Diivit dya mu Ukraine, ni makab maalaalukil ku kufutuluk kwa mivw bituutungunuk ni kukaamish kayool ka nzal ha bulab butuutul. I bikasakan menmen nang-nang mu bibunj mudy baat baland.

•   “Mavit, kufutuluk kwa mivw, ni kukil kwa kasolony ni biit bikwaabw bikakakeesh baat bwa kudimobw byaakudy eecy kwiibihetobw.”—António Guterres, Mulombol a bulongolody bwa bibunj biikong mu mafuk, 17/7/2023.

•   “Baat bady baminyik myand yivul balaalang neey: kuhatuk kwa biin mu cibunj cya Russie mu kuhwaan kwa kuhaan byaakudy mu bibunj bikwaabw, kwiiyiiy kuvudij biyool bya nzal ha bulab butuutul nang-nang mu bibunj bya baland bya mu Afrik wa kuluul ni mu Azih.”—Atalayar.com, 23/7/2023.

 Tal cidy Bibl uleeb bwa kayool ka nzal, ni bwa mafuk maciiyiiy.

•   Yeez uleebel kal neey: “Cis ni cis biiyiiy kulwiishangan, cibunj ciiyiiy kul diivit ni cikwaabw; Kwiikaakal ciyool cya nzal.”—Matewus 24:7.

•   Mu mukand a Myand yisokolweel Jah baleelebomw bwa bamwendesh a tubal banaay ba mu ciifwany. Waakaabumw wa kudyobw uleeleej diivit. Alondoh kudy biyool bya nzal, i bwiin kuleeb neey ciisang ciikal byaakudy teng bikeeh ni biibihan ku mushing mukasakan. “Naatal kabal kafulul. Muut waakady mukiloh waakady ni cihim mu byaal. Numvwiil bu diiy. . . dileeb ney: Kiloh aakaabmw a bleh mund mwa diifut dya ku mudimw a diifuk dyumw, kiloh yisat ya orj mund mwa diifut dya ku mudimw a diifuk dyumw.”—Myand Yisokolweel Jah 6:5, 6, Contemporary English Version.

 Mulay a Ciprofet uleeleeb bwa biyool bya nzal wendend ni kukumban mu mafuk miitut aam mady Bibl ubiikan neey: “Mafuk ma bulekel.” (2 Timoteh 3:1) Bwiibuh kumanyik myand yivul habitaatal “mafuk ma bulekel” ni habitaatal lwend lwa bamwendesh a tubal twa mu mukand a Myand Yisokolweel Jah, tal film a neey: Malu a panu mmashintuluke katshia ku 1914 ni bal ciin-bwaal cya neey: “Bendeshi ba tubalu banayi mbanganyi”

•   Mu Bibl mudy mibel yilengel yiituleeleej mushind mulengel utudy mwa kuhit ni makab miitukwaakwaat, teng ni bwa byaakudy bikiikil mushing, ni ya kayool ka nzal. Tal byumw bileejel bidy mu ciin-bwaal cya neey: “Muudi mua kutula makuta makese audi nawu.”

•   Bibl wiitwaakaakish kutakamin kulengel kwa neey: Ciisang aacy, “Bleh asong asaazat mu cibunj,” baat biiyiiy kudy biilekeel. (Misambw 72:16) Bwa kumanyik myand yivul habitaatal kutakamin kwa mu Bibl bwa mafuk maciiyiiy ni ciwudy mwa kwiitabil myand yidyey ulay eey, bal ciin-bwaal cya neey: “Ditekemena dilelela dia matuku atshilualua mimpe.”