Yehow i mukat bwa tumanyik cisak cindiy cya mu diiwul. Cisak eecy, i cilong ni banjel, babiibikanobw neey: “baan baan-balum ba Mawej.” (Yoobw 38:7, NWT) I biny bidy Bibl uleeb bwa banjel? I biny bidyobw balongel baat? Banjel boos i biin mu cisak cya Mawej eeny?

1. Banjel i bangany?

Yehow uhangil banjel kuuhal kwa kuhangey bulab. Teng bu yiy, i baat ba mu spirit batudy katuy mwa kutal bady mu diiwul. (Ebreh 1:14) Kudy banjel miliyo yivul, ni mwanjel woos udy ni bwindiy buumuut. (Myand yisokolweel Jah 5:11) ‘Baloolong muleeleeb [Yehow], biitaatab teng ku diiy dindiy.’ (Musambw 103:20) Mu biisang bya ha kal, Yehow waakady utum misang yikwaabw banjel bwa kutwaal musah, kukashish ni kukuuloh baat bindiy. Leeloow, banjel baloolombol biin Krist kudy baat bakaakaam kumanyik Mawej.

2. Sataan ni bademoh i bangany?

Banjel bakwaabw balekel kulamat Yehow. Mwanjel a kuuhal waakady mutombok i ‘ubiibikanobw ney, Dyaabol ecy Sataan, uhaahambwiish baat ba ha bulab butuutul.’ (Myand yisokolweel Jah 12:9) Sataan waakady mukat ­kulombol baat, waakady musak Adam ni Eev ni banjel bakwaabw bwa kutombokelobw Mawej. Banjel baakady batombok aab, bibabiibikan neey, bademoh. Yehow waakady mwiibiihat mu diiwul ni wiiyiiy kwiibabutul mafuk miiyiiy kuuhal ook.​—Balaay Myand yisokolweel Jah 12:9, 12.

3. I mushind kaay udy Sataan ni bademoh badingomw baat?

Sataan ni bademoh badiidingomw baat ku dyambulwiish dya myand ya majimbw, cilong cibiih cisaasak baat bwa kwiisamb ni bademoh. Cileejel, baat bakwaabw badyaakal bakabukish, bakatal biin majimbw ni bangang ni balong myand ya miidim. Baat bakwaabw badyaakal bakatal biin lubuk bwa kwiibondah ni myand ya majimbw. Bakwaabw biitaatab neey, bady mwa kwiisamb ni baat bakaady bafw. Ki, Yehow wiitudiidimwiij neey: ‘Kanukaam bend bwa kwiikal nuhetangan ni biin mbuk.’ (Biin Leevy 19:31) I mwiitudimwiij bwa kwiitulam ku bilong bibiih bya Sataan ni bademoh. I balwiish ba Mawej, ni bakaakaam kwiitulongel bibiih.

 TWEEL MU BONDOK

6. Mutudy mwa kucimun Sataan ni bademoh bindiy

Sataan ki uloolombol bademoh. Ki banjel ba lulamat bibaloolombol kudy Mishel Fumw a banjel, ubiibikanobw cikwaabw neey, Yeez. Mishel Fumw a banjel udyok ni bukash eeny? Balaay Myand yisokolweel Jah 12:7-9, ni isambilaay ha majooj aam:

• I ngany udy ni bukash, i Mishel ni banjel bindiy eecy i Sataan ni bademoh bindiy?

• Ulaalang neey, biiyij ba Yeez bady mwa kuciin Sataan ni bademoh bindiy eeny?

Udy mwa kucimun Sataan ni ­bademoh bindiy. Balaay Jak 4:7, ni isambilaay ha diijooj eedy:

• I mushind kaay uwudy mwa kukasakeen Sataan ni bademoh bindiy?

 CYA KUKWAAT

Banjel ba lulamat biitwaatwambulwiish. Sataan ni bademoh bindiy i balwiish ba Yehow, ni bakaakal mudimw ni myand ya miidim bwa kudingomw baat

Bwa kuvuluk

• I mushind kaay udy banjel ba Yehow bambulwiish baat bwa kumumanyik?

• Bibl uleeleebok biny bwa Sataan ni bademoh?

• Bwabiny bikaam ulek kutweelakan mu myand ya miidim?