ನಾವು ಕೊನೇ ದಿನಗಳಲ್ಲಿ ಇರೋದರಿಂದ ನಮಗೆ ತುಂಬ ಕಷ್ಟಗಳು ಬರುತ್ತೆ. ಕೆಲವೊಂದು ಸಲ ‘ಇನ್ನು ನನ್ನಿಂದ ಸಹಿಸಕ್ಕಾಗಲ್ಲ’ ಅಂತಾನೂ ಅನಿಸಿಬಿಡುತ್ತೆ. ಆಗ ನಾವು ಯೆಹೋವನ ಜೊತೆ ಇರೋ ಸ್ನೇಹವನ್ನ ಇನ್ನೂ ಗಟ್ಟಿಮಾಡಿಕೊಂಡ್ರೆ ಕಷ್ಟಗಳನ್ನ ಸಹಿಸಿಕೊಳ್ಳೋಕೆ ಆತನು ಸಹಾಯ ಮಾಡ್ತಾನೆ. (ಯೆಶಾ 43:2, 4) ಯೆಹೋವನ ಜೊತೆ ನಮ್ಮ ಸ್ನೇಹವನ್ನ ಗಟ್ಟಿಮಾಡಿಕೊಳ್ಳೋಕೆ ಏನು ಮಾಡಬೇಕು?

ಪ್ರಾರ್ಥನೆ. ನಾವು ಯೆಹೋವನ ಹತ್ರ ಮನಸ್ಸುಬಿಚ್ಚಿ ಮಾತಾಡಿದ್ರೆ ಮನಸ್ಸಿಗೆ ನೆಮ್ಮದಿಯನ್ನ, ಕಷ್ಟ ಸಹಿಸಿಕೊಳ್ಳೋಕೆ ಬೇಕಾದ ಬಲವನ್ನ ಆತನು ನಮಗೆ ಕೊಟ್ಟೇ ಕೊಡ್ತಾನೆ.—ಫಿಲಿ 4:6, 7; 1ಥೆಸ 5:17.

ಕೂಟಗಳು. ಕಷ್ಟದಲ್ಲಿದ್ದಾಗ ನಮಗೆ ಬೈಬಲಲ್ಲಿರೋ ಸಾಂತ್ವನದ ಮಾತುಗಳು ಮತ್ತು ಸಭೆಯವರ ಬೆಂಬಲ ಜಾಸ್ತಿ ಬೇಕು. ಅದು ನಮಗೆ ಕೂಟಗಳಿಂದ ಸಿಗುತ್ತೆ. (ಇಬ್ರಿ 10:24, 25) ಹಾಗಾಗಿ ಕೂಟಗಳಿಗೆ ಚೆನ್ನಾಗಿ ತಯಾರಿ ಮಾಡಿ, ತಪ್ಪದೆ ಕೂಟಗಳಿಗೆ ಹೋಗಿ ಮತ್ತು ಉತ್ತರ ಕೊಡಿ. ಹೀಗೆ ಪವಿತ್ರಶಕ್ತಿಯಿಂದ ಸಿಗೋ ಬಲವನ್ನ ಪಡಕೊಳ್ಳಿ.—ಪ್ರಕ 2:29.

ಸೇವೆ. ಸೇವೆಯಲ್ಲಿ ಜಾಸ್ತಿ ಸಮಯ ಕಳೆದ್ರೆ ಯೆಹೋವ ಕೊಡೋ ಆಶೀರ್ವಾದಗಳ ಬಗ್ಗೆನೇ ಯೋಚನೆ ಮಾಡ್ತೀವಿ. ಸಭೆಯವರ ಜೊತೆ ಮತ್ತು ಯೆಹೋವನ ಜೊತೆ ನಮಗಿರೋ ಸಂಬಂಧ ಇನ್ನೂ ಗಟ್ಟಿಯಾಗುತ್ತೆ.—1ಕೊರಿಂ 3:5-10.

ನನಗೆ ಶಕ್ತಿ ಯೆಹೋವನಿಂದಲೇ ಅನ್ನೋ ವಿಡಿಯೋ ನೋಡಿ ಈ ಪ್ರಶ್ನೆಗಳಿಗೆ ಉತ್ತರ ಕೊಡಿ:

• ಕಷ್ಟ ಬಂದಾಗ ಯೆಹೋವನ ಜೊತೆ ಸ್ನೇಹವನ್ನ ಗಟ್ಟಿಮಾಡಿಕೊಳ್ಳೋಕೆ ಮಾಲುಗೆ ಯಾವುದು ಸಹಾಯ ಮಾಡ್ತು?

  ನಿಮ್ಮ ಉತ್ತರ

• ಕೀರ್ತನೆ 34:18ರಲ್ಲಿರೋ ಮಾತುಗಳು ಮಾಲುಗೆ ಸಹಾಯ ಮಾಡಿದ ತರ ನಮಗೂ ಹೇಗೆ ಸಹಾಯ ಮಾಡುತ್ತೆ?

  ನಿಮ್ಮ ಉತ್ತರ

• ನಮಗೆ ಕಷ್ಟಗಳು ಬಂದಾಗ “ಸಾಮಾನ್ಯವಾಗಿ ಇರೋ ಶಕ್ತಿಗಿಂತ ಇನ್ನೂ ಹೆಚ್ಚಿನ ಶಕ್ತಿನ” ಯೆಹೋವ ಕೊಡ್ತಾನೆ ಅಂತ ಮಾಲು ಅವರಿಂದ ಹೇಗೆ ಗೊತ್ತಾಗುತ್ತೆ?—2ಕೊರಿಂ 4:7

  ನಿಮ್ಮ ಉತ್ತರ