ಯೋಬ ಗತಿಗೆಟ್ಟವನಾಗಿ, ಗಂಭೀರ ಕಾಯಿಲೆಯಿಂದ ಬಳಲುತ್ತಿದ್ದರೂ ನಂಬಿಗಸ್ತನಾಗಿ ಉಳಿದನು. ಯೋಬ ನಿರುತ್ತೇಜನಗೊಂಡು ನಂಬಿಗಸ್ತಿಕೆ ಅಥವಾ ಸಮಗ್ರತೆಯನ್ನು ಕಳೆದುಕೊಳ್ಳಬೇಕೆಂದು ಸೈತಾನ ಪ್ರಯತ್ನಿಸುತ್ತಿದ್ದನು. ಸಂತೈಸಲು ಯೋಬನ ಮೂವರು “ಸ್ನೇಹಿತರು” ಬಂದರು. ಮೊದಲು, ಯೋಬನ ಕಡೆಗೆ ಕನಿಕರ ಇರುವಂತೆ ಎಲ್ಲರ ಮುಂದೆ ನಾಟಕವಾಡಿದರು. ಯೋಬನಿಗೆ ಸಾಂತ್ವನದ ಒಂದು ಮಾತನ್ನೂ ಆಡದೆ ಏಳು ದಿನ ಸುಮ್ಮನೆ ಕುಳಿತರು. ನಂತರ, ಯೋಬನ ಮೇಲೆ ತಪ್ಪು ಹೊರಿಸುತ್ತಾ ಮನಸ್ಸನ್ನು ಚುಚ್ಚುವಂಥ ಮಾತುಗಳನ್ನು ಆಡಿದರು.