Yehow i mwiitwaakish Bibl.​—Bibl i cya bukish cihit kulengel cidy cilong ni tumikand 66. Ki udy mwa kwiikal wiiyihanguj misang yikwaabw neey, ‘Bibl i mufik kutudy bicy? Mwiin Bibl i ngany?’ Bwa kuhet dyaalabul ku majooj aam, tukontononaay mudy musah a Mawej udy mu Bibl mufik kutudy.

1. Iikal neey, baat ki bady bafund Bibl, bwabiny tuleeleeb neey mwiiney i Mawej?

Baat baakady bafund Bibl baakady bat ku 40 mukacy mwa mivw 1 600, kutangil ku muvw a 1513 K.K.Y. teng ni mu muvw a 98 H.H.Y. Baat bafundil Bibl baakady bashikacil ha byaab bishiil-shiilangan, mukacy mwaababw mwaakady balamy ba mikook, baloolob misaany ni bakaleng. Bituh byoos bya mu Bibl biheehetangan. Bidy mwa kulongek nook bicy? Bwaal Bibl i Diiy dya Mawej. (Balaay 1 Biin Tesalonik 2:13.) Baat baakady bafund Bibl, kabaakadyoh bend bafund meej maabab. Nook, baat ‘baakady baleeb ku bukash bwa spirit mujilang.’ a (2 Pyeel 1:21) Mawej ulongel mudimw ni spirit mujilang bwa kusak baat bwa bafund meej mindiy.​—2 Timoteh 3:16.

2. I Ngany udy mwa kubal Bibl?

“Baat boos ba ha bulab butuutul, ba bis byoos, ba bileebel byoos” bady mwa kumvw musah mulengel wa mu bibl. (Balaay Myand yisokolweel Jah 14:6.) Mawej I mulong bwa bafund Bibl mu bileebel byoos bya ha bulab kuhitok mukand kaay woos wa mu myand ya baat. Baat habwiih ni boos bady mwa kubal Bibl. I biin-biin, ning uw mushikacil cyaab kaay eecy uleeb cileebel kaay cyoos udy mwa kubal bibl.

3. I Mushind kaay waakady Yehow mulam Bibl?

Bibl waakady mufund ha biit byaakady binyanguk, bu mudy biseb ni papiris. Baat baakady bakat Bibl menmen baakady bamufund ni bamufundulul bilengel ku bikam. Ni baat baakady ni bukash baakady bakaam kubutul Bibl, bakwaabw baakady bateek buumy bwaababw mu buhund bwa kumulamob. Yehow Kaakadyoh bend mwa kwiital bwa ciit eecy muut abutul musah udyey mwiitutumin. Bibl uleeleeb neey: “Diiy dya Mawej iitut didyok buyiil.”​—Yeshaay 40:8.

 TWEEL MU BONDOK

5. Bibl i muhanduk ku bulwiish

 6. Mukand udy baat boos mwa kubal

Bibl i mukand udy mwaalabul ni mwaabany bikasakan mu baat. Balaay Myand Yilongel Bapostol 10:34, 35, ni isambilaay ha majooj aam:

• Bwabiny Mawej ukaakaam bwa baalabul ni baabany Diiy dindiy ha bulab butuutul?

• I biny bikukeekemeshok hawutaatal Bibl?

 CYA KUKWAAT

Bibl i Diiy dya Mawej, ni ulongel bukash bwa baat boos bady ha bulab bamubal.

Bwa kuvuluk

• Byumvumvwiij biny hatuleeleeb neey, Bibl i mufund ni meej ma kudy Mawej?

• I biny bikukeekemeshok bwa mudy Bibl muhanduk, bamwaalabul ni bamwaabany ha bulab butuutul?

• Bu muwubamanyik neey, Mawej I mulong bukash bwa kwiisamb neeb, ulaalangok biny bwindiy?