Baat boos i bakat kwiikal ni balund biin myand yijaalal. Yehow byend i mukat kwiikal ni balund ba nook. Ki kabiishoh bend biheehel bwa kwiikal biin myand yijaalal mu bulab bubiih oobw. I musangal kaay utwiikal mwa kuhet tut biikal biin Bujaalal mu myand yoos?

1. I bwa kabingil kaay katudy mwa kwiikadil biin myand yijaalal mushikacil iitut a mafuk moos?

Tut biikal biin myand yijaalal, tuleeleej mutudy bakat Yehow ni tumuneemek. Tumanyik neey, Yehow i mumanyik myand yoos yitulaalang ni yituloolong. (Ebreh 4:13) Hatusuusungul bwa kwiikal biin bujaalal, wiitutaatal ni usaasangal. Bibl uleeleeb neey: “Mawej [Yehow] uleelek baat baloolong myand yibiih ni ya cikis, i mukat teng baloolong myand yijaalal.”​—Tusumw 3:32.

2. I mushind kaay utudy mwa kwiikal biin myand yijaalal mu shikacil iitut a mafuk moos?

Yehow i mukat neey: “muut woos ambil mwaanaabw myand ya biin-biin.” (Zakarih 8:16, 17) Bwaal oobw bumvumvwiij biny? Hatwiisaasamb ni biin mu cisak ciitut, biin mudimw neet, biin Krist neet eecy bafumw ba mbul-matady, katwiish mwa kwiibadingomw. Muut mwiin myand yijaalal kiish mwa kwiib eecy kunyengangan biit. (Balaay Tusumw 24:28 ni Efez 4:28.) Muut mujaalal ufuufut bitady byoos bya mbul-matady. (Biin Rom 13:5-7) Cya kukwaat: “tukaakaam mwa kushikat bilengel mu myand yoos.”​—Ebreh 13:18.

3. I musangal kaay utwiikal mwa kuhet tut biikal biin myand yijaalal?

Hady baat bamanyik neey, tudy biin myand yijaalal, bituteeteekel micim. Twiiyiiy kwambulwiish bwa cisumbw ciikal ni diitalal ni bwa muut woos iiyumvw bilengel teng mudyaakal biin mu cisak bakatangan. Twiiyiiy kwiikal ni mucim a mund mulengel. Cikwaabw, bujaalal bwiitut budy mwa kwiiy kufikish baat ku “kuneemek bulongweesh bwa Mawej mwiitukuuloh iitut,” ni budy mwa kusak baat bwa kutweelobw mu cisumbw ni kuhambidil Mawej iitut.​—Tiit 2:10.

 TWEEL MU BONDOK

5. Twiikal biin bujaalal diib dyoos

 6. Musangal waalaalukil ku kwiikal biin myand yijaalal

Tudy mwa kulang neey, kwiikal mwiin bujaalal, kudy mwa kwiitukaamin bilumbw. Ki kuunyim kwa byoos, kwiikal mwiin bujaalal kwiiyiiy kumweek kulengel menmen. Balaay Musambw 34:12-16, ni isambilaay ha diijooj eedy:

• Kwiikal ni bujaalal kudy mwa kulengej shikacil iibuh mushind kaay?

1. Mulum ni mukaj bab biikal ni bujaalal, bakaakashish bulund bwaababw mu maluw

2. Mwiin mudimw yiy mwiikal ni myand yijaalal, usaasangeej fumwend a mudimw

3. Mwaan a ngand yiy mwiikal ni myand yijaalal biiyiiy kumuneemek kudy bafumw ba mbul-matady

 CYA KUKWAAT

Yehow i mukat bwa balund bindiy biikal ni bujaalal mu myand yoos yidyobw baleeb ni yidyobw balong.

Bwa kuvuluk

• I mu myand kaay yitudy mwa kuleej mutudy biin bujaalal?

• Bwabiny kabiishoh bend bilengel bwa kulang neey, tudy mwa kusokok myand ya biin-biin?

• Bwabiny bikaam kwiikal mwiin bujaalal diib dyoos?