I mushind kaay utudy mwa kuhet musangal mu cisak?
Udy mwa kuleeb neey . . .
-
i kwiikal ni lukat eeny?
-
i kwiikal ni fwalang eeny?
-
i kwiikal ni ciit cikwaabw eeny?
CILEELEEB BIBL
“Bady ni musangal naabw i aab bumvumvw diiy dya Mawej, biidilond!”—Luuk 11:28, Mukand a Mawej.
I MUSHIND KAAY UDY DIIMANY EDY MWA KUKUKWANJOK?
Uhehet lukat lwa biin-biin.—Efez 5:28, 29.
Kaneemw kikiin keeh.—Efez 5:33.
Bwiin kamuut bwa biin-biin.—Mark 10:6-9.
TUDYOK MWA KWIITABIJ CYA BIIN-BIIN MYAND YILEELEEB BIBL EENY?
Ing, bwa myand yivul, kady tuteeteelok teng yibidy bituh:
-
Mawej i yiy muj a cisak. Bibl uleeleeb ney: ‘Bisak byoos’ i biheetel diijin kudy Yehow. (Efez 3:14, 15) Bikaam kuleeb ney: cisak cidyok bwaal Yehow ki ucihangil. Bwabiny bidy ni buseeb?
Lang neey: udy mudy byaakudy bilengel. Udy mwa kwiihanguj ngany bwa uw kumanyik bilengejil byaakadyobw bateekomw? I bya meej bwiibuh kwiihanguj teng waakady mwiibiihik.
Ki mudyeby ni bwa cisak, bwiitut kumanyik biit bidy mwa kwaakish biin cisak musangal, bikaam kutal teng kudy Yehow, muj a cisak.—Kutang kwa Bwanjil 2:18-24.
-
Mawej wiitaatacish bwiibuh. I bya meej bwa biin bisak kukaam mibel ya Yehow yidy mu Diiy dindiy. Bwabiny? “Bwaal i yiy winulaalam.” (1 Pyeel 5:6, 7) Yehow ukaakaam teng dyakatook diibuh ni mibel yindiy itwaatwaal teng bihet bilengel misang yoos!—Tusumw 3:5, 6; Yeshaay 48:17, 18.
LANG KET
Udy mwa kulong biny bwa uw kwiikal taat, maam eecy mulel mulengel?
Bibl utwaatwaal maalabul ku majooj aam mu EFEZ 5:1, 2 ni mu KOLOS 3:18-21.