KAMPANY KA HABWAAH
Bulam-lam—I biny biikal Bukaleng bwa Mawej mwa kwiiy kulong
Bwa baat bavul ba ha bulab aa, kwiikal ni shikacil mulengel i bikaayakan bituh ni byendend teng—ni kukasakan.
Bilondeshel lwaapool ludyobw balong ha bulab butuutul, a diifut didyobw bafut baat mafuk aam, “i diikeeh menmen.” Bab kabay balongolol myand, ni “kufutangan kwiin kwiiyiiy kwaalukok” ni bwaal oobw “bwiiyiiy butweej bisak bivul bya biin mudimw mu bulam-lam bwiibwiin bweeh”.
Bakaleng ba mbul-matady badyok mwa kuman cilumbw eecy eeny?
Bibl uleeleeb neey kwiiyiiy kwiikal Bukaleng bukwaabw bwiikal mwa kuman cilumbw cya bulam-lam ha bulab butuutul. Baleeleebomw neey: “Mawej udy mwiiwul wiiyiiy kuhatul bukaleng bukwaabw,” i bwiin kuleeb neey mbul-matady wiikal mwa kulombol myand yoos ya ha bulab. (Danyel 2:44) Mu mbul-matady oow kabakuvulaminoh bend muut eecy kumulek. (Misambw 9:18, NWT) Bukaleng bwa Mawej bwiiyiiy kulong bwa baat boos biikalomw biikal ni biit byoos bidyobw bakaam bwa kwiikalobw ni musangal. Baat boos biiyiiy kuhet diifut bwa mudimw a babw mukasakan.—Yeshaay 65:21, 22.
a Lwaapool lwa bulab butuutul lwa cibambal citaatal myand ya kufut kwa biin mudimw bwa muvw 2022-23