DIILONGWEESH 06
Mwaakady Buumy Butang.
‘Humb ya buumy yaalaalukil kuwudy [kudy Mawej].’ (Musambw 36:9) Wiitaatabok bwaal oobw eeny? Baat bakwaabw baleeleeb neey, kakwiinoh bend muut waakady muhang buumy. Hiikaleby neey, bidy naak, tudy biiy kwiikalok mu ciitul-i-tul. Ki hiikaleby neey, Yehow Mawej ki udy muhang buumy, budy mwa kwiikal ni kiihacil, kabiin naak eeny? a Tal cileeleeb Bibl bwa mushind waakady buumy butang ni bwabiny udy mwa kwiitab bwaal oobw.
1. Cibwaash-bwaash Citangil Bicy?
Bibl uleeleeb neey: “Ku butambwiil Mawej uhangil diiwul ni bulab.” (Kutang kwa Bwanjil 1:1) Biin myand ya siyans biitaatab neey, cibwaash-bwaash cidy ni butambwiil. Mawej wiicihangil bicy? Waakady mukal mudimw ni “luheeh, i bwiin kuleeb neey, ‘bukash buloolongesh myand’”—spirit indiy mujilang—bwa kuhangey biit byoos bidy mu cibwaash-bwaash, bu mudy bisumbw bya mitoot, mitoot, ni mabulung.—Kutang kwa Bwanjil 1:2.
2. Mawej uhangil bulab bwabiny?
Yehow “Kaakadyoh bend mwiibuhang [bulab] bwiikal mund mutuh, ki wiibuhangil bwa baat kushikatoh.” (Yeshaay 45:18) Waakady muhang bulab bwa bwiikal cyaab cilengel cya baat kushikatobw. (Balaay Yeshaay 40:28; 42:5.) Biin siyans baleeleeb neey, bulab i cyaab cilengel cidy muut mwa kushikat kuhitok mabulung makwaabw. Bulab i cyaab cilengel cidy ni biit biloolong bwa muut iikal ni buumy.
3. Baat i bashiilangan ni nyam ku biny?
Kuunyim kwa Yehow muman kuhang bulab, uhangil biit bidy ni buumy. Cya kuuhal, uhangil mitond ni nyam. Cikwaabw, “Mawej uhangil muut mwiikal mumufwaanok tok-tok.” (Balaay Kutang kwa Bwanjil 1:27.) Baat ibashiilangan ni biit bikwaabw bidy Mawej muhang ku biny? Bwaal Mawej i muhang baat bamufwaanok. Baleeleej biikadil bindiy bu mudy, lukat ni buwaakan. Wiituhangil cikwaabw, ni mushind a kumanyik bileebel bivul, kusangeel biit bilengel ni misambw. Ni cikwaabw, tudy bashiilangan ni nyam, bwaal, tut baat, tudy mwa kuhambidil Hang iitut.
TWEEL MU BONDOK
Kontonon cijaadik cileeleej neey, baakady bahang buumy ni muwudy mwa kwiitab neey, myand yidy Bibl uleeb ya mwaakadyobw bahang biit i ya biin-biin. Ni tal cidy biikadil bidy naaby baat mwa kwiitulongweesh habitaatal Mawej.
4. Bahangil buumy
Hady muut ulong ciit cidy cifwaanakan ni biit bidy Mawej muhang, badyaakal bamwambik luumw. I ngany utudy mwa kuh lutumb bwa biit bihang bitutaatal? Talaay VIDEO, ni isambilaay ha diijooj eedy.
-
I biit kaay bidy muut mulong bidy bifwaanakan ni biit bidy Mawej muhang?
Nzubw woos oow, i mwiibak teng kudy muut kaahand. Ki i ngany udy muhang biit byoos bitutaatal? Balaay Ebreh 3:4, ni isambilaay ha majooj aam:
-
Mu biit bidy Mawej muhang, i cyeeh cikukeekemeshok?
-
I bilengel bwa kwiitab neey, kudy muut waakady muhang cibwaash-bwaash ni biit bikwaabw bidyomw eeny? Bwabiny?
Udy mumanyik eeny?
Udy mwa kuhet biin bwaal ni video bitaatal bwaal oobw mu jw.org ha cyaab cya neey, kulondangan kwa biin bwaal ha cituh cya neey, “Biit i biilongekel eecy i biibihang?” ni “Cileeleebobw bwa butambwiil bwa buumy.”
“Bwaal, nzubw woos oow i mwiibak teng kudy muut kaahand; ki naabw, Mawej i yiy wiibakil biit byoos”
5. Itab myand ya mu Bibl yileeleeb mudyobw bahang biit
Mu mukand a Kutang kwa Bwanjil shapitil 1, Bibl uleeleej kudy kwaalukil bulab ni buumy. Udy mwa kwiitabok neey, myand eey i ya biin-biin eecy i ya makos? Talaay VIDEO, ni isambilaay ha majooj aam.
-
Bibl uleeleebok neey, Mawej waakady muhang bulab ni buumy mu mafuk masambombw ma meeb 24 eeny?
-
Ulaalangok neey, myand yileeleeb Bibl bwa mwaakadyobw bahang biit i ya biin-biin ni tudy mwa kwiiyitab eeny? Bwabingany?
Balaay Kutang kwa Bwanjil 1:1, ni isambilaay ha diijooj eedy:
-
Biin siyans baleeleeb neey, cibwaash-bwaash cidy ni butambwiil. I mushind kaay udy myand yidy biin siyans baleeb yihetangan ni ciwudy mubal mu Bibl?
Baat bakwaabw biiyihaahanguj ning Mawej waakady mukal mudimw ni myand ya mudy biit biilongekel kaayaaby bwa kuhangey biit. Balaay Kutang kwa Bwanjil 1:21, 25, 27, ni isambilaay ha majooj aam:
-
Bibl uleeleebok neey, Mawej uhangil tubiit tukeeh tudy ni buumy ni kwaalabuketw misaany, nyam, ni kushaaletw baat eeny? Eecy Bibl uloolongweesh neey, Mawej waakady muhang “mitah ni mitah” ya biit bidy ni buumy eeny? b
6. Baat i bashiilangan ni biit bikwaabw bidy Mawej muhang
Yehow i mwiituhang ni biikadil biloolong bwa twiikal bashiilangan ni nyam. Balaay Kutang kwa Bwanjil 1:26, ni isambilaay ha diijooj eedy:
-
Bu mudy Mawej mwiituhang bafwaanakan nend, bukash bwiitut bwa kukatangan ni bwa kufwiilangan lus buleeleejok biny bwa buumuut bwa Mawej?
BAAT BAKWAABW BALEELEEB NEEY: “Myand yidy Bibl uleeb bwa mudyobw bahang biit i yifwiikakany.”
-
Uw byeeb, ulaalangok bicy? Bwabiny?
CYA KUKWAAT
Yehow uhangil cibwaash-bwaash ni biit byoos bidy ni buumy.
Bwa kuvuluk
-
I biny bidy Bibl wiitulongweesh bwa butambwiil bwa cibwaash-bwaash?
-
Mawej waakady mulek tubiit tukeeh tudy ni buumy twend twaalabuk bwa “mitah ni mitah” ya biit bidy ni buumy yiikalok, eecy waakady muhang biit byoos?
-
Bwabiny baat i bashiilangan ni biit bikwaabw bidy Mawej muhang?
MYAND YIKWAABW YA KUMANYIK
Tal myand yileeleej neey, kudy muut waakady muhang biit.
“Biit Bidy Mawej Muhang Bituloolongweeshok Biny?” (Kazamukaay! 9/2006 mu Tshiluba)
Tal mudy taat ulongweesh mwaan indiy myand ya mu Bibl yitaatal biit bidy Mawej muhang.
Diilongweesh dya mudy biit biilongekel diheehetanganok ni cidy Bibl uleeb eeny?
Bishaadil bya baat, bya nyam ni bya mitond eecy myand ya siyans bileeleejok neey, bahangil buumy eecy buumy i bwiilongekel kaayaabw?
Majooj Mataan Mady Baat Biiyihanguj bwa Butambwiil bwa Buumy (broshir mu Tshiluba)
a Twiiyiiy kwiisambil ha myand yidy Yehow mulongolweel baat mu diilongweesh dya 25.
b Mu Bibl, mwaak “mitah ni mitah ya biit” uleeleej cisumbw citam cya biit bidy ni buumy.
You May Also Like
MAJOOJ MADYAAKAL BAAT BIYIHANGUJ
Dilong dya Bibl i Biny?
Het maalabul ku majooj habitaatal program kulong Bibl bya bituh.
