Myand ya Cinyang Yidy mwa Kuhok Eeny?
Hady myand ya cinyang yilongek, udy mwa kwiiyihanguj neey: ‘Mawej wiitutaatacilok eeny? Bwabiny myand ya nook yiloolongek? Myand ya cinyang a yidy mwa kuhok eeny? Nady mwa kutungunuk teng ni kwiikal ni mooy eeny?’ Bibl waalaalabul biin-biin majooj aam.
Mawej udyaakal umvw bicy hady myand ya cinyang yilongek?
Mawej ukiikin myand ya cikis ni ya cinyang. (Musambw 11:5; Tusumw 6:16, 17) Ni Yeez udy sambakany hakacy iitut ni Mawej, waakady mubel biiyij bindiy halongelobw myand ya cikis. (Matewus 26:50-52) Ning naak, baat bakwaabw baleeleej mudyobw balong myand ya cikis mu diijin dya Mawej, ki Mawej kiishoh bend mwiibiitabil bwa kulong nook. Cya biin, kiish mwa kukun masambil maababw mat.—Yeshaay 1:15.
Mawej utaatacil baat boos bakeekeng, kuteekelok ni bakeekengeshobw bwa myand ya cinyang. (Musambw 31:7; 1 Pyeel 5:7) Bibl uleeleeb cikwaabw neey, Mawej wiiyiiy kufulok myand ya cinyang.—Yeshaay 60:18.
Cikaakaamish myand ya cinyang
Bibl uleeleej kwaalaalukil myand ya cinyang haleeleebey neey: ‘Muut udyaadyaatakany mukwaabw bwa kumushiy mu mal.’ (Muleej 8:9) Kukaady kuhit mivw yivul yidy baat bady ni bukash bakengesh baat bakwaabw. Bu mudyobw bakabish baat, baat bakwaabw baloolong mudimw ni myand ya cinyang bwa kukabishangan byaabw.—Muleej 7:7.
Myand ya cinyang yikaady’a kuh
Mawej i mulay bwa kuful mooy ni myand ya cinyang ni bwa kuteekey diitalal ha bulab. (Yeshaay 32:18; Mikah 4:3, 4) Wiiyiiy:
Kufulok myand yoos yikaakaamish cinyang. Mawej wiiyiiy kulong bwa mbul-matady indiy ahing ha cyaab cya makaleng ma baan ba baat. Yeez Krist udy Mukaleng a mbul-matady oow, wiiyiiy kulongel baat myand yilengel, ni wiiyiiy kufulok kukabishangan ni cikis. (Musambw 72:2, 14) Mu ciisang aacy, muut ning waakaabumw kaakulongoh bend myand ya cinyang. Baat “biiyiiy kushikat bilengel talal.”—Musambw 37:10, 11.
Kufulok makab moos mady myand ya cinyang yikaamish. Mawej wiiyiiy kufudilok myand yoos yidy cinyang cikaamin baat ku nyeet eecy mu meej. (Yeshaay 65:17; Myand yisokolweel Jah 21:3, 4) I mulay bwa kusangul baat bakaady bafw, bwa bashikat ha bulab ku may talal.—Jah 5:28, 29.
Bibl udy ni tubingil tulengel twiitaatabij baat neey, Mawej ukaady’a kukumbaj bwaal oobw mu kalung kakeeh oomw. Nook, udy mwa kwiiyihanguj neey: ‘Bwabiny Mawej kiish ufulok myand ya cinyang kaabaak?’ Bwa kuhet dyaalabul, tal video wa neey, Bwabiny Mawej i Mulek Makeng?
a Mwaak “Cinyang” badyaakal bamuleej nang-nang ni kulongelangan kwa myand ya cikis—cidyobw balongel baat—bwa kwiibumvwiij mooy ni kiihacil cya kushiitulul myand ya politik, ya bitendeleel eecy ya cikong kaahand cya baat. Nook, baat kaayaabw kabiish ni meej maakaabumw bwa kwiitabobw ning yiloolongek i myand ya cinyang.
You May Also Like
MAALABUL KU MAJOOJ MA MU BIBL
Bukaleng bwa Mawej i biny?
Tutalaay mudy Mbul-matady a Mawej muhitok mbul-matady yikwaabw.
