Skip to content

Skip to table of contents

Tweel (opens new window)
Kaam JW.ORG

DIILONGWEESH 02

Bibl Utwaatwaal Kutakamin kwa Myand Yilengel

Bibl Utwaatwaal Kutakamin kwa Myand Yilengel

Baat bavul ha bulab butuutul bady ni myand yibakaakaamin kakunying ni makab. Uw byeeb ukaady muhetok myand ya bwiin nook eeny? Misang yikwaabw udy mwa kwiikal utat ni lubeel eecy mufwiish muut uwudy mukat. Udy mwa kwiiyihanguj neey, ‘Shikacil udy mwa kwiiy kulengelok dikwaabw diifuk eeny?’ Bibl waalaalabul bilengel diijooj eedy.

1. I kutakamin kaay kudy Bibl utwaal?

Bibl uleeleeb bwabiny bulab iibwiihul teh ni makab, ki wiitudiidiil cikwaabw musah mulengel wa neey, makab mady ha bulab makaady a kuh. Malay ma mu Bibl mady mwa ‘kukwaakish mafuk miiyiiy kuuhal malengel ni kutakamin.’ (Balaay Jeremih 29:11, 12.) Malay aam miitwaabambulwiish bwiitut kuhit bilengel ni makab, bwa kwiikal ni mucim mukasakan ni kuhet musangal buyiil.

2. I malay kaay mady Bibl utwaal bwa mafuk miiyiiy kuuhal?

Bibl uleeleeb bwa mafuk miiyiiy kuuhal ook neey, “lufw kalwiishoh bend lwiikalok. Kakwiishoh bend kuhing kwiikal kudil kwa lufw, ning kwaabakan, ning biitiit.” (Balaay Myand yisokolweel Jah 21:4.) Myand yoos yitukaakaakadish bwa kwiikal ni musangal leeloow​—bu mudy: bulam-lam, kabow, mbenj, ni lufw—​biiyiiy kwiiyifulok. Bibl ulaalay neey, baat biiyiiy kwiikal ni musangal wa kwiikal ni buumy buyiil mu Paradiiz ha bulab.

3. I mushind kaay utudy mwa kwiikal batwiishiibw neey, malay ma mu Bibl miiyiiy kukumban?

Baat bavul i batakamin neey, kuuhal ook, kwiiyiiy kulongek myand yilengel, ki kabiishoh bend bajaadik neey, myand eey yiiyiiy kulongek. Malay ma mu Bibl madyaakal teng makumban. Bwiitut kwiikal batwiishiibw, bikaam “twiiyij myand ya mu Mukand a Mawej.” (Myand Yilongel Bapostol 17:11) Hawuloolong Bibl, wiiyiiy kumanyik bwa kusungul bwa kwiitab cileeleeb Bibl bwa mafuk miiyiiy kuuhal eecy kwiicilek.

TWEEL MU BONDOK

Kontonon myand yidy Bibl mulay bwa mafuk miiyiiy kuuhal. Tal mudy kutakamin kudy Bibl utwaal mwa kwambulwiish baat leeloow.

4. Bibl utwaatwaal kutakamin kwa kwiikal ni buumy buyiil ha Bulab kakuy makab

Kazubw kaloolond aak, kady ni malay ma mu Bibl. I mulay kaay ukuteetengok ku micim? Bwabiny?

Balaay verseh yidy kulusek kwa malay aam, ni nwaalabul majooj aam:

  • Verseh eey, yikwaakwaakishok kutakamin kaay? Yidy mwa kuheteshok biin mu cisak ciibuh ni balund biibuh kutakamin eeny?

Lang ukaady mu bulongolody mwiikal

MUUT NING WAAKAABUMW KAY . . .

MUUT WOOS MWA . . .

  • kutalangan ni baat badyey mukat, bwaal biiyiiy kusanguk ku lufw ha bulab​—Jah 5:28, 29.

  • kwiikal ni bukash bwa nyeet ni diikand.​—Yoobw 33:25.

  • ukeng ni myand yiitiitish lungeny eecy uvuluk myand yibiih.​—Yeshaay 65:17.

  • kwiikal ni buumy buyiil ni shikacil mulengel.​—Musambw 37:29.

5. Kutakamin kudy Bibl utwaal kudy mwa kushitulul shikacil iibuh

Hady baat bavul batal myand yibiih yiloolongek ha bulab, bakookooyel mu mikon eecy bafuufulul mund. Bakwaabw balwaal diivit bwa kulengej myand cyaab cidyobw bashikacil. Tal mudy mulay wa mu Bibl wa neey, myand yiiyiiy kulongolok mwambulwiish baat leeloow. Talaay VIDEO, ni isambilaay ha majooj aam.

VIDEO: Naakady Nakaam Kuman Kabow (4:07)

  • Mu video oomw, i myand kaay ya kabow yaakady yiitish Rafika mut?

  • Ning mudy myand ya kabow yaakadyey utal kayiy mwa kuh, i mushind kaay waakady Bibl mumwambulwiish?

Kutakamin kudy Bibl utwaal bwa mafuk miiyiiy kuuhal kwiitwambambulwiish bwiitut kucimun kukooyel kwa mu mikon ni mutudy mwa kuhit bilengel ni makab miitut. Balaay Tusumw 17:22 ni Biin Rom 12:12, ni isambilaay ha majooj aam:

  • Ulaalangok neey, musah a kutakamin udy Bibl utwaal, udyok mwa Kukwambulwiish mu shikacil ibuh leeloow eeny? Bwabiny ulaalang naak?

BAAT BAKWAABW BALEELEEB NEEY: “Bibl uneenekesh hadyey uleeb bwa myand yidyey mulay bwa mafuk miiyiiy kuuhal.”

  • Bilondeshel uw, bwabiny i bya buseeb bwa kukontonon bwa kumanyik ning myand yidy Bibl uleeb i ya biin-biin?

CYA KUKWAAT

Bibl uleeleeb neey, mu mafuk miiyiiy kuuhal twiikaakal ni musangal ni kutakamin ook, kwiiyiiy kwiitwambulwiish bwa kutaatameen makab.

Bwa kuvuluk

  • Bwabiny bikaam twiikal ni kutakamin?

  • Bibl uleeleebok biny bwa mafuk miiyiiy kuuhal?

  • I mushind kaay udy kutakamin mwa kukwambulwiish teng kaabaak?

Kiihacil kaam

MYAND YIKWAABW YA KUMANYIK

Tal mudy kutakamin mwa kukwambulwiish hawutaatat.

“I Kweeh Kuwudy mwa Kuhetel Kutakamin?” (Kazamukaay! 22/4/2004 mu Tshiluba)

Tal mudy kutakamin mwa kwambulwiish muut udy lubeel lukiish luh.

“Bibl Udyok mwa Kwambulwish Baat Bady ni Lubeel Lukiish Luh Eeny?” (Ciin bwaal cya mu jw.org mu Tshiluba)

Hawutaatal video wa musambw oow, lang muwiikal uw ni cisak ciibuh ni musangal mu Paradiiz udy Bibl mulay bwa mafuk miiyiiy.

Lang Diib Aady (3:37)

Bal bwaal bwa muut waakady ukaam kushiitulul myand ya ha bulab, mwaakadyey mushiitulul shikacil indiy hamanyikiley neey, Bibl utwaatwaal kutakamin bwa mafuk miiyiiy kuuhal.

“Ciin Nakaamoh Bend Kushiitulul Cikwaabw Myand ya ha Bulab” (Cibumb cya Muteetekel, 1/7/2013 mu Tshiluba)

You May Also Like

MAJOOJ MADYAAKAL BAAT BIYIHANGUJ

Dilong dya Bibl i Biny?

Het maalabul ku majooj habitaatal program kulong Bibl bya bituh.

IIKAL NI BUUMY BUYIIL!​—MALONGWEESH MA MU BIBL MA KUTWAADIJ NAAM

Bibl Utwaatwaal Kutakamin kwa Myand Yilengel

Ciin-kanyok
Bibl Utwaatwaal Kutakamin kwa Myand Yilengel
https://cms-imgp.jw-cdn.org/img/p/1102021812/univ/art/1102021812_univ_sqr_xl.jpg
lffi diilongweesh 2
KWANGAT
Bibl Utwaatwaal Kutakamin kwa Myand Yilengel
Publication download options Iikal ni Buumy Buyiil!—Malongweesh ma mu Bibl ma Kutwaadij Naam