Tuhaahambidil Yehow hatukookongakeen haakaabumw ni bakwaabw mu bisangil, mu bihwiil bya cijeng ni bya rejoh. Tuhaahambidil Yehow cikwaabw hatwiiloolongel kaayeet ni tulong mu cisak. Tal yimw mibel yitaatal kwiilongel ni kuhambidil mu cisak:

• Longolol bisangil bya cisumbw. Udy mwa kulong misambw ni kwambulwiish biin mu cisak bwa kulongololobw maalabul.

• Bal mwiisamb a mu Bibl. Kuunyim, zol cifwaatul cileeleej myand yidy mu mwiisamb aaw eecy fund diilongweesh diwudy muhetel ku mwiisamb aaw.

• Kontonon diisambil kaahand didy mu Bibl ni langil ha mushind udyedy mwa kukwambulwiish bwa kulengej masambil miibuh.

• Tal film wa mu jw.org ni iisambiloh ni bakwaabw eecy fund diilongweesh diwudy muhetelomw.

• Longolol mudimw a bukajaady. Mwiin mu cisak umw udy mwa kushaal bu muut uwudiidiil musah ni udy mwa kumudiil musah ni may mawudy mulongolol.

• Tal biit bidy Mawej muhang ni langil eecy iisambilaay ha cidy biit binulongweesh habitaatal Yehow. a