ಏಕೆ ಪ್ರಾಮುಖ್ಯ: ನಾವು ದೇವರ ಉದ್ದೇಶದ ಕುರಿತಾದ ಸತ್ಯದ ಬಗ್ಗೆ ಸಾಕ್ಷಿ ನೀಡುವ ಮೂಲಕ ಯೇಸುವನ್ನು ಅನುಕರಿಸಬೇಕು. (ಯೋಹಾ 18:37) ಜೊತೆಗೆ, ಸತ್ಯದಲ್ಲಿ ಹರ್ಷಿಸಬೇಕು, ಸತ್ಯವನ್ನೇ ಆಡಬೇಕು ಮತ್ತು ಯಾವ ವಿಷಯಗಳು ಸತ್ಯವಾಗಿವೆಯೊ ಅವುಗಳನ್ನು ಲಕ್ಷ್ಯಕ್ಕೆ ತಂದುಕೊಳ್ಳುತ್ತಾ ಇರಬೇಕು. ಸುಳ್ಳು ಮತ್ತು ಅನೀತಿ ತುಂಬಿದ ಲೋಕದಲ್ಲಿ ಜೀವಿಸುತ್ತಿರುವುದಾದರೂ ಇದನ್ನು ಮಾಡಬೇಕು.—1ಕೊರಿಂ 13:6; ಫಿಲಿ 4:8.

ಹೇಗೆ ಮಾಡುವುದು:

• ಬೇರೆಯವರ ಬಗ್ಗೆ ಕೆಟ್ಟದ್ದನ್ನು ಹೇಳುವಾಗ ಕೇಳಿಸಿಕೊಳ್ಳದಿರುವ ಮತ್ತು ಅದನ್ನು ಹಬ್ಬಿಸದಿರುವ ದೃಢತೀರ್ಮಾನ ಮಾಡಿ.—1ಥೆಸ 4:11.

• ಇನ್ನೊಬ್ಬರು ಕಷ್ಟಪಡುವಾಗ ಹರ್ಷಿಸಬೇಡಿ

• ಒಳ್ಳೆಯ ಮತ್ತು ಉತ್ತೇಜನದಾಯಕ ವಿಷಯಗಳಲ್ಲಿ ಸಂತೋಷಿಸಿ

‘ನಿಮ್ಮ ಮಧ್ಯೆ ಪ್ರೀತಿಯಿರಲಿ’—ಅನೀತಿಯಲ್ಲಲ್ಲ, ಸತ್ಯದಲ್ಲಿ ಹರ್ಷಿಸಿ ಎಂಬ ವಿಡಿಯೋ ನೋಡಿ ಮತ್ತು ನಂತರ ಕೆಳಗಿನ ಪ್ರಶ್ನೆಗಳನ್ನು ಉತ್ತರಿಸಿ:

• ಜೆನಿ ‘ಅನೀತಿಯನ್ನು ಕಂಡು ಹರ್ಷಿಸಿದ್ದು’ ಹೇಗೆ?

• ಆ್ಯಲಿಸ್‌, ಜೆನಿಯೊಂದಿಗಿನ ಮಾತುಕತೆಯನ್ನು ಒಳ್ಳೆಯ ಸಂಭಾಷಣೆಯಾಗಿ ಬದಲಾಯಿಸಿದ್ದು ಹೇಗೆ?

• ನಾವು ಮಾತಾಡಬಹುದಾದ ಕೆಲವು ಒಳ್ಳೆಯ ವಿಷಯಗಳಾವುವು?