DIILONGWEESH 04
Mawej i Ngany?
Kacy koos aakw, baat bahaahambidil baamawej bavul. Ki Bibl, uleeleeb neey, kudy Mawej “mutam muhitok baamawej boos.” (2 Cifuk 2:5) I Mawej kaay aaw? Ni i biny biloolong bwa iikal mutam muhitok baamawej bady baat bahambidil? Mu diilongweesh eedy, wiiyiiy kutal mudy Mawej kaayend wiileej kuwudy bwiibuh kumumanyik.
1. Diijin dya Mawej i ngany, ni i mushind kaay utudy mwa kwiikal batwiishiibw neey, i mukat bwa twiidimanyik?
Mu Bibl, Mawej kaayend wiileeleej kutudy. Uleeleeb neey, “Nady Mawej [‘Yehow,’ NWT], i didy diijin dya mim.” (Balaay Yeshaay 42:5, 8.) Mu ciin Kanyok diijin eedy i “Yehow”, diijin eedy idyaalukil ku mwaak wa ciin Ebreh umvumvwiij neey, “Wiiyiiyish.” Yehow i mukat bwa tumanyik diijin dindiy. (Cimwang 3:15) Bileeleej naak, i biny? I mufundish diijin dindiy mu Bibl misang yihit ha 7 000! a Diijin Yehow i dya ‘Mawej kaayend kend, udy mwiiwul mu diiwul ni aash ha bulab.’—May Mumbulul 4:39.
2. Bibl wiituloolongweesh biny bwa Yehow?
Baat bahaahambidil baamawej bavul, ki Bibl uleeleeb neey, Yehow kaayend kend ki Mawej a biin-biin. Bwabiny uleeleeb nook? Kudy tubingil tuvul. Yehow ki udy ni bukookesh ha mut a biit byoos, teng yiy kaayend kend ki udy “Mutam wa hamut a ha bulab butuutul.” (Balaay Musambw 83:18, NWT) Mawej i “mwiin Bukash boos,” bileeleej neey, udy ni bukash bwa kulong cyoos cidyey mukat. I yiy “ubaahangil biit byoos”—bu mudy cibwaash-bwaash ni biit byoos bidy ni buumy ha bulab. (Myand yisokolweel Jah 4:8, 11) Yehow kiish wa kufwanyikij ni muut mukwaabw, bwaal yiy ki udyaakal teng ni buumy, ni udyok buyiil.—Musambw 90:2.
TWEEL MU BONDOK
Kontonon kushiilangan kudy hakacy ha myanz yidy naay Mawej ni diijin dindiy. Tal cikwaabw mudyey mukuleej diijin dindiy ni bwabingany i mukuleej eedy.
3. Mawej udy ni myanz yivul, ki udy teng ni diijin dyaakaabumw
Tal kushiilangan kudy hakacy ha myanz yidy naay muut ni diijin dindiy, talaay VIDEO, ni isambilaay ha diijooj eedy.
-
I kushiilangan kaay kudy hakacy ha mwanz, bu mudy “Mukaleng,” ni diijin?
Bibl uleeleeb neey, baat bahaahambidil baamawej bavul ni bakaleng bavul. Balaay Musambw 136:1-3, ni isambilaay ha diijooj eedy:
-
I “Mawej kaay udy mutam muhitok baamawej boos” ni i “Mawej kaay udy ni bukash muhitok bakaleng boos”?
4. Yehow i Mukat bwa Umanyik Diijin Dindiy ni Wiikal Umubiikanedy
I biny bileeleej neey, Yehow i mukat bwa umanyik diijin dindiy? Talaay VIDEO, ni isambilaay ha majooj aam.
-
Ulaalangok neey, Yehow i mukat bwa baat bamanyik diijin dindiy eeny? Bwabiny?
Yehow i mukat bwa baat biikal bamubiikan mu diijin dindiy. Balaay Biin Rom 10:13, ni isambilaay ha majooj aam:
-
Bwabiny bidy ni buseeb bwa kubiikan Mawej mu diijin dindiy, Yehow?
-
Udyaakumvw bicy hady muut uvuluk diijin diibuh ni ukubiikanedy?
-
Bwiibuh uw, Yehow umvumvw bicy hawumubiibikan mu diijin dindiy?
5. Yehow i Mukat bwa Wiikal Nend Habwiih
Maam mukwaabw wa mu Cambodge diijin dindiy Soten waakady ni musangal muvul haakadyobw bamwambulwiish bwa kumanyik “diijin dya Mawej.” Talaay VIDEO, ni isambilaay ha diijooj eedy.
-
Mu video oomw, kumanyik diijin dya Mawej, ikwambulwiish Soten bicy?
Bwa kushaal mulund a muut, bikaam umanyik diijin dindiy. Balaay Jak 4:8a, ni isambilaay ha majooj aam:
-
Yehow ukuloolomb bwa ulong biny?
-
I mushind kaay udy kumanyik diijin dya Mawej ni kumubiikanedy mwa kukwambulwiish bwa kwiikal mulund indiy?
BAAT BAKWAABW BALEELEEB NEEY: “Kudy teng Mawej aakaabumw, muut woos udy mwa kumubiikan mushind udyey mukat.”
-
Wiitaatabok neey, Yehow i diijin dya Mawej eeny?
-
I mushind kaay uwudy mwa kuleej neey, Mawej i mukat bwa umubiikan mu diijin dindiy?
CYA KUKWAAT
Yehow i diijin dya Mawej aakaabumw wa biin-biin. I mukat bwa tumanyik diijin dindiy ni twiikal tumubiikanedy bwiitut kudy nend bulund.
Bwa kuvuluk
-
I kushiilangan kaay kudy hakacy a Yehow ni baamawej bakwaabw bady baat bahambidil?
-
Bwabiny bikaam twiikal tubiikan Mawej mu diijin dindiy?
-
I biny bileeleej neey, Yehow i mukat bwa udy nend bulund?
MYAND YIKWAABW YA KUMANYIK
Kontonon myand yitaan yileeleej neey, Mawej udyok.
bwabiny i bya meej bwa kwiitab neey, Mawej udyaakal teng ni buumy?
“I Ngany Uhangil Mawej?” (Cibumb cya Muteetekel cya 1/8/2014 mu Tshiluba)
Tal bwabiny bikaam twiikal tubiikan Mawej mu diijin dindiy, ning mutudy katuy bamanyik mwaakadyobw bidiibikan mafuk ma kal.
Mushind utubiibikan Mawej udy mwa kwiikalok mulengel eeny? Bwabiny tuleeleeb neey, udy teng ni diijin dyaakaabumw?
“Mawej Udy ni Majin Mang?” (Ciin bwaal cya mu jw.org mu Tshiluba)
a Bwa kumanyik myand yikwaabw yitaatal dyumvwiij dya diijin dya Mawej ni bwabiny baat bady baalabul Bibl yikwaabw iibidifulomw, tal Cisakidil cya A4 cya Bible—Nkudimuinu wa Bulongolodi Bupiabupia (mu Tshiluba).
You May Also Like
MAJOOJ MADYAAKAL BAAT BIYIHANGUJ
Dilong dya Bibl i Biny?
Het maalabul ku majooj habitaatal program kulong Bibl bya bituh.
