IIKALAAY TENG BADIMUK!
Kuzakal kwa bulab kukasakan i kuzuh baat ni kunyang biit mu Turquie ni mu Syrie—I biny bileeleeb Bibl?
Mu dimw dya 6/2/2023, bulab buzakeel mu Turquie ni mu Syrie.
“Kuzakal kwa bulab i kuzuh baat bahit ha 3 700 mu cituh citam cya mu Turquie ni kulul ku butamb buhaahatukil diib mu Syrie mu dimw. Biineeby i bilongek mu ciisang cya mashik makasakan, ni biloolong bibiih menmen bwa mudy baat batahik bit ni bajimbaj mazubw maabab. Bwa mashik madyok, i bikasakeen baat bwa kuhetobw bady bahanduk ku kuzakal kwa bulab.”—Bilondeshil Reuters, mu dya 6/2/2023.
Micim yitut yitiit mund bikasakan ha tubaabal myand yikwaakwaatish mooy ya nook. Mu biisang bya nook tudy mwa kuhet dyambulwiish dyaalaalukil kudy Yehow “Mawej ukaakashishangan ku micim.” (2 Biin Korent 1:3) Wiitwaakakish “kukasakan kwa micim kutuheehetel mu mifund [bwa] twiikal ni kutakamin.”— Biin Rom 15:4. NWT
Tuloolong mu Bibl:
Myand yaakadyobw balay habitaatal kuzakal kwa bulab.
Cyaab citudy mwa kuhetel kusakan kwa micim ni kutakamin.
Mwiikal Mawej mwa kwiiy kuman makab moos.
Bwa kumanyik ciileeleeb Bibl habitaatal biin bwaal eeby, bal biin bwaal bya neey:
Yehow i diijin dya Mawej.—Misambw 83:18.