Bibl uleeleeb neey, baat ‘kabiish balaal mafuk mavul ha mut ha bulab, bady teng mu makab ni mal.’ (Yoobw 14:1) Ki shikacil udy Mawej mukat bwa twiikal nend eeny? Iikaleby neey, kabiish naak, i biny bidy Mawej mwiitulongolweel? Dimw diifuk, udy mwa kwiiy kukumbajok myand yidyey Mwiitulongolweel eeny? Tal mudy Bibl utwaal maalabul makaakashish.

1. Yehow i mukat bwa twiikal ni shikacil a mushind kaay?

Yehow i mukat neey, twiikal ni shikacil mulengel menmen. Haakady Yehow muhang baat ba kuuhal, Adam ni Eev, waakady mwiibateek mu paradiiz cyaab cilengel, mu budimy bwa Eden. “Wiibafiidil kis, wiibambil ney: ‘Lelanganaay, nuvulanganaay, nwiiwujaay bulab teeteet, dyaacilaay bya ha bulab byoos haash.’” (Kutang kwa Bwanjil 1:28) Yehow waakady mukat bwa baat balel baan, bamwangalaj paradiiz ha bulab butuutul ni balam nyam. Waakady mukat bwa baat boos biikal ni makand ma nyeet malengel ni buumy buyiil.

Katwaakady mwa kwiikal ni shikacil utudy nend leeloow, a ki cyaakady Mawej mulongolol, kaciinoh bend cishiituluk. (Yeshaay 46:10, 11) Yehow i mukat neey, baat bamukookooyel biikal ni buumy buyiil.​—Balaay Myand yisokolweel Jah 21:3, 4.

2. I mushind kaay utudy mwa kwiikal ni shikacil a musangal teng kaabaak?

Yehow waakady mwiituhang ni “micim ya myand ya mu spirit,” i bwiin kuleeb neey, kumumanyik, ni kumuhambidil. (Balaay Matewus 5:3-6, NWT) I mukat bwa twiikal balund bindiy, ‘twend mu njil yindiy yoos, tumukat,” ni tumukadil mudimw ni “mucim [iitut] woos.’ (May Mumbulul 10:12; Musambw 25:14) Tut balong nook twiiyiiy kwiikal ni musangal ning tut biikal ni makab. Hatuhaahambidil Yehow twiikaakal biin-biin ni shikacil udy ni kiihacil bwaal shikacil iitut uheehetangan ni mikenj yindiy.

 4. Cyaakady Yehow mulongolol kaciishoh bend cishiituluk

Balaay Musambw 37:11, 29 ni Yeshaay 55:11, ni isambilaay ha diijooj eedy.

• I mushind kaay utudy mwa kumanyik neey, cyaakady Yehow mwiitulongolweel kaciin cishiituluk?

5. Kuhambidil Yehow kwiitwaakaakish shikacil udy ni kiihacil

 CYA KUKWAAT

Yehow i mukat bwa twiikal ni buumy buyiil ni shikacil mulengel ha bulab. Hatumuhaahambidil ni mucim iitut woos, shikacil iitut wiikaakal biin-biin ni kiihacil​—ning kaabaak.

Bwa kuvuluk

• I biny byaakady Yehow mulongolweel Adam ni Eev?

• I mushind kaay utudy bamanyik neey, myand yaakady Yehow mulongolweel baat kayiish yishiituluk?

• I mushind kaay uwudy mwa kwiikal biin-biin ni shikacil udy ni kiihacil?