Myand yiloolond eey, yitaatal bamfumw ba bitendeleel ni diivit dya mu Ukraine:

•   “Fumw a citendeleel cya Orthodox cya mu Russie, Kirill, kaleebeloh bend bibiih bwa bulwiish bwaakady bulongek mu Russie. . . . Citendeleel cindiy citungunukil ni kumwangalaj myand ya makos habitaatal cibunj cya Ukraine ni Putin ukadil mudimw ni myand ya makos eey bwa kubingishey diivit.”—Cikand-kand cya EUobserver, mu 7/3/2022.

•   “Fumw a citendeleel Kirill . . . utumin diiy dya bukash bwa kubingishey cibunj cya Russie habitaatal bulwiish buloolongek mu Ukraine—hakuleeb neey, bulwiish oobw i cihet cya mpekaat citudy mwa kulwiish ni bukash boos.”—Cikand-kand cya AP News, mu 8/3/2022.

•   “Fumw a biin mu Ukraine uloolombol citendeleel cya Orthodox, Epiphanius I wa mu Kiev, mu Dyumw ufiidil baat bindiy kis bwa kalwiishobw basalaay ba mu Russie . . . Wiibambil cikwaabw neey, kuzuh basalaay ba mu Russie kiinoh bend mpekaat.”—Cikand-kand cya Jerusalem Post, 16/3/2022.

•   “Kasumbw ka bitendeleel bya biin mu Ukraine ni bulongolody bwa bitendeleel, i bikwanjok basalaay ba mu Ukraine ni baat boos balwiilwiil cibunj cyaabab. Ni bibafwiidil kis bwa muloolongobw bukash bwaabab boos bwa kulwiil cibunj cya Ukraine kudy bicilwiilwiish, ni bibateek mu masambil maabab.”—UCCRO a Statement mu 24/2/2022.

 Ulaalangok bicy? Bitendeleel biileeleej mudyeby bilond Yeez Krist bidyok mwa kusak biinomw bwa kuyobw mu diivit eeny? I biny bidy Bibl uleeb?

Miisamb ya hakal bwa citendeleel cidy citweelakan mu diivit

 Miisamb ya hakal yileeleej neey, byaakady bilengel bwa citendeleel kuyecy mu diivit bwa kuteek diitalal. Mivw yivul yiman kuhit, Batemw ba Yehow baleejel hatook lubombw lwa biin mu bitendeleel. Tutalaay bileejel bikwaabw bidyobw baleej mu mikand yiitut.

•   “Les croisades : une ‘ illusion tragique ’”—dileejel mwaakady citendeleel cya katolik cya biin Rom cizuh baat mu diijin dya Mawej ni Krist.

•   “L’Église catholique en Afrique” cileeleej mudy citendeleel cikaakal kuman mavit ma bis ni kuzuhangan.

•   Biin bwaal bya neey: “La religion est-elle responsable?,” “Le rôle de la religion dans les guerres,” ni “La religion prend parti” bileeleej mudy bafumw ba Katolik, ba Orthodox, ni biin Mishoony biitweej mu mavit.

Bitendeleel bya bwiin Krist bidy mwa kutweelakan mu diivit eeny?

 Cyaakady Yeez mulongweesh: “Kat mukween bu muwudy mwiikat uw kaayeeb.” (Matewus 22:39) “Kataay balwiish biinun.”—Matewus 5:44-47.

 Cileebel Yeez: “Bukaleng bwa mim kabwiishoh bend bwa ha bulab aah. Bu bubw bwiikal bwa ha bulab aah, baat ba mim baakady a kuulwiil diivit.” (Jah 18:36) “Woos waakazuhangan ni mweel ufwaafw byend teng ku mweel.”—Matewus 26:47-52.

 Lang ket: Iikaleby neey, biin Krist balekel bwa kul diivit bwa kulamobw Yeez, bady mwa kwangat mat bwa kabingil kakwaabw eeny? Bal ciin bwaal cya neey: “Peut-on concilier guerre et christianisme?” bwa kutal mwaakady biin Kris ba lulamat ba kuuhal balond cileejel cya Yeez ni malongweesh mindiy.

I biny biiyiiy kulongekel bitendeleel bitweetweel mu diivit?

 Bibl uloolongweesh neey, Mawej kiish wiitab bitendeleel bileeleej mudyeby bilond Yeez ki kabiy bilond malongweesh mindiy.—Matewus 7:21-23; Tiit 1:16.

•   Mukand a Myand yisokolweel Jah uleeleej mudy Mawej uleeb bwa bitendeleel bidy bizuh baat mudyeby ni “mash ma baat boos baakadyobw bazuh ha bulab.” (Myand yisokolweel Jah 18:21, 24) Bwa kumanyik bwa biny bidy ni mash ma baat, bal ciin bwaal cya neey : “Qu’est-ce que Babylone la Grande?”

•   Yeez uleebel neey, bitendeleel byoos bidy Mawej kay wanyish biiyiiy kubutuk bwa midimw yaabib yibiih, teng mudyaakal mutond usoosong mamum mabiih “bamukookosol, bamumb mu mudil.” (Matewus 7:15-20) Bal ciin bwaal cya neey, “La fin de la fausse religion est proche!” Bwa kumanyik cidyobw bibalongolweel.

Bifwaatul i byaalukil kudy: Cifwaatul cikwaat kudy Sefa Karacan/Anadolu Agency/Getty Images; Maxym Marusenko/NurPhoto via Getty Images