DIILONGWEESH 15
Yeez i Ngany?
Yeez i muut udyobw bamanyik bikasakan. Baat bavul, i bamanyik diijin dindiy, ki kabiin bamanyik myand yivul habimutaatal, ni bakwaabw baleeleeb myand yishilangan bwa cidy Yeez menmen. I biny bidy Bibl uleeb bwa Yeez?
1. Yeez i ngany?
Yeez i muut a spirit udy ni bukash buvul udy mu diiwul. Yehow waakady mumuhang kuuhal kwa kuhangey biit bikwaabw. Ki bwabiny bamubiibiikan neey: “Mwaan-a-but udy ku mut kwa biit byoos bihangil Mawej.” (Kolos 1:15) Bibl ubiibiikan Yeez neey: “Mwaan a diimung” a Mawej, bwaal Yehow kaayend kend ki waakady muhang Yeez. (Jah 3:16) Yeez waakady mukal mudimw haakaabumw ni Taat indiy, Yehow, umukwanjok bwa kuhang biit bikwaabw. (Balaay Tusumw 8:30.) Yeez udyaakal teng habwiih ni Yehow. Yeez i “Diiy” bwaal i mutwaal a may ma Mawej. Utwaatwaal musah ni may ma Mawej ma kulond.—Jah 1:14.
2. Bwabiny Yeez wiiyil ha bulab?
Kukaady kuhit mivw 2 000, Yehow ulongel cishim, umbiley buumy bwa Mwaan indiy mu diifw dya mwaan-mukaj waakady kay mwanj kumanyik baan-balum waakadyobw babiikan neey, Mariy. Ki mushind waakadyobw balel Yeez bu muut. (Balaay Luuk 1:34, 35.) Yeez wiiyil ha bulab bwa kwiikaley Mesih waakadyobw balay, eecy Krist, bwa kukuuley baat. a May moos ma buprofet mady mu Bibl mataatal Mesih maakady makumbanyin Yeez, byaakady byambulwiish baat bwa kumanyikobw neey: Yeez ki “Mesih, Mwaan a Mawej udy ni buumy.”—Matewus 16:16.
3. Yeez udy kweeh kaabaak?
Kuunyim kwa mafuk ma bulekel ma buumy bwindiy ha bulab, Yeez usangukil ni nyeet ya mu spirit ni kuhingomwey mu diiwul. Mwiin aamw, “Mawej umuteekel ha cyaab cya lutumb lwiilwiin.” (Filipw 2:9) Leeloow, Yeez, i fumw mutam—mwiikal muut mwiibidy kuunyim kwa Yehow.
TWEEL MU BONDOK
Long myand yivul yitaatal Yeez ni bwabiny bidy ni buseeb bwa kumumanyik.
4. Yeez kiishoh bend Mawej a Bukash boos
Bibl uloolongweesh neey, ning mudy Yeez mwiikal muut a mu spirit udy ni bukash buvul udy mu diiwul, ukookooyel Mawej indiy ni Taat, Yehow. Bwabiny tuleeleeb naak? Talaay VIDEO bwa kutal cidy Bibl ulongweesh bwa cyaab cidy naacy Yeez kuuhal kwa Mawej a Bukash boos.
Verseh yiloolond eey yitwaabambulwiish bwiitut kumanyik bulund budy hakacy ha Yehow ni Yeez. Balaay verseh woos ni isambilaay ha majooj aam.
Balaay Luuk 1:30-32.
-
I mushind kaay udy mwanjel uleej bulund budy hakacy a Yeez ni Yehow, Mawej “Jaam-Jaam a mwiiwul”?
Balaay Matewus 3:16, 17.
-
Haakady Yeez muhet baatiisumw, diiy dyaalukil mu diiwul, dyaakady dileeb neey?
-
Bilondeshel uw, i ngany waakady uleeb?
Balaay Jah 14:28.
-
Hakacy ha taat ni mwaan, i ngany udy mukuluuh ni mwiikal ni buufumw muhitok mukwaabw?
-
Yeez ubiibikan Yehow neey, Taat, bikuloolongweeshok biny?
Balaay Jah 12:49.
-
Yeez waakady ulangok neey, yiy ni Taat indiy i muut aakaabumw eeny? Bwiibuh ulaalangok bicy?
5. Bijaadik bileeleej neey, Yeez i Mesih
Mu Bibl mudy may mavul ma buprofet mambambulwiish baat bwa kumanyikobw Mesih—muut udy Mawej munoonoh bwa kukuul baat. Talaay VIDEO bwa kutal mamw may ma buprofet mady Yeez mukumbaj iyiley ha bulab.
Balaay may ma buprofet mady mu Bibl, ni isambilaay ha majooj maloolond aam:
Balaay Mikah 5:2 bwa kumanyik cyaab cyaakadyobw balelel Mesih. b
-
May ma buprofet aam maakady makumban eeny?—Matewus 2:1.
Balaay Musambw 34:20 ni Zakarih 12:10 bwa kutal may ma buprofet mataatal lufw lwa Mesih.
-
May ma buprofet aam makumbanyin eeny?—Jah 19:33-37.
-
Ulaalangok neey, Yeez udy mwa kulong bwaal kaahand bwa may ma buprofet makumban eeny?
-
Bwaal oobw, bukuleeleejok biny bwa Yeez?
6. Kulong bwa kumanyik Yeez kwiitwambambulwiish
Bibl uleeleeb neey, i bya buseeb bwa kumanyik Yeez ni mudimw udyey nend. Balaay Jah 14:6 ni 17:3, ni isambilaay ha diijooj eedy:
-
Bwabiny i bya buseeb bwa kumanyik Yeez?
Yeez i mwiituleej citudy mwa kulong bwa kushaal balund ba Mawej. I mulongweesh myand ya biin-biin yitaatal Yehow, ni ku dyambulwiish dindiy, tudy mwa kuhet buumy bwa mwendeleel
BAAT BAKWAABW BALEELEEB NEEY: “Batemw ba Yehow kabiishoh bend biitab Yeez.”
-
Udy mwa kwiibaalabul bicy?
CYA KUKWAAT
Yeez i muut a mu spirit wa bukash buvul. Mwaan a Mawej ni Mesih.
Bwa kuvuluk
-
Bwabiny babiibikan Yeez neey: “Mwaan-a-but udy ku mut kwa biit byoos bihangil Mawej”?
-
I biny byaakady Yeez mulong kuuhal kwa kwiiyey ha bulab?
-
I mushind kaay utudy mwa kumanyik neey, Yeez i Mesih?
MYAND YIKWAABW YA KUMANYIK
Manyik myand yivul yitaatal mudimw udy nend Yeez bu Mesih.
“Malay Maleeleejok neey, Yeez Waakady Mesih Eeny?” (Ciin bwaal cya mu jw.org mu Franseh)
Tal ning Bibl uloolongweesh neey, Mawej i mushaal Taatend a Yeez mu mushind udy baat bahet baan.
“Bwabiny Babiibikan Yeez neey, Mwaan a Mawej?” (Ciin bwaal cya mu jw.org mu Franseh)
Tal bwabiny tuleeleeb neey, diilongweesh dya busat bunsant kadiishoh bend dya mu Bibl.
“Yeez i yiy Mawej Eeny?” (Cibumb cya Muteetekel 1/4/2009 mu Franseh)
Bal myand ya mwaan-mukaj kaahand udy mushiitulul shikacil kuunyim kwa yiy muman ni kumanyik myand yidy Bibl uleeb bwa Yeez.
“Mwaan-mukaj Mwiin Yuud Umvumvwiij Bwabiny i Mwiitabij” (Kazamukaay 5 2013 mu Tshiluba)
a Mu diilongweesh dya 26 ni dya 27 twiiyiiy kutal bwabiny baat bakaakaam bwa biibakuuloh ni mushind udy Yeez mwiitukuuloh.
b Talaay Diimanyish dya bulekel 2 dileeleej kukumban kujaalal kwa diiy dya buprofet, ciisang cyaakady Yeez mwa kumweek ha bulab.
You May Also Like
MAJOOJ MADYAAKAL BAAT BIYIHANGUJ
Dilong dya Bibl i Biny?
Het maalabul ku majooj habitaatal program kulong Bibl bya bituh.
