IIKALAAY TENG BADIMUK!
Ha Bulab Butuutul Cyuuy Cyendend Teng ni Kuvul—I Biny Bileeleeb Bibl?
Mu suuny a 7/2022, baleejel neey, ha bulab butuutul cyuuy cyendend teng ni kuvul menmen:
“Bwa musang mwiibiidy wa suuny oow, batam ba mu shin badimwiijil baat neey, kwiiyiiy kwiikal cyuuy cikasakan mu bimeng 70.”—Mu dya 25/7/2022, CNN Wire Service.
“Mu Europe mudy cyuuy cikasakan, bwaal mudil waalaalukil mu mat matam i moosh bibunj bivul.”—Mu dya 17/7/2022, The Guardian.
“Mu dyaaluming dishaal eedy mu bimeng bivul bya mu Etats-Unis mwaakady cyuuy civul ku butamb Kuhaahatukil diib ni mu bituh bikwaabw bya Kucyaash ni mu Midwest kuhitok ni kuuhal.”—Mu dya 24/7/2022, The New York Times.
Myand eey, yumvumvwiij biny? Biiyiiy kwiikal bikasakan bwa kushikat ha bulab eeny? I biny bileeleeb Bibl?
Cyuuy cikasakan, cikuukumbajok diiy dya buprofet didy mu Bibl eeny?
Ing. Cyuuy cikasakan ciloolongek ha bulab butuutul, ciheehetangan ni myand yaakady Bibl muman kuleeb bwa ciisang ciitut eecy. Cileejel, Yeez uleebel neey, twiiyiiy kutal “myand yikwaakwaat mooy.” eecy biit bikwaakwaatish mooy ni bijingidik bikeekemesh.” (Luuk 21:11; Bible en français courant) Bwa cyuuy civul cidy ha bulab butuutul, baat bavul bady ni mooy wa neey, baat biiyiiy koony bulab.
Bulab bwiiyiiy kwiikal kabuy baat eeny?
Waakweeh. Mawej uhangil bulab bwa baat kushikatoh buyiil. (Misambw 115:16; Muleej 1:4) Mawej kakwiitabiloh bend baat bwa boony bulab, ki wiiyiiy “kubutul aab bonyoony bulab,” bu mukadyey mwiibilay.—Myand yisokolweel Jah 11:18.
Tutalayaak may ma buprofet mabidy mady Mawej ulay bwa kulong cikwaabw ha bulab:
“Cyanganyik ni bulab buum iikalaay ni musangal! Bulab buum busangal butooy bilong.” (Yeshaay 35:1) Mawej kakwiiyoh bend kulek bulab bwa bushaal cyangany kamuy baat, wiiyiiy kulongolol bituh bya bulab bidy baat banyang.
“Utaatal bulab, wiibwaakish mwanz, udy mwiibwiiwuj ni bihak bivul.” (Misambw 65:9) Mawej wiiyiiy kubenesh bulab, ni bwiiyiiy kushaal Paradiiz.
Bwa kumanyik myand yivul ha mushind udy kushituluk kwa mivw kukumbaj diiy dya buprofet didy mu Bibl, bal ciin bwaal cya neey:”Les changements climatiques et notre avenir: qu’en dit la Bible.”
Bwa kumanyik myand yivul habitaatal mulay wa mu Bibl wa kwiiy kulongolol bulab, tal ciin bwaal cya neey: “Nnganyi wasungila buloba?”
