DIILONGWEESH 19
Batemw ba Yehow i biin Krist ba Biin-biin Eeny?
Bu mutudy Batemw ba Yehow, twiitaatab neey, tudy biin Krist ba biin-biin. Bwabiny? Bwa tubingil tusat: bwa cyaab cidy myand yitudy biitabij yishimacil, bwa mutudy bashiilangan ni baat bakwaabw ku diijin ditudy naady, ni bwa mushind utudy bakatangan.
1. Myand yidy Batemw ba Yehow biitabij i yishimacil ha biny?
Yeez uleebel neey: ‘diiy dya Mawej i didy biin-biin.’ (Jah 17:17) Teng bu Yeez, myand yidy Batemw ba Yehow biitabij, i yishimacil teng mu Diiy dya Mawej. Tutalaay cileejel myand yaakady yilongek ku bulekel kwa siyekel wa 19. Mu muvw a 1870, kasumbw ka baat bakeeh kaakady katwaadij kukontonon malongweesh ma mu Bibl bilengel menmen. Myand yaakadyobw biitabij, yaakady yishimacil ha cidy Bibl uleeb, ning mudy myand yidyobw biitabij yishilangan ni malongweesh ma bitendeleel. Nook, baakady batwaadij kwambil baat bakwaabw myand ya biin-biin yidy mu Bibl. a
2. Bwabiny twiibiibikan neey, Batemw ba Yehow?
Yehow udyaakal ubiikan bahambidil bindiy neey, Batemw bwaal baleeleeb myand ya biin-biin yimutaatal. (Ebreh 11:4–12:1) Cileejel, mu biisang bya ha kal, Mawej wambiil baat bindiy neey: “Baakajaady [Batemw] ba mim, i baanun.” (Balaay Yeshaay 43:10.) Babiibiikan Yeez neey: “Kajaady a biin-biin.” (Myand yisokolweel Jah 1:5) Nook, mu muvw a 1931, twaakady bangat diijin dya Batemw ba Yehow. Tudy ni musangal bu mwiitubiibiikanobw mu diijin eedy.
3. I mushind kaay udy Batemw ba Yehow biidikij lukat lwa Yeez?
Yeez waakady mukat biiyij bindiy bikasakan wiibatal bu biin mu cisak cindiy. (Balaay Mark 3:35.) Bya mushind aakaabumw, Batemw ba Yehow bady mu kaacyumw mu cisak cya ha bulab butuutul. Ki bwabiny tubiibiikanangan neey, mwiin-kweet mwaan-mulum ni mwiin-kweet mwaan-mukaj. (Filemon 1, 2) Tukookooyel cikwaabw diiy dya neey: “Katanganaay bu baan ba kamuut.” (1 Pyeel 2:17) Batemw ba Yehow baleeleej mudyobw bakatangan mu mishind yivul, cileejel twambambulwiish biin-kweet ba ha bulab butuutul bakaakaam dyambulwiish.
TWEEL MU BONDOK
Tal myand yidy Batemw ba Yehow balong ni bijaadik bileeleej neey, tudy biin Krist ba biin-biin.
Myand yidy biin Krist ba biin-biin biitabij i yishimacil mu Bibl ni biyiloolongweesh baat bakwaabw
4. Myand yitudy biitabij i yishimacil mu Bibl
Yeez uleebel kal neey, twiiyiiy kumvw bilengel myand ya biin-biin yidy mu Bibl. Balaay Danyel 12:4, ni isambilaay ha diijooj eedy:
-
I biny biikal mwa ‘kuvul’ iikal baat ba Mawej batungunuk ni kulong Bibl?
Tal mudy kasumbw ka balony ba Bibl kuteekelok ni Charles Russell, kakontonon Diiy dya Mawej. Talaay VIDEO, ni isambilaay ha diijooj eedy.
-
I mushind kaay waakady Charles Russell ni balund nend balong Bibl?
Udy mumanyik eeny?
Tudy balongololok myand yikwaabw yitudy biitabij. Bwabiny? Teng bu mudy butook bwa diib bwend ni kutookesh haash bikeeh-bikeeh, Mawej i mulong bwa baat bend ni kumvw Diiy dindiy bikeeh-bikeeh. (Balaay Tusumw 4:18.) Ning mudy Bibl kay ushiituluk, ki hatumuumvumvw bilengel, tuloolongolol myand yitudy biitabij.
5. Tuloolong myand yiheehetangan ni diijin diitut
Bwabiny tudy bangat diijin dya Batemw ba Yehow? Talaay VIDEO, ni isambilaay ha diijooj eedy.
-
Bwabiny diijin dya Batemw ba Yehow i ditukumbanyin?
Bwabiny Yehow i musungul baat bwa biikal Batemw bindiy? Bwaal bamuleeleej kudy baat neey, i yiy Mawej a biin-biin, ni baleeleej hatook myand ya makos yidyobw bamudingidilomw. Tutalaay myand ya makos yibidy.
Bitendeleel bikwaabw biloolongweesh neey, Mawej ukaakaam bwa twiikal tumuhambidil ku dyambulwiish dya hing, kish ni bifwaatul. Balaay Biin Leevy 26:1, ni isambilaay ha majooj aam:
-
Bibl uleeleebok biny bwa kuhambidil biit? I mushind kaay udy Yehow umvw hadyey utal baat bahambidil kish?
Bafumw ba bitendeleel bikwaabw, baloolongweesh neey, Yeez i Mawej. Balaay Jah 20:17, ni isambilaay majooj aam:
-
Bibl uleeleebok biny bwa bwaal oobw? Mawej ni Yeez i muut aakaabumw eeny?
-
Umvumvw bicy hawumaamanyik neey, Yehow waakady mutum Batemw bwa kukulongweesh myand ya biin-biin yimutaatal ni yitaatal Mwaan indiy?
6. Tudy bakatangan
Bibl ufwaafwaanyikij biin Krist ni bituh bishiil-shiilangan bya nyeet ya muut. Balaay 1 Biin Korent 12:25, 26, ni isambilaay ha majooj aam:
-
I biny bidy biin Krist ba biin-biin balong hady biin Krist naab bakeng?
-
Teng muwiibitaatal, i mushind kaay udy Batemw ba Yehow baleejangan lukat?
Hady Batemw ba Yehow ba mu cituh kaahand cya bulab bakeng, Batemw bakwaabw ba ha bulab butuutul, biibambambulwiish musang umw. Tutal cileejel eecy, talaay VIDEO. Ni isambilaay ha diijooj eedy.
-
I mushind kaay udy Komiteh utaatal myand ya kwambulwiishangan uleej lukat?
Bu mudyobw ni lukat, biin Krist ba biin-biin bambambulwiish baat bakaakab
BAAT BAKWAABW BALEELEEB NEEY: “Citendeleel cya Batemw ba Yehow, i citendeleel cihyaacihy.”
-
Kacy ku ciisang kaay cyaakady Yehow mutwaadij kubiikan bahambidil bindiy neey, Batemw?
CYA KUKWAAT
Batemw ba Yehow i biin Krist ba biin-biin. Tudy cisak cya ha bulab butuutul cya baat bady biitabij myand yidy yishimacil mu Bibl ni baloolongweesh myand ya biin-biin habitaatal Yehow.
Bwa kuvuluk
-
Bwabiny tudy bangat diijin dya Batemw ba Yehow?
-
I mushind kaay utuloolongelangan myand?
-
Ulaalangok neey, Batemw i biin Krist ba biin-biin eeny?
MYAND YIKWAABW YA KUMANYIK
Tal myand yitaatal Batemw ba Yehow.
Batemw ba Yehow—Diitabij dimweemweekel mu Bilong, Cituh 1: Baalaaluk mu Miidim (1:00:53)
Tal cileejel cya mudy Batemw ba Yehow baleej hatook malongweesh ma makos.
Het maalabul ma majooj mawudyaakal wiiyihanguj bwa Batemw ba Yehow.
“Majooj Madyaakal Baat Biyihanguj Habitaatal Batemw ba Yehow” (Ciin bwaal cya mu jw.org)
Bu mwaakady Stephen mwiikal ni kabow, waakady utweelakan mu myand ya cikis. Tal mwaakadyey mushiituluk bwa myand yitadiley kudy Batemw ba Yehow.
“Shikacil Aam, Waakady Unyanguk Teng Kunyanguk” (Cibumb cya Muteetekel 1/7/2015 mu Tshiluba)
a Cibij-bij ciitut citam, Cibumb cya Muteetekel, cyaakady citwaadij kulongweesh myand ya biin-biin yidy mu Bibl kacy mu muvw a 1879.
You May Also Like
MAJOOJ MADYAAKAL BAAT BIYIHANGUJ
Dilong dya Bibl i Biny?
Het maalabul ku majooj habitaatal program kulong Bibl bya bituh.
