IIKALAAY TENG BADIMUK!
Batemw ba Yehow ni Kubutuk kwa Biin Yuud—I Biny Bileleeb Bibl?
Mu diifuk dya 27/01/2023, baat bavul biiyiiy kuvuluk Diifuk dya ha Bulaab Butuutul dya Kubutuk kwa Biin Yuud. Myand ya cikis ni yikwaakwaatish mooy yaakady yilongek kukaady mivw ihit ha 75, yidy mwa kukusak bwiibuh kwiiyihanguj neey, bwabiny Mawej wiitabil bwa Kubutuk kwa Biin Yuud kulongek.
Bwa kumanyik myand yikwaabw, bal ciin bwaal cya neey “Pourquoi la shoah a-t-elle eu lieu? Pourquoi Dieu n’a-t-il rien fait?”
Biin Yuud bakabil bikasakan ha ciisang cyaakadyobw babutul biin Yuud. Baakady bazuh baat miliyo yivul musang aakaabumw. Balwiishil baat ba bisumbw bikwaabw ni bibazuhil ha ciisang cya kubutuk kwa biin mu Yuud aacy. Mu baat aab mwaakady Batemw ba Yehow baakadyobw bakabish bwa myand ya mu Bibl yaakadyobw biitabij.
Bwa kumanyik myand yivul, bal ciin bwaal cya neey “Qu’est-il arriver aux Temoins des Jehovah sous le regime de nazi?”
“Mafuk maciiyiiy ni kutakamin”
Baat bavul bady ni mooy wa neey myand yaakady yilongek ha ciisang cya Kubutuk kwa biin Yuud yidy mwa kwiiy kulongek cikwaabw. Bwaal bulengel budy neey, Bibl ulaalay neey, mu mafuk maciiyiiy kamwaakwiiy kulongekoh bend myand yikwaakwaatish mooy.
“‘Nady mumanyik bilengel myand yinady mwiinulongolweel’, ki uleeleeb Yehow ‘nady mwiinulongolweel diitalal , ciish mwiinulongolweel mal. Niiyiiy kwiinwaakish mafuk maciyiiy ni kutakamin’”—Jeremih 29:11. a
Kutakamin ookw kwiyiiy kukumban ha ciisang ciikal Yehow mwa kuman myand yoos yibiih ni makab madyey yiikaamish. Mu kalung kakeeh oomw wiiyiiy:
Kubutul baat babiih baloolongel bakwaabw myand ya cizuj.—Tusumw 2:22.
Kondah baat boos bady ni mabenj.—Myand ysokolweel Jah 21:4.
Kusangul boos babaman kufw bwa biikal ni buumy ha bulab.—Jah 5:28, 29.
Udy mwa kutekel kutakamin kudy Bibl wiitwaakish micim. Bwa kumanyik bwa biny bidy ni buseeb, tukuloloomb bwiibuh kuteet bwa kulong neet Bibl kuy ufut fwalang.
a Yehow I diijin dya Mawej.—Musambw 83:18.