬಹುದು: “ಈ ಕಾರ್ಡ್‌ ನಿಮಗೆ. ಇದು ನಮ್ಮ ವೆಬ್‌ಸೈಟಿನ ಬಗ್ಗೆ ತಿಳಿಸುತ್ತೆ. ಈ ವೆಬ್‌ಸೈಟಿನಲ್ಲಿ ನಿಮಗೆ ಪ್ರಯೋಜನಕರವಾದ ಅನೇಕ ವಿಷಯಗಳ ಬಗ್ಗೆ ಲೇಖನ ಮತ್ತು ವಿಡಿಯೋಗಳನ್ನು ಉಚಿತವಾಗಿ ನೋಡಬಹುದು.” (ಯೋಹಾ 4:7) ಈ ಕಾರ್ಡ್‌ ಚಿಕ್ಕದಾಗಿರುವುದರಿಂದ ಯಾವಾಗಲೂ ನಿಮ್ಮ ಹತ್ತಿರ ಇಟ್ಟುಕೊಳ್ಳಿ, ಅವಕಾಶ ಸಿಕ್ಕಿದಾಗೆಲ್ಲಾ ಕೊಡಿ.