Iikaleby neey, Mawej i lukat, bwabiny bitendeleel biileeleej neey, tuloolong myand mu diijin dya Mawej, biloolong myand yibiih? Bwaal bitendeleel eeby, i bya makos; myand yiloolongweesheby ni myand yiloolongeby, yisaasak baat bwa biitab myand ya makos habitaatal Mawej. I mushind kaay udyeby bifweej baat kuleeh ni Mawej? Mawej ulaalangok bicy? Ni wiiyiiy kwiibilongel biny?

1. I mushind kaay udy malongweesh ma bitendeleel bya makos mafweej baat kuleeh ni Mawej?

Bitendeleel bya makos, ‘biloolong teng myand ya bituh.’ (Biin Rom 1:25) Cileejel, bitendeleel bya makos kabiish bilongweesh diijin dya Mawej. Ki Bibl, uleleej neey, bidy ni buseeb bwa kubiikan Mawej mu diijin dindiy. (Biin Rom 10:13, 14) Cikwaabw, bafumw ba bitendeleel baloolongweesh neey, hady baat bakeng, i lukat lwa Mawej. Ki, i makos. Mawej kiishoh bend ulong myand yibiih. (Balaay Jak 1:13.) Bya kakunying, makos ma bitendeleel i mafweej baat kuleeh ni Mawej.

2. I mushind kaay udy bilong bya bitendeleel bya makos bifweej baat kuleeh ni Mawej?

Bitendeleel bya makos kabiinoh bend bilongel baat myand mudy Yehow ulong. Bibl uleeleeb bwa bitendeleel bya makos neey: “myand yindiy yibiih i yingwiil hamut ha yikwaabw yikafik teng ni mwiiwul.” (Myand yisokolweel Jah 18:5) Kacy koos aakw, bitendeleel bitweetweelakan mu myand ya politik, ya diivit, ni i bizuhij baat bavul. Bamw bafumw ba bitendeleel i bakat kwiikal baahet ni baloolomb baat fwalang. Ciloolongobw eecy cileeleej neey, kabiishoh bend bamanyik Mawej, kabiinoh bend ni mushind a kwiikal baleej hal ba Mawej.​—Balaay 1 Jah 4:8.

3. Mawej umvumvw bicy bwa bitendeleel bya makos?

Iikaleby neey, myand yidy bitendeleel bya makos bilong yikufuufuluj mund, Yehow, udy mwa kumvw bicy? I mukat baat, ki ufuufulwiil bafumw ba bitendeleel mund biileeleej neey, i baleej hal bindiy, ki naabw bakengesh baat. Yehow i mulay neey, wiiyiiy kubutul citendeleel cya makos ni “kabiish bahing biiy kwiicital.” (Myand yisokolweel Jah 18:21) Mu kalung kakeeh oomw, Mawej wiiyiiy kubutul bitendeleel byoos bya makos.​—Myand yisokolweel Jah 18:8.

 TWEEL MU BONDOK

4. Mawej kiishoh bend wiitab bitendeleel byoos

Baat bavul balaalang neey, bitendeleel i njil yishiilangan yifiifikij yoos kudy Mawej. Ki kabiin naak? Balaay Matewus 7:13, 14, ni isambilaay ha diijooj eedy:

• I mushind kaay udy Bibl uleej njil ufiifikij ku buumy?

Talaay VIDEO, ni isambilaay ha diijooj eedy.

• Bibl uleeleeb neey, bitendeleel byoos bisaasangeej Mawej eeny?

 6. Mawej ukaakaam kukuuloh baat ku citendeleel cya makos

Balaay Myand yisokolweel Jah 18:4, a ni isambilaay ha ­diijooj eedy:

• Umvumvw bicy hawumaamanyik neey, Mawej ukaakaam kukuuloh baat badyobw badingomw kudy citendeleel cya makos?

7. Tungunuk ni kulong bwa kumanyik Mawej a biin-biin

Myand yidy bitendeleel bya makos bileeb eecy bilong, yidy mwa kunyangok mushind uwutaatal Mawej eeny? Lang neey, mwaan uleeleek mibel yilengel yidy taat indiy umwaakish. Mwaan oow, waalaaluk ku cibel ni ukalong myand yibiih. Taat kakwiitaboh bend myand yibiih yidy mwaan ulong. Bwabiny kabiish bilengel bwa kuleeb neey, taat ki udy musak mwaan mu njil mubiih?

• I bya meej bwa kuleeb bibiih bwa Yehow ni kulek kulong myand yimutaatal bwa bilong bya biin mu bitendeleel bya makos eeny?

 CYA KUKWAAT

Malongweesh ma makos ni bilong bya biin mu bitendeleel bya makos bifweefweej baat kuleeh ni Mawej. Mawej wiiyiiy kubutul bitendeleel bya makos.

Bwa kuvuluk

• I biny biwulaalangok bwa myand yidy bitendeleel bya makos bilongweesh ni bilong?

• Yehow umvumvw bicy bwa bitendeleel bya makos?

• I biny biikal Mawej mwa kulongel bitendeleel bya makos?