Cihwiil cya bibunj biikong haabitaatal kushiituluk kwa biisang mu COP27, cyaakady cih mu disambomb dya 20/11/2022. Ning mwaakadyobw bangat dihangadik dya kwambulwiish bibunj ni fwalang bwa kulwiisheby makab maalaalukil ku kushiituluk kwa biisang, bavul i biitaatab neey, kulong nook kakwaakwiiyoh bend kuman myand yikaakaamish bwaal oobw.

•   “Nady ni musangal muvul bwa dihangadik ditudy bangat dya kulongolol fwalang ya kwambulwiish naay baat bakaakab bwa kushiituluk kwa biisang,” ki muleebel António Guterres, mulombol a bulongolody bwa Bibunj Biikong, mu diifuk dya 19/11/2022. “Kulong nook kakwiish biin-biin kukumban. . . Bulab bwiitut oobw bubeebeel bikakasan.”

•   “Mu mafuk makeeh oomw, biisang biiyiiy kushiituluk bikasakan ha bulab ni biiyiiy kukaamin muut woos makab.”—Mary Robinson, mulombol wa kal wa cibunj cya Irland ni mulombol wa kal wa komiteh wa Bibunj Biikong utaatal maneemaat ma baat, 20/11/2022.

 Nang-nang baasand ki bady ni mooy haabitaatal mafuk maciiyiiy ma bulab bwiitut oobw. Ning naak, bibunj bidyok mwa kukal mudimw haakaabumw ni kukumbajeby mulay a biby wa kulwiish kushiituluk kwa biisang eeny? I biny bileeleeb Bibl?

 Bibl wiitwambambil neey, ning biin mbul-matady bab biikashishomw bwa kulongolol myand kaahand, bwa lutat lumoomon baat, kabiishoh bend mwa kuman makab moos maalaalukil ku kushiituluk kwa biisang. Bwabiny? Kudy tubingil tubidy:

•   “Bwaal ciit cyaakady cinyongobok, kaciish mwa koololok.”—Muleej 1:15.

   Dyumvwiij: Biin mbul-matady bady ni mikal haabitaatal kulombol bwaal baat kabiish ni bukash bwa kwiilombol bab kaayaabw bu mudyeby bikaam. (Jeremih 10:23) Ning bibunj bib biikong, kabyaakwiikal teng ni bukash bwa kuman myand yidy ha bulab, ning biby biikaashishomw bicy.

•   “Bwaal baat biiyiiy kwiikat bab kaayaabw. Biiyiiy kwiikal bakat fwalang, . . . Kabay lus.”—2 Timoteh 3:2, 3.

   Dyumvwiij: Bibl uleebel kal ni bujaalal neey, mu mafuk miitut aam, baat bavul biiyiiy kwiikat ni kabay ni diib dya kumvwangan bwa kulong bwaal bulengel budy baat boos bakat.

 Ki, myand yitudy batakamin yiy yiiy kulongek ha bulab, kayiish yiiy kulongek bilondeshel malay ma mbul-matady ya baan ba baat. Mawej i muteek Yeez Krist bu Mukaleng udy mukumban bwa kukookesh bulab butuutul. Bibl uleeleeb neey:

•   “Mawej ubamwaakish bukaleng. Biiyiiy kumubiikan ney: Ubeebelangan i mwiin wa bwaal, Mawej a diikand, Taat a buyiil, Mukaleng ushiishiikik baat talal.”—Yeshaay 9:6 NWT

 Yeez i Mukaleng a Bukaleng bwa Mawej eecy wa Mbul-matady a mu diiwul. (Matewus 6:10) Udy ni bukash, ni meej, ni i mukat bwa bulab butudy bashikacil bwiikal cyaab cilengel, ni bwa baat badyoh biikal byaabw bilengel. (Misambw 72:12, 16) Mu bukookesh bwindiy, bulmatady a mu diiwul oow, wiiyiiy kubutul aab “bonyoony bulab” ni wiiyiiy kulongolol biit byoos bidy binyanguk ha bulab.—Myand Yisokolweel Jah 11:18; Yeshaay 35:1, 7.

 Bwa kumanyik myand yivul habitaatal mushind wiikalobw mwa kuman buyiil myand ya kushiituluk kwa biisang koomyoony bulab, bal ciin bwaal cya neey, “Les changements climatiques et notre avenir: qu’en dit la Bible.”