CYAMBIL CYA MU BIBL
Udy ni diitabij eeny?
Bwa kusangej Yehow bikaam twiikal ni diitabij. Ki Bibl uleeleeb ney “bwaal baat boos kabiishoh bend bakat mwa kwiitabij.” (2 Tes. 3:2) Mupostol Pool waakady uleeb bwa baat “babiih ni bakaayakan” baakady bamukabish. Ki cyaakadyey muleeb habitaatal diitabij, i cya biin bwa bakwaabw. Bamw baat kabiish bakat kwiitabij ney kudy Mawej udy muhang biit byoos. (Rom 1:20) Bakwaabw bady mwa kuleeb ney biitaatabij ciit kaahand eecy muut kaahand udy ni bukash buvul. Ki diineedy kadiish diitabij dya biin-biin disaasangej Yehow.
Bikaam twiikal bajaadik ney Yehow udyok ni uhwaah aab bady ni diitabij dikasakan “bulang.” (Ebr. 11:6) Diitabij i ciikadil cya diimum dya spirit mujilang. Bwiitut kuhet spirit mujilang, bikaam tulomb Yehow mu diisambil. (Luuk 11:9, 10, 13) Mushind mulengel a kuhet spirit mujilang i kubal kwa Diiy dya Mawej difundish ku bukash bwa spirit indiy mujilang. Cikwaabw tudy mwa kulangil ha bituubaabal ni kwiibikooyel. Nook, spirit a Yehow wiikaakal neet bwa kwiitwambulwiishey bwiitut kwiikal ni diitabij didy mwa kumusangej.