Teng mutwaakady batal mu diilongweesh dishaal, Mawej kiishoh bend wiitab bitendeleel byoos. Ki kudy mushind utudy mwa kuhambidil Cyakahang itut mu mushind mulengel udyey mukat. I “bwiin Mawej [eecy, citendeleel, NWT, dim.]” kaay budyey mukat? (Jak 1:27) Tal cidy Bibl ulongweesh bwa bwaal oobw.

1. Kuhambidil kwiitut i kushimacil ha biny?

Kuhambidil kwiitut i kushimacil ha Bibl. Yeez wambiil Mawej neey: “Diiy diibuh i didy biin-biin.” (Jah 17:17) Bimw bitendeleel, bileeleek kulongweesh myand ya biin-biin yidy Mawej mufundish mu Bibl, Diiy dindiy. Ki biloolongweesh malongweesh ma baat ni ma kaabukul. Ki Yehow kiin mukatoh bend baat ‘baloolong teng myand ya kaabukul.’ (Balaay Mark 7:9.) Bishiilangan ni baat babaabal Bibl ni balond mibel yindiy, basaasangeej mucim indiy.

2. I mushind kaay utudy mwa kuhambidil Yehow?

Bu mudy Yehow Hang iitut, yiy kaayend ki utudy mwa kuh lutumb. (Myand yisokolweel Jah 4:11) I bwiin kuleeb neey, tudy mwa kumuhambidil teng yiy kaayend kakuy kudyambulwiish dya kish, dya hing, eecy dya bifwaatul.​—Balaay Yeshaay 42:8.

Bikaam kuhambidil kwiitut kwiikal ‘kujilang ni kudyobw bakat’ kudy Yehow. (Biin Rom 12:1) Biin eeby, bileeleej neey, tudy mwa kukooyel mikenj yindiy mu shikacil iitut. Cileejel, baat bady bakat Yehow, baloolond mikenj yindiy yileeleeb bwa maluw. Ni baleeleek bilel bibiih bu mudy: kunw kwa fwaak, dyamb, kahond eecy maal. a

3. Bwabiny bikaam kuhambidil Yehow haakaabumw ni biin Krist bakwaabw?

Bisangil biitut bya luming loos biitwaakaakish mushind a ‘kutumbish Mawej . . . cyaab cidy baat bakongakeen.’ (Musambw 111:1, 2) Mushind aakaabumw wa kulong nook, i hatumbumbil Mawej misambw ya kumutumbish naay. (Balaay Musambw 104:33.) Yehow wiituloolomb bwa twiikal tutweel mu bisangil bwaal i mwiitukat ni i mumanyik neey, biiyiiy kwiitwambulwiish bwiitut kwiikal ni buumy buyiil. Hatutweetweel mu bisangil haakaabumw ni baat bakwaabw, tukaakashishangan tut boos.

 TWEEL MU BONDOK

4. Katwiin mwa kukal mudimw mu kuhambidil kwiitut ni bifwaatul eecy biit bikwaabw

5. Kuhambidil teng Yehow kaayend, kwiitukuukuloh ku makos ma bitendeleel

 6. Tuhaahambidil Yehow mu bisangil bya mu cisumbw

Mu bisangil bya cisumbw, tutuutumbishomw Yehow, tukashishangan umw ni mukwaabw hatumbumb misambw ni tutwaal maalabul. Balaay Musambw 22:22, ni isambilaay ha majooj aam:

• Udyaakal umvwok musangal bwa maalabul madyobw batwaal mu bisangil eeny?

• Udy mwa kwiilongololok byeeb bwa kutwaal dyaalabul eeny?

7. Yehow i mukat bwa twambiloh baat bakwaabw myand yituloolong

Kudy mishind yivul yitudy mwa kwambil baat myand ya biin-biin yidy mu Bibl. Balaay Musambw 9:1 ni 34:1, ni isambilaay ha diijooj eedy:

• I myand kaay ya mu Bibl yiwudy mulong yiwudy mwa kwambilok muut mukwaabw?

 CYA KUKWAAT

Tusaasangeej Cyakahang iitut hatumuhaahambidil teng yiy kaayend, tumutumbish mu bisangil bya cisumbw ni twambilok baat bakwaabw myand yitudy balong.

Bwa kuvuluk

• I mushind kaay udy Mawej wiitab bwiitut kumuhambidil?

• Bwabiny tudy mwa kuhambidil teng Yehow kaayend?

• Bwabiny bikaam tuhambidil Mawej haakaabumw ni biin Krist bakwaabw?