NGENY HABITAATAL MYAND YITUDY MWA KULONG
Mushind uwudy mwa kukasakan micim hadyobw bakulongel myand ni kabow
Bal Kutang kwa bwanjil 37:23-28; 39:17-23 bwa kutal mwaakady Yozeefw mukasakan micim haakadyobw bamulongel myand ni kabow.
Kontonon myand yilongekel ha ciisang aacy. Bwabiny baat bakwaabw baakady balongel Yozeefw myand ni kabow? (Kbwa. 37:3-11; 39:1, 6-10) Yozeefw waakady mutaatameen kabow ciisang bul kaay? (Kbwa. 37:2; 41:46) Mu ciisang aacy i biny bilongel Yehow bwa Yozeefw, ni i biny byaakadyey kay mulong?— Kbwa. 39:2, 21; w23.01 17 cik. 13.
Tweel mu bondok. Bibl kiishoh bend muleeb ney Yozeefw waakady wiibingish haakady mukaj a Potifar mumufundomw ni myand ya makos. I mushind kaay udy verseh yiloolond eey mwa kwiitwambulwiish bwiitut kulangil ha kabingil kasakil Yozeefw bwa kulek kuleeb bwaal ning bumw eecy ha ciitusaasak bwa kulek kutakamin bwa baleej myand yoos aay? (Tus. 20:2; Jah 21:25; Yil. 21:37) I biikadil kaay byaakady mwa kwiikal byambulwiish Yozeefw bwa kukasakan micim haakadyobw bamulongel myand ni kabow?—Mik. 7:7; Luuk 14:11; Jak 1:2, 3.
Kaam malongweesh. Iijooj ney:
-
‘I myand kaay ya kabow yitudy batakamin bwa kwiitulongelobw bu mutudy biiyij ba Yeez? (Luuk 21:12, 16, 17; Ebr. 10:33, 34)
-
‘I biny binady mwa kulong teng kaabaak biikal mwa kuuyambulwiish bwa kukasakan micim iikalobw mwa kuulongel myand ni kabow?’ (Mus. 62:7, 8; 105:17-19; w19.07-SH 2-7)