“Wiiyiiy kusangul baat.”​—Myand Yilongel 24:15, Mukand a Mawej.

Diiyiiy kukukashish ku micim diib diwudy mujimbaj baat bawudy mukat mu lufw.​—2 Biin Korent 1:3, 4.

Kwiishoh bend umvw mooy bwa lufw.​—Ebreh 2:15.

Uhehet kutakamin kwa biin-biin bwa kutalangan cikwaabw ni baat bawukat.​—Jah 5:28, 29.

Ing, bwa myand yivul, kady tuteeteelok teng yisat bituh:

• Mawej i yiy hang a buumy. Bibl ubibiikan Yehow neey: “Humb a buumy.” (Musambw 36:9; Myand Yilongel 17:24, 25) Mawej udy ni bukash bwa kwaakishilul muut mufw buumy bwaal yiy kayend kend ki udy mwaakish biit byoos bihangiley buumy.

• Mawej ubuushil bafw mu biisang bya hakal. Bibl uteeteel bileejel 8 bya baat (bakuluuh ni batofw, balum ni bakaj) baakadyobw babuush ku lufw ha bulab oobw. Bakwaabw baakady bafw bwa cilung cikeeh, kady umw wa kudyobw waakady mujiik mafuk manaay maman ni kuhit!​—Jah 11:39-44.

• Mawej i mukat kubuush cikwaabw bafw. Yehow kiishoh bend mukat lufw; wiilutaatal teng bu mulwiish. (1 Korent 15:26) Kulang kwindiy kwa kubutul mulwiish oow i kukasakan menmen, wiiyiiy kubutul lufw hadyey usangul bafw. Mawej ulaalang bwa kubuush ku lufw boos bady mu meej mindiy, i mukat bwa kwiibatal bashikat cikwaabw ha bulab oobw.​—Yoobw 14:14, 15.