Cituh cya kuuhal cya Bibl: Kwaalabul kwa Bulongolody Buhyaabuhy biciteekel mu muvw a 1950. Kacy koos aakw, baat kahand baleebel eecy biyihangujil bwa myand ya biin-biin yidy mu Bibl: Kwaalabul kwa Bulongolody Buhyaabuhy * bwaal i mushilangan ni kwaalabul kwa Bibl yikwaabw. Tubingil twa kushilangan ook tudyok teng mu bumw bwa ku myand yiloolondey.

• Wa kuteekel Micim. Bibl: Kwaalabul kwa Bulongolody Buhyaabuhy i kushimatil mu kujoojolol kudyobw bateekulul kudy biin mamany ni ha mifund ya ku bikam ya kal ya kuteekel micim. I bishilangan ni Bibl wa Kwaalabubul kwa Roi Jacques wa muvw a1611 waakady mushimatil ha mifund ya ku bikam yakadyok ya biin-biin ni kayaakadyoh bend bu ya kal yidyobw bakal naay mudimw mu kuhatul kwa Bibl: Kwaalabul kwa Bulongolody Buhyaabuhy.

• Wa lulamat. Bibl: Kwaalabul kwa Bulongolody Buhyaabuhy i mwaalabul ni lulamat loos bwa kuleeb may ma Mawej teng mwaakadyem mafund ku butambwiil. (2 Timoteh 3:16) Bibl yivul yidyobw baalabul, i biyaalabul ha kulond bilel bya baat, cileejel: i bafulomw diijin dya Mawej, Yehow, ni bahingijoh myaanz bu mudy Mukaleng eecy Mawej.

• Bibl mwaalabul ku mwaak ni ku mwaak. Bishilangan ni kwaalabul kwa cikos, Bibl: Kwaalabul kwa Bulongolody Buhyaabuhy umvumvwiij hatook ku mwaak ni ku mwaak, kiin munyang myand yikwaabw yifundilobw eeny musokok meej ma mu mifund ya ku butambwiil. Kwaalabul kudyobw baalabul cyambil ni cyambil kudy mwa kwiikal misang yikwaabw ni meej ma baat matweejomw eecy bavulaminomw myand ya buseeb.

mu Bibl yaababw, biin Ekeleziy wa Katolik wa mu Rom ni wa Ortodokos wa Kuhahatukil diib i basakidil mikand yikwaabw yidy baat bakwaabw bamanyik bu mudy: Apokrif. Nook, mikand eey kayaakady mu mifund ya biin Yuud yidyobw babikan neey: kanoh, ni i Bibl udy biin yuud balandul “bwaal i bab baheelobw may majilang ma Mawej.” (Biin Rom 3:1, 2. NWT ) Nook, Bibl: Kwaalabul kwa Bulongolody Buhyaabuhy ni Bibl yikwaabw yivul yaalabul ya mu ciisang ciitut eecy kayiin ni mikand ya Apokrif.

Verseh yidy kayiiyok. Bibl yikwaabw yidyobw baalabul i basakidil verseh ni byambil bikwaabw bidy kabiy mu mifund ya Bibl ya kal, ki Bibl: Kwaalabul kwa Bulongolody Buhyaabuhy kiin ni myand yisakidil yaakady kayiy mu mifund ya kal. Bibl yivul yidyobw baalabul kayiin ni myand yikwaabw yidyobw biiy kusakidil eecy ni myand yikwaabw yidy kayiy ni dyambulwiish mu Bibl yaalabul ya ku butambwiil yaakady baat bakat. *

Kushilangan kwa mwaak ku mwaak. Misang yikwaabw, Bibl mwaalabul ku mwaak ku mwaak umweekel kay utookesh myand eecy mwiikal ni meej ma kuhambwiish. Cileejel, Diiy dya Yeez dileebeley mu Matewus 5:3 badyaakal bidyaalabul neey: “Bady ni musangal i bady balamlam mu spirit.” (English Standard Version; King James Version; New International Version) Bavul i batal kwaalabul kwa ku mwaak ni ku mwaak kwa cyambil eecy “balamlam mu spirit” kaciy cyumvwiik bilengel, nook bakwaabw balaalang neey Yeez waakady uleebel menmen ha buseeb bwa kwiikal ni kwiihweekesh eecy buland. Nook, Yeez waakady uleeb neey: musangal a biin-biin waalalukil ha kukaam buludik bwa Mawej. Bibl: Kwaalabul kwa Bulongolody Buhyaabuhy i mutwaal kwaalabul kujaalal kwa cyaakadyey uleeb mu mushind wiinow: “bady ni musangal i bakaakaam myand ya mu spirit.”—Matewus 5:3. NWT *

• Mwaalabul a Bibl ni muut udy mumanyik myand Edgar, ufundil mu mukand wa mu diifuk dya 8/12/1950 umanyishilomw neey: Goodspeed waakady mufund habitaatal Bibl: kwaalabul kwa Bulongolody buhyaabuhy mifund ya ciin Krek ya biin Krist neey: mudimw a baat biibuh i muutal, ni i mudimw mutam mulong ha cyaab citam, ni uusasangeej bikasakan ni mwiikal wa bituh, kwaalabul kwa biin-biin ni kukasakan. kumvumvwiik bilengel bwa kulong, yow nabajaadik naak

• Mulongweesh, Allen Wikgren wa mu Iniversiteh wa shikagoh uteedyel Bibl: Kwaalabul kwa Bulongolody Buhyaabuhy bu cileejel cya mwiisamb wa mu mafuk miitut aam. Uleebel neey: hamut a kulamatey teng Bibl yikwaabw yaalabul, yidy ni “myand yilengel yidy kayiy yilamat ku yikwaabw.”—The Interpreter’s Bible, Volume I, diib 99.

• Mudy baat baleeb bwa Bibl: Kwaalabul kwa Bulongolody Buhyaabuhy kwa Mifund ya mu ciin Krek ya biin Krist, British Bible critic Alexander Thomson uleeleeb neey: “Kwaalabul kumweekel hatook bu mudimw mukal kudy baat bamanyik mikand ni ba meej, baakady bajoojolol bwa kumanyik myand ya biin-biin yidy naay mifund ya mu ciin Krek teng bu cileebel cya Angleh cidy cikumban bwa kwiisamb ni baat.”—Mukand a mu Angleh udyobw babikan neey: The Differentiator, Suuny Mwiinaay 1952, diib 52.

• Ning haakadyey utal myand yaakadyey kay umvw bilengel, author Charles Francis uleebel neey: “baalabul bakwaabw i batwaal biin-biin kumvwiij kwa mifund ya kal yifund ku bikam bilengel, ya mu ciin Krek ni mu ciin Ebreh, ni dimany dya mu tulaas ni kujingunun kwa myand kwa lwang-lwang.”—The Faiths Men Live By, diib 300.

• Ning hatadiley neey i bafund Bibl: Kwaalabul kwa Bulongolody Buhyaabuhy mu mushind mulengel ni udy ni myand yumvwiik bilengel, Robert M. McCoy uleebel nook: “Kwaalabul kwa Kuhwaan Kuhyaakuhy i cijaadik cya cisumbw cya baat [Batemw ba Yehow] bady bamanyik myand bikasakan bwa kwaalabul ni meej myand ya mu Bibl yitaatal cibobweel.”—Andover Newton Quarterly

• Mulongweesh Samweel. MacLean Gilmour uleeleeb neey: baleelek kwiitab myand yidy mu Bibl: Kwaalabul kwa Bulongolody Buhyaabuhy i bamanyik neey bady baalabul Bibl oow “kabiin banj kumanyik bilengel cibobweel cya biin Krek” —Andover Newton Quarterly, Suuny a 9/ 1966, diibij 26.

• Mu kutalulul myand yidy mu Bibl: Kwaalabul kwa Bulongolody Buhyaabuhy yiloolong cituh cya Bibl mwaalabul mu Angleh Kingdom Interlinear udy ni mifund yifund ya mu ciin Krek, Mulongweesh Associate Thomas Winter ufundiil neey: “Kwaalabul kwa kasumbw aak i kafund menmen mu cileebel cya leel ni myand yidyomw i yijaalal.”—Mu mukand wa Angleh The Classical Journal, Sunny 4-5 1974, diib 376.

• Mulongweesh Benjamin, muut udy mumanyik myand wa mu Izaleel, uleebel mu muvw a 1 989 neey: “mu kukamunun kwaam kwa myand habitaatal Bibl wa ciin Ebreh ni Kwaalabul, naakady teng nafwanyikij kuhatul kwa mu Angleh kwaakadyobw bamanyik: Bibl : Kwaalabul kwa Bulongolody Buhyaabuhy. Hanalongel nook, Nady mumvw micim yihit kutut mund yiyambil neey: mudimw oow uleeleej bukash budyobw balong bwa biin-biin bwa kumvwiij bilengel mifund mu mushind mujaalal bu mudyeby bikaam.”

• Ha kushimatil ha myand yaakady mu Bibl yitam citeem yaalabul mu Angleh, Jason David BeDuhn, kutekelok mulongweesh a myand ya mu bitendeleel, bafundil neey: “NW [Bibl: Kwaalabul kwa Bulongolody Buhyaabuhy] i Bibl mwaalabul udyobw batal neey i mujaalal menmen hakumufwanyikij ni yikwaabw.” Ning naak baat boos ni biin mamany ba myand ya mu Bibl bavul i batal neey myand yidy mu Bibl: Kwaalabul kwa Bulongolody Buhyaabuhy i cihet cya lwend lulengel habitaatal bamwaalabwiil, BeDuhn uleebel neey: “Mashilangan mamweekel bwa bujaalal bwiibwiin bwa NW bu kwaalabul kwa ku mwaak ni ku mwaak, kwaalabul kulam kwa byambil bya ku butambwiil bya baakady bafund Kuhwaan Kuhyaakuhy.”—Une traduction “ remarquablement bonne, ” diibij 163, 165.