DIILONGWEESH 37
I Biny Bidy Bibl Uleeb bwa Mudimw ni Fwalang?
Ukaady mumvwok kakunying bwa muwudy mwa kuhet mudimw eecy fwalang eeny? Kabiish teng biheehel bwa kukaam biit bya mu shikacil ni kuhambidil Yehow mu mushind udyey mukat bwaal. Ki mibel yidy mu Bibl, yidy mwa kwiitwambulwiish.
1. I biny bidy Bibl uleeb bwa mudimw?
Mawej i mukat bwa twiikal ni musangal bwa mudimw utukaakal. Bibl uleeleeb neey: “baat bady . . . ni musangal bwa bihet biheehetobw ku mudimw.” (Muleej 2:24) Yehow i mukal a mudimw mutam. Hatukaakal mudimw bu yiy, tumusaasangeej, tut byeet twiikaakal ni musangal.
Mudimw udy ni buseeb buvul. Ki mudimw kiish mwa kwiikal ni buseeb buvul kuhitok kuhambidil kutuhaahambidil Yehow. (Jah 6:27) Mawej i mwiitulay neey, tut bateek kuhambidil kwindiy ha cyaab cya kuuhal mu shikacil iitut, wiiyiiy kwiitukumbajil bitukaakaam.
2. Kwiikal ni kacy-kacy habitaatal fwalang, kumvumvwiij biny?
Bibl uleeleeb neey: ‘fwalang yeeheehulangan ku myand,’ wiitudiidimwiish cikwaabw neey, fwalang kayiin yitwaal musangal a biin-biin. (Muleej 7:12) Wiitubeebel bwa tulek kukat fwalang, ki ‘tusangal ni bitudy naaby.’ (Balaay Ebreh 13:5.) Tut tusangal ni bitudy naaby, twiiyiiy kweehuk kakunying kady baat bakaakaam kuvudij biit bahet. Ni twiiyiiy kweehuk mabanz. (Tusumw 22:7) Ni katwiin mwa kuhon mu butey bwa kuzab mazab ma fwalang. Katwiin mwa kulong myand yidy mwa kulong bwa tushaal baahet lwang-lwang.
3. I mushind kaay mulengel utudy mwa kukal mudimw ni fwalang?
Yehow i Mawej waakaakishangan biit, tumwiimwiidikij ‘hatwaakaakishangan biit ni hatwaabaabanyangan ni bakwaabw.’ (1 Timoteh 6:18) Tudy mwa kukal mudimw bilengel ni fwalang yiitut hatuyitwaatwaal mu cisumbw bu kuh kwa bukish ni bwa kwaakish biin-kweet bakaakaam dyambulwiish. Cidy ni buseeb ku mees kwa Yehow, kiin buuny bututwaatwaal, ki, i citusaasak bwa kutwaal. Hatutwaatwaal ni mucim iitut woos, twiiyiiy kwiikal ni musangal ni Yehow wiiyiiy kusangal byend.—Balaay Myand Yilongel Bapostol 20:35.
TWEEL MU BONDOK
Tal musangal utuheehet hatuteeteek mudimw ha cyaab cindiy ni tusangal ni bitudy naaby.
4. Neemek Yehow hawukaakal mudimw iibuh
Bulund bwiitut ni Yehow, bwiitusaasak bwa kutal mudimw mu mushind mulengel. Talaay VIDEO, ni isambilaay ha majooj aam.
-
Bilondeshel video oow, i biny bikukeekemesh bwa mushind udy Jason utal mudimw indiy ni mushind udyey umukal?
-
I biny biloolongey bwa kuteek mudimw ha cyaab cindiy?
Balaay Kolos 3:23, 24, ni isambilaay ha diijooj eedy:
-
Bwabiny mushind ututaatal mudimw udy ni buseeb?
Mudimw udy ni buseeb. Ki katwiin mwa kwangat mudimw ni buseeb bihitok mushind utuhaahambidil Yehow
5. Kusangal ni biit bitudy naaby kwiitwambambulwiish
Baat bavul, bakaakaam kwiikal ni fwalang yivul. Ki Bibl, wiitusaasak bwa kutal fwalang mu mushind mukwaabw. Balaay 1 Timoteh 6:6-8, ni isambilaay ha diijooj eedy:
-
Bibl wiitubeebel bwa kulong biny?
Ning tut ni fwalang yikeeh, tudy mwa kwiikal ni musangal. Talaay VIDEO, ni isambilaay ha diijooj eedy.
-
Ning mudy bisak eeby kabiy ni fwalang, i biny biibyaakaakish musangal?
Ki tudy mwa kuleeb bicy bwa muut udy ni fwalang yivul, yiy ukaam kwiiyivudij? Yeez waakady muleej buhund bwaalaalukil ku kukaam fwalang. Balaay Luuk 12:15-21, ni isambilaay ha diijooj eedy:
-
I diilongweesh kaay diwudy muhet ku cileejel cidy Yeez mutwaal eecy?—Talaay verseh 15.
Balaay ni fwanyikijaay Tusumw 10:22 ni 1 Timoteh 6:10. Ni isambilaay ha majooj aam:
-
Bwiibuh, cidy ni buseeb, i kwiikal mulund a Yehow eecy i kwiikal ni fwalang yivul? Bwabiny?
-
I myand kaay yidy muut mwa kuhet, hiikaley ukaam teng fwalang yivul?
6. Yehow wiiyiiy kwiitukumbajil bitukaakaam
Myand ya mudimw ni ya fwalang, yidy mwa kuleej biin-biin ning tudy beeyeleel Yehow. Talaay VIDEO bwa kutal mutudy mwa kuhit bilengel ni diiteet eedy, ni isambilaay ha majooj aam.
-
Mu video oomw, i makab kaay mady biin kweet bahet?
-
I makab kaay mady mwiin-kweet mwaan-mulum oow muhet? I biny bilongeley bwa kuhit bilengel ni makab aam?
Balaay Matewus 6:25-34, ni isambilaay ha diijooj eedy:
-
I biny bidy Yehow ulay baat bateeteek lukat lwindiy ha cyaab cya kuuhal?
BAAT BAKWAABW BALEELEEB NEEY: “Bikaam tukal mudimw bikasakan bwa kudiish bisak biitut. Katwiish mwa kuy mu bisangil bya cisumbw luming loos.”
-
I verseh kaay ukujaajadikil neey, kuteek myand ya Yehow ha cyaab cya kuuhal, i diihangadik dya buseeb?
CYA KUKWAAT
Mudimw ni fwalang bidy ni buseeb, ki, kabiish mwa kwiitukaakadish bwa kukadil Yehow mudimw.
Bwa kuvuluk
-
I biny bidy mwa kwiitwambulwiish bwa kwiikal ni kacy-kacy bwa mudimw?
-
I mushind kaay udy kusangal ni bitudy naaby mwa kwiitwambulwiish?
-
I mushind kaay uwudy mwa kweeyeleel malay ma Yehow ma neey, wiiyiiy kwaakish baat bikaakaamobw?
MYAND YIKWAABW YA KUMANYIK
Bibl uleeleebok neey, fwalang i yibiih eeny?
“Fwalang, Yileeleelok Myand Yibiih ya Mitah Yoosolol Eeny?” (Ciin bwaal cya mu jw.org mu Tshiluba)
Kuh kwa bukish kusaasangeej Mawej.
“Bibl Uleeleebok Biny bwa Kwaakishangan Biit?” (Ciin bwaal cya mu jw.org mu Tshiluba)
Mazab ma fwalang, i mabiih eeny?
“Cileeleeb Bibl bwa Mazab ma—Fwalang” (Kazamukaay! 3/2015 mu Tshiluba)
Tal cyaakady cisak mwiivy kaahand waakady wiitwaal ku mazab ma fwalang bwa kushiitululey shikacil indiy.
“Naakady Mukat Bikasakan Mazab ma Kut Lubil ni Tubal” (Cibumb cya Muteetekel 1/11/2011 mu Tshiluba)
You May Also Like
MAJOOJ MADYAAKAL BAAT BIYIHANGUJ
Dilong dya Bibl i Biny?
Het maalabul ku majooj habitaatal program kulong Bibl bya bituh.
