Hatubaabal Bibl, tudy mwa kukal mudimw ni biit bishil-shilangan biitwambambulwiish bwa kumvw bilengel bitubaabal. Ki, katwiin bakat bwa kulong bituh bwa kuvudij teng diimany. Tudy bakat kuhet bihak bya mu spirit habitaatal biikadil bya Yehow biikal mwa kwiitusak bwa kumukat bikasakan. Bwa kulong nook, tudy mwa kwiiyihanguj neey: ‘I biny bidy verseh oow uulongweesh habitaatal Yehow?’

Tudy mwa kukaam cijaadik bwa kumanyik myand yivul habitaatal mushind udy Yehow muleej lukat lwindiy, meej mindiy, buwaakan, ni bukash. Ki, buumuut bwa Yehow kabwiin bwiimanyin teng ha biikadil eeby. Kudy cikwaabw biikadil bya Yehow bilengel byeeh biwudy mwa kumanyik. I kweeh kuwudy mwa kuhetel myand yivul yidyobw baleeb habitaatal biikadil bindiy?

Tal mulong-long a biikadil bihit ha 50 bidyobw basakidil mu Index des publications des Témoins de Jéhovah muush mwa kaciin bwaal ka neey: “Jéhovah” ni cikwaabw ha kaciin bwaal ka neey: “Qualités par nom.” Kaam biikadil bidy bihetangan ni bwaal bwa mu Bibl buwendend ni kubal. (Uw ni mushind a kutweel teng mu Mu mukanda wa makebulula wa Bantemu ba Yehowa, tal muush mwa kaciin bwaal ka neey: “Yehowa Nzambi” ni cikwaabw muush mwa kaciin bwal ka neey: “Bikadilu bia Yehowa.”)