Teng mutwaakady biibital mu diivit dya mu Ukraine, bafumw ba bitendeleel baakady basak baat bwa kutweel mu diivit. Tal mushind udy bafumw ba bitendeleel bat nyam kumikon bisumbw bibidy eeby mu diivit:

•   “Twaakaakish lutumb ni tufwaakijok basalaay boos balwiilwiil cibunj cya Ukraine kudy balwiish baabab . . . Twiinutwaat nyam kumikon ni mucim iitut woos ni masambil malong ni mucim aakaabumw.”—I may malond kudy Metropolite Epiphane I wa mu Kiev, mu cikand-kand cya The Jerusalem Post, 16/3/2022.

•   “Mu dyaluming diishaal eedy, Fumw a Citendeleel cya Orthodox mu Risih i mulong cisangil ni basalaay ba mu Risih wiibakashish ku micim bwa kulwiilobw cibunj cyaabab ‘teng bumudy biin Risih kaayaabw mwa kwiibilong’ ook naabw Muscou utuutungunuk ni kulwiish cibunj cya Ukraine.”—Reuters, 3/4/2022.

 Biin Krist bady mwa kutweelakan mu diivit eeny? I biny bileeleeb Bibl?

 Bibl uleeleej hatook neey, baat baloolond Yeez Krist kabiishoh bend batweelakan mu diivit.

•   “Hingij mweel mu cisok, bwaal woos waakazuhangan ni mweel ufwaafw byend teng ku mweel.”—Matewus 26:52.

   Muut wiitaatab diivit eecy utweetweelakanomw udyok biin-biin ukooyel may ma Yeez aam eeny?

•   “Niinuhwaah diiy dihyaadihy ney: katanganaay. Katanganaay bu munaakady mwiinukat. Binwiikal bakatangan, naak baat boos biiyiiy kumanyik ney, aash nudy biiyij ba mim.”—Jah 13:34, 35.

   Muut utwaat diivit nyam ku mikon uleeleejok lukat luleebel Yeez lwa neey, biiyiiy kumanyikil biiyij bindiy haloolongobw nook eeny?

 Bwa kumanyik myand yivul, bal ciin bwaal cya neey: “Peut-on concilier guerre et christianisme?”

 I bya meej bwa biin Krist kulek kutweelakanobw mu diivit leeloow eeny? Ing. Bibl uleebel bwa ciisang ciitut eecy, cibiibikanobw neey: “mafuk ma bulekel” neey, bis bya baat byoos “kabiishoh bend biiy kwiiyij cikwaabw mwa kulw diivit,” mudyumvwangan ni may maakady Yeez mulongweesh.—Yeshaay 2:2, 4.

•   Bwa kumanyik myand yivul bal kulondangan kwa biin bwaal bya neey: “Mmunyi mutu Nzambi umona mvita?” bihaahatuk mu Cibumb cya Muteetekel.

 Mu kalung kakeeh oomw Yehow, a “Mawej wiitushiishikik talal,” wiiyiiy ukal mudimw ni mbul-matady indiy wa mu diiwul bwa kukuley baat batwiitwiilangan ni “cikis ni mu kukab.”—Filipw 4:9; Misambw 72:14.

•   Bwa kutal mushind wiiyiiyey kulongey bwaal oobw, tal video wa neey, Bukalenge bua Nzambi ntshinyi?