Mulombol a Mazubw ma kulamin fwalang ma ha bulab udimwiijil mu lwaapool lwa mu 6/2022 neey: “Myand ya fwalang ya ha bulab yidy cikwaabw mu buuhund.” “Ciisang eecy i biheehel bwa biit kukileby mushng kuhitok ni mwaakadyeby mu biisang bikwaabw.”

 “Mushing wa kasolony ni wa byaakudy wendend ni kukil lwang-lwang, ni bwaal oobw i buteng baat bady mu bibunj bya balam-lam,” ki muleeleeb cikand-kand cya the International Monetary Fund.

 Bibl wiitwambambulwiish bwa kumvw bwabiny tutwiitwiilangan ni lutat lwa myand ya fwalang, mushind utudy mwa kuhit bilengel ni myand eey, ni kutakamin kwa mwiikal mwa kumanobw myand eey.

•   Bibl ubiibiikan ciisang citudyecy neey: “mafuk ma bulekel.”—2 Timoteh 3:1.

•   Yeez uleebel neey: kwiiyiiy kwiikal “myand yikwaakwaat mooy,” yaakady mwa kulongek mu ciisang ciitut eecy. (Luuk 21:11) Kukil kwa biit mushing kuloolong mooy. Baat bady ni mooy bwa mafuk maabab ma ciiyiiy ni cikwaabw bwa mushind wiikalobw mwa kudiish bisak byaabab.

•   Mukand a Myand yisokolweel Jah uleebel kal bwa kukil kwa mishing mu ciisang ciitut eecy neey, “Numvwiil bu diiy. . . . dileeb ney, ‘Kiloh aakaabumw a bleh mund mwa diifuk dyumw, kiloh yisat ya orj mund mwa diifut dya ku mudimw a diifuk dyumw.’”—Myand yisokolweel Jah 6:6.

 Bwa kumanyik myand yivul habitaatal “mafuk ma bulekel” ni bwa diiy dya buprofet didy mu mukand a Myand yisokolweel Jah, tal video wa neey, Malu a panu mmashintuluke katshia ku 1914 ni bal ciin bwaal cya neey, “Bendeshi ba tubalu banayi mbanganyi?”

•   “Bab biibak mazubw, biiyiiy kulaalomw; bab bakun mviny, biiyiiy kudy tumum twa yiy. Kabiish biiy biibak mazubw cikwaabw bwa muut mukwaabw kwiiy kushikatomw, kabiish biiy kudim cikwaabw bwa muut mukwaabw kwiiy kudyey bidyobw badim.”—Yeshaay 65:21, 22.

•   “Bleh asong asaazat mu cibunj! Bisokooy bindiy bizambalal ha kasongolweel ka milund bu musoosong mamum ma ku mulund a Liban.”—Misambw 72:16.

•   “‘Ki Yehow Mawej uleeleeb ney: Kaabaakow, bwa hamut ha baacimon-a-mal bakaakabishobw, ni bwa balam-lam badiidilakan, najuujuuk, nakuuloh aab badyobw kabay babal ni buseeb.”—Misambw 12:5, NWT. a

 Mawej ukadyaah kwiiy kuman kabow kady mu myand ya fwalang, kiin teng mu cibunj cyaakaabumw ki ha bulab butuutul. Bwa kutal mushind wiikaleby mwa kulongek, bal ciin bwaal cya neey: “Myand Yitaatal Fwalang i Yilongelok Eeny?”

 Ki ning leeloow, Bibl udy mwa kukwambulwiish bwa kutaatamen kukil kwa mishing ya biit. Mu mushind kaay? Mu Bibl mudy mibel ya meej yidy mwa kukwambulwiish bwa kukal mudimw bilengel ni fwalang. (Tusumw 23:4, 5; Muleej 7:12) Bwa kumanyik myand yivul, bal ciin bwaal cya neey: “Kuba makuta ne bintu biebe” ni cya neey: “Muudi mua kutula makuta makese audi nawu.”