IIKALAAY TENG BADIMUK!
Kulonzangan ni Mat mu Kalaas—I Biny Bileeleeb Bibl?
Bwaal butam buloolong mooy, bulongekel mu dya 24/5/2022 mu katawuny kakeeh ka Uvalde, mu Texas, Etats-Unis. Bilondeshel cikand-kand cya The New York Times, “muut waakady ni but uzuhil baan 19 ni balongweesh 2 . . . Mu tulaas twa baan mu Robb .”
Bya kaakunying, myand yibiih eey, ki yilongek ha cibidil. Cikand-kand cya USA Today cileeleeb neey, mu Etats-Unis kayaamw, “balonzel baat 249 mu kalaas mu muvw mushaal oow—kuhitok mivw yikwaabw kacy mu muvw 1970.”
Bwabiny myand yibiih ya nook yiloolongek? I mushind kaay utudy mwa kuhit bilengel ni myand yibiih ya nook? Tudyok mwa kutakaminok neey, myand ya cikis yiiyiiy kuh eeny? Bibl utwaatwaal malabul ku majooj aam.
Bwabiny ha bulab ady cikis civul nook?
Bibl uleeleeb bwa ciisang ciitut eecy neey: “mafuk ma bulekel” mady baat bavul “kabay bakat baan baabw” ni biikal ni “cizuj,” balong myand ya cikis ni ya cizuj. Baat banook “biiyiiy kuy teng kuuhal ni kulong kwa myand yibiih.” (2 Timoteh 3:1-5, 13, NWT) Bwa kumanyik myand yivul, bal ciin bwaal cya neey: “La Bible a-t-elle prédit la mentalite et la conduite des gens de notre époque?”
Baat bavul biyihaahanguj neey, ‘bwabiny Mawej kiin ulekeesh myand yikwaakwaat mooy bu mudy ya kulonzangan mutulas bwa kayilongek?’ Bwa kumanyik dyaalabul ditwaatwaal Bibl, bal ciin bwaal cya neey: “Malu mabi adi afikila bantu bimpe—bua tshinyi?”
I mushind kaay utudy mwa kuhit bilengel ni myand yibiih ya nook?
‘Bwaal byoos bifundilobw hakal, biibifundil bwa kwiitulongweeshobw, bwa ney . . . kukasakan kwa micim kutuheehet mu Mukand a Mawej kwiitufikij ku kwiikal batakamin.’—Biin Rom 15:4.
May matam ma mu Bibl mady mwa kukwambulwiish bwiibuh kuhit bilengel ni myand ya cikis yiloolongek ha bulab. Bwa kumanyik myand yivul Tal cibij-bij cya Tabulukaay! Cidy ni ciin bwaal cya neey: “La violence cessera-t-elle un jour ?”
Bwa kumanyik mushind udy balel mwa kwambulwiish baan baabab bwa kulekobw kuzakal bwa miisamb yikwaakwaatish mooy, bal ciin bwaal cya neey “Enfants et actualités troublantes.”
Myand ya cikis yiiyiiy kuh eeny?
“Wiiyiiy kwiibahatul mu cikis ni mu kukab.”—Misambw 72:14.
“Ni myeel yaabab ya diivit, biiyiiy kuhung bikas bya kudim naaby, ni mafum maababw, biiyiiy kuhung myeel yileeh. Kakwiishoh bend kwiiy kwiikal cis ciluulumb cikwaabw diivit, kabiishoh bend biiy kwiiyij mwa kul diivit.”—Mikah 4:3.
Mawej wiiyiiy kulong myand yidy baat kabay mwa kulong. Mbul matady wa Bukaleng bwindiy bwa mu diiwul wiiyiiy kubutul mat ni kufulok cikis cyoos. Bwa kumanyik myand yivul habitaatal myand yikal Bukaleng bwa Mawej mwa kulong, bal ciin bwaal cya neey: “Mu Bukalenge bua Nzambi ‘ditalala nedivulangane.’”