Mu dya 19/5/2022, Bulongolody Butaataal Kulam kwa Baat bwa Bibunj Biikong bahetel misah kudy batam ba mbul-matady bahit ha 75 baleeb neey: “Ciyool cya nzal, i cikaamish kudy cihuh cidy cilongek ha bulab butuutul cya KOVID-19 ni kushiituluk kwa biisang, i kwiiy kubiih menmen ha bulab butuutul bwa diivit didy mu Ukraine.” Kuunyim kwa kalung kakeeh, Muut mukwaabw udy mumanyik myand ya mishing uleeleeb neey: “bwa diivit, bulab butuutul, baat i bahet makab mavul, biiyiiy kukab cikwaabw menmen bwa nzal.” Bibl uleebel kal neey biyool bya nzal bya nook biiyiiy kwiikalok mu ciisang ciitut, wiiyiiy kwiitwambulwiish cikwaabw bwa kwiimataatameen.

•    Yeez uleebel diiy dya buprofet eedy: “Cis ni cis biiyiiy kulwiishangan, cibunj ciiyiiy kul diivit ni cikwaabw; kwiikaakal ciyool cya nzal.”—Matewus 24:7.

•    Mukand a mu Bibl wa Myand Yisokolweel Jah uleeleeb bwa bendesh ba tubal tunaay ba mu ciifwaany. Kamw ka ku tubal kaleeleej diivit. I biikalondel kudy kakwaabw kaleeleej ciyool cya nzal, ciisang ciiyiiy kukasakeen baat bwa kuhetobw byaakudy ni cidy baat bahan biin byaakudy eeby ku mushing mukasakan. ‘Natadil kabal kufulul. Muut waakady mukiloh waakady mukwaatok cihim ku byaal. Numvwiil bu diiy . . . baakady baleeb neey: ‘Kiloh aakaabumw a bleh wiikaakaal bwiibuh buuny bwa mafut bwa diifuk dituutul! Cikwaabw, kiloh yisat ya orj yiikakal bwiibuh mafut ma ku diifuk.’”—Myand Yisokoolweel Jah 6:5, 6, Bilondeshel Bibl wa mu Angalais Contemporary English Version.

 May ma buprofet aam habitaatal biyool bya nzal mendend ni kukumban leeloow mu ciisang cidy Bibl ubiikan neey “mafuk ma bulekel.” (2 Timoteh 3:1) Bwa kumanyik myand yivul habitaatal “mafuk ma bulekel” ni lubil lwa Bendesh ba tubal banaay ba mu mukand a Myand Yisokolweel Jah, tal video oow: Malu a panu mmashintuluke katshia ku 1914 ni bal ciin bwaal cya neey: “Bendeshi ba tubalu banayi—Mudy lubilu luabu lukutangila?”

•    Mu Bibl mudy mibel ya meej yidy mwa kukwambulwiish bwa kutaatameen shikacil ya makab, ni bwa kukidish kwa mishing ya byaakudy eecy cikwaabw bwa biyool bya nzal. Tal bileejel kaahand mu ciin bwaal eecy: “Muudi mua kutula makuta makese audi nawu.”

•    Bibl wiitwaakakish cikwaabw kutakamin kwa neey myand yiiyiiy kulengel menmen kuuhal ook. Ulaalay neey mu mafuk maciiyiiy “kwiiyiiy kwiikal tet yivul ha bulab” ni muut woos wiiyiiy kwiikal ni byaakudy bivul. (Misambw 72:16, NWT.) Bwa kumanyik bikasakan habitaatal kutakamin kutwaatwaal Bibl bwa mafuk maciiyiiy ni kabingil kady mwa kukusak bwa kwiitab myand yidyomw, bal ciin bwaal cya neey: “Ditekemena dilelela dia matuku atshilualua mimpe.”