Mu diitaan, dya 24/2/2023, diivit dya mu Ukraine diiyiiy kukumbaj muvw mutuutul kacy dyaatang. Bilondeshil lwaapool kaahand, basalaay ba biin Ukraine ni ba biin Russie bat ku 300 000 bafwiil eecy batahikil mu diivit eedy ni baakady bitab neey bat babituh bat ku 30 000 bafwiil mu diin diivit eedy. Nook buuny bwa baab boos budy mwa kwiikal buvul menmen.

 Dyaakaby, bimweemweek neey diivit eedy kadiish mwa kwiiy kuh kaabaak.

•   “Kacy basalaay ba biin Russie baatweel mu Ukraine, kakwiish ciit ning cyaakabumw cileeleej neey diivit eedy diiyiiy kuh kaabaak. Kakwiish cileeleej hatook neey butamb kaahand ki bwiikal mwa kwiiy kuwiin diivit eedy, ni bimweemweek cikwaabw neey misang yikwaabw kabakwiiy kushikat haakaabumw bwa kukaam cyakulong ciikal baab boos mwa kwiitab.”—bilondeshil NPR (National Public Radio), mu dya 19/02/2023.

 Baat bavul bady biin-biin ni kakunying bwa makab ni mal mady diivit eedy ni mavit makwaabw bikamin baat bakiish ni bwaal ha bulab butuutul. I kutakamin kaay kudy Bibl utwaal? Diivit kadyaakwiiy kuhok eeny?

 Bibl uleeleeb bwa diivit diikal mwa kwiiy kukuloh baat ba ha bulab butuutul, kiish kwiibabutul. Diivit eedy biidibiibiikan neey Harmakedon, ni bidyumvumvwiij neey: “diivit dya diifuk dya Cidy cya Mawej mwiin bukash boos.” (Myand yisokolweel Jah 16:14, 16) Mawej wiiyiiy kukal mudimw ni diivit eedy bwa kubutul Mbul-matady ya baan ba baat yikaakaamish mavit mabubutul baat. Bwa kumanyik mwiikal Harmakedon mwa kwaakish baat ditalal buyiil, bal biin bwaal biloolond eeby:

•   “Diivit dya Harmakedon i Biny?”

•   “Armagedone ndumu luimpe!”