Kudyok mushind a muut kwiikaley ni buumy buyiil eeny?
Wiiyiiy kwaalabul bicy . . .
ing eeny?
waakweeh?
misang ikwaabw eeny?
CIDY BIBL ULEEB
‘Baat bawaakan biiyiiy kuhet bulab, biiyiiy kushikatoh buyiil.’—MUSAMBW 37:29.
MUSHIND UDY VERSEH OOW MWA KUKWAMBULWIISH
Uw ni biin mu cisak ciinun ni balund biibuh, nwiiyiiy kwiikal ni musangal buyiil mu mafuk miiyiiy kuuhal.—JEREMIH 29:11.
Wiiyiiy kwiikal ni buumy buyiil ni musangal, kiin teng bwa cituh ciihih, ki bwa mwendeleel.—MUSAMBW 22:26.
TUDYOK MWA KWIITAB BIIN-BIIN MYAND YIDY BIBL MULAY EENY?
Ing! Bwa kumanyik neey, ki mudyeby, tal bijaadik bidy mu malongweesh masat ma broshir oow. Ki malongweesh aam: