Bulab i bwiiwul teh ni mavit matuutungunuk ni kukaamin baat makab mavul. I cicy cidy myand yiloolond eey yileej:

•   “Buuny bwa baat bady bafw ku mavit mafuk aam, i buvul menmen buhitok bwa baat baakady bafw mu mivw 28 yishaal eey, nang-nang bwa mvit ya mu Ethiopie ni ya mu Ukraine.”—Cibambal cya bajoojolol ba myand ya kushikat talal cya mu Oslo, mu 7/6/2023.

•   “Mvit ya mu Ukraine i yimw ya ku mavit matam matangil mu 2022. Cikis cyaalaalukil ku myand ya politik i civul menmen cifik teng ni mu 27% muvw mushaal oow, ni balaalang neey baat bat bu ku 1,7 miliyaar i bahet teng bihet bibiih bya yiin myand eey.”— The Armed Conflict Location & Event Data Project (ACLED), 8/2/2023.

 Bibl wiitwaakaakish kutakamin. Uleeleeb neey: “Mawej udy mwiiwul wiiyiiy kuhatul bukaleng bukwaabw bukiishobw mwa kubutul ning bicy.” (Danyel 2:44) Mu Bukaleng eecy mu mbul-matady indiy, Mawej wiiyiiy “kwiimanyik mavit moos hakaas ni hakaas ha bulab.”—Misambw 46:9.