DIILONGWEESH 09

Diisambil Didy mwa Kukashish Bulund Bwiitut ni Yehow

PLAY

Bikaady bikufikilok bwiibuh kukaakal cya kulong mu shikacil kaahand eeny? Ukaakaam kuhetok maalabul ma majooj ma buseeb mawudy naam eeny? Ukaakaam bwa bakukashishok eeny? Ukaakaam kufweej habwiih ni Yehow eeny? Diisambil didy mwa kukwambulwiish bwa kukumbaj myand yoos yiwukaakaam. Ki, i mushind kaay mulengel wa kusambil? Mawej udyaakalok ukun masambil moos mat eeny? I biny biwudy mwa kulong bwiibuh kwiikal mutwiishiibw neey, Mawej ukuukunok masambil miibuh moos mat? Diilongweesh eedy, diiyiiy kwaalabul majooj aam.

1. I ngany utudy mwa kusambil, ni tudy mwa kusambil bwa myand kaay?

Yeez waakady mulongweesh neey, tudy mwa kusambil teng Taat iitut udy mu diiwul. Yeez waakady teng usambil Yehow. Uleebel neey: “Kavwaay munudy mwa kulomb Mawej: ‘Taat iitut udy mu diiwul . . .’” (Matewus 6:9) Hatusaasambil Yehow, bulund bwiitut nend bukaakasakan.

Tudy mwa kusambil bwa myand yoos. Nook, bwa Mawej kwaalabul masambil miitut, bikaam miikal mumvwangan ni lukat lwindiy. Tudy bamanyik neey: “wiitumvumvw hatumuloolomb [Mawej] ciit cya ha micim yindiy.” (1 Jah 5:14) Yeez waakady mutwaal cileejel cya myand yitudy mwa kuteel mu diisambil. (Balaay Matewus 6:9-13.) Cikwaabw, tudy mwa kusambil bwa myand yiitutaatal, katuy tuvulamin bwa kufwiijok Mawej bwa myand yidyey wiitulongel ni bwa kumulomb bwa hambulwiish baat bakwaabw.

2. I mushind kaay utudy mwa kusambil?

Bibl wiitukaakashish bwa ‘kumwambil [Mawej] bitudy naaby ku kuluukul [iitut].’ (Musambw 62:8) Nook, bikaam masambil miitut miikal ma biin-biin ni maalukil ku micim. Tudy mwa kusambil ni diiy dikasakan eecy mund-mund ni mu mushind woos utudy mwa kwiikal aamw ni kaneemw. Tudy mwa kumusambil diib dyoos ni ha cyaab cyoos citudy bakat.

3. I mushind kaay udy Mawej waalabul masambil miitut?

Mawej waalaalabul masambil mu mishind yivul. Yehow i mwiitwaakish Bibl, Diiy dindiy, cyaab cituheehetel maalabul ma majooj miitut. Kubal Diiy dya Mawej ‘kwaakaakish biihweehweekesh meej.’ (Musambw 19:7; bal Jak 1:5.) Mawej udy mwa kwiitwambulwish bwiitut kwiikal batuukij kuuhal kwa makeng. Ni udy mwa kusak bahambidil bindiy bwa kwiitwaakish dyambulwiish ditukaakaam.

TWEEL MU BONDOK

Tal muwudy mwa kulong masambil malengel masaasangeej Mawej, ni tal mudy diisambil mwa kukwambulwiish.

4. Kudy myand yitudy mwa kukumbaj bwa Mawej kumvw masambil miitut

I myand kaay yileeleej neey, Mawej i mwiitab eecy i mulek masambil miitut? Talaay VIDEO.

VIDEO: Mawej Umvumvw Masambil Moos Eeny?—Katuh (2:42)

Yehow i mukat bwa tumusambil. Balaay Musambw 65:2, ni isambilaay ha majooj aam:

Ulaalangok neey, Mawej i mukat ‘kumvw kuhambidil [“diisambil,” NWT]’ kwiibuh eeny? Bwabiny?

Bwa Mawej kumvw masambil miitut bikaam twiikal ni shikacil umvumvwangan ni mikenj yindiy. Balaay Mikah 3:4 ni 1 Pyeel 3:12, ni isambilaay ha diijooj eedy:

I biny bitudy mwa kulong bwa Yehow kumvw masambil miitut?

Mukacy mwa diivit, Boos balwaal bady mwa kusambil bwa kucimun. Bidyok ni meej bwa bab kutakamin neey Mawej wiiyiiy kwaalabul masambil aam eeny?

5. Bikaam masambil miitut maalukil ku micim

Baat bakwaabw i bibalongweesh bwa biikal bambulul masambil makwaat ku micim. Li i mushind udy Mawej mukat bwa twiikal tumusambil eeny? Balaay Matewus 6:7, ni isambilaay ha diijooj eedy:

I mushind kaay uwudy mwa kulek ‘kwambulul myand teng yimw-yimw’ mu masambil miibuh?

Diifuk dyoos, hiikal ulangil ha myand yilengel yidy Yehow mukulongel ni hiikal umufwiijok. Uw, ulong nook diifuk dyoos dya luming, wiiyiiy kusambil bwa myand mwandamuteket kuy wambululok bwaal ning bwaakaabumw.

Taat mulengel i mukat bwa mwaan amwambil myand yidyey naay ku micim. Bya mushind aakaabumw, Yehow i mukat bwa diisambil diitut dyaalukil ku micim

6. Diisambil i cya bukish cya kudy Mawej

I mushind kaay udy diisambil mwa kwiitwaakish bukash hatudy mu biisang bilengel ni mu biisang bibiih? Talaay VIDEO.

VIDEO: Diisambil Didy mwa Kwiitwambulwiish bwa Kutaatameen Makab (1:32)

Bibl ulaalay neey, diisambil didy mwa kwiitwambulwiish bwa kwiikal biin-biin ni diitalal dya mu meej. Balaay Filipw 4:6, 7, ni isambilaay ha majooj aam:

Ning mudy diisambil kadiy mwa kuman makab miitut, i mushind kaay udyedy mwa kwiitwambulwiish?
Udy mwa kusambil bwa myand kaay?

Udy mumanyik eeny?

Mwaak “amen” i bwiin kuleeb neey, “bidy naak” eecy neey, “biikal teng naak, cya biin.” Ciisang cifundilobw Bibl, bahambidil ba Mawej baakady baleeb neey, “amen” ku bulekel kwa diisambil.—1 Cifuk 16:36.

7. Hiikal ni diib dya kusambil

Tudy mwa kwiikal ni bivul bya kulong tuvulaminok diisambil. I biny bileeleej neey, Yeez waakady wangat diisambil ni buseeb? Balaay Matewus 14:23 ni Mark 1:35, ni isambilaay ha majooj aam:

Bwa kuhetey diib dya kusambil Yeez waakady ulong biny?
I diib kaay diwudy mwa kwiikal usambil?

BAAT BAKWAABW BALEELEEB NEEY: “Kusambil i kuhitish kwa diib ni kakwiin muut udy mwa kukukun mat.”

I mushind kaay uwudy mwa kwaalabul muut ukwambambil nook?

CYA KUKWAAT

Masambil malong ni mucim iitut mutuutul, makaakashish bulund bwiitut ni Mawej, mituheehetesh diitalal dya mu lungeny, ni miitwaakish bukash butukaakaam bwa kusangeej Yehow.