DIILONGWEESH 38
Angat Buumy ni Buseeb
Bu mutudy ni buumy, kudy myand yivul yilengel yitudy mwa kulong ni kusangeel. Ning mutudy ni makab, tudy mwa kusangeel myand yikwaabw ya mu shikacil. I mushind kaay utudy mwa kuleej neey, Twangangat buumy ni buseeb? I kabingil kaay katam kady mwa kwiitusak bwa kulong nook?
1. Bwabiny bikaam twiikal twangat buumy ni buseeb?
Bikaam twangat buumy ni buseeb, bwaal i cya bukish cya kudy Yehow, Taat iitut udy mwiitukat. Yiy ki “humb ya buumy”—bwaal uhangil biit byoos bidy ni buumy. (Musambw 36:9) “Yiy kaayend waakaakish baat boos buumy, wiibah muhuuy bwa batwiim; wiibah biit bituh byoos.” (Myand Yilongel Bapostol 17:25, 28) Yehow wiitwaakaakish biit byoos bitukaakaam bwa twiikal ni buumy. Cikwaabw kudy myand yidyey wiitulongel bwa tusangeel buumy bwiitut.—Balaay Myand Yilongel Bapostol 14:17.
2. I mushind kaay utudy mwa kuleej Yehow neey, twangangat buumy ni buseeb?
Buumy bwiitut budy ni buseeb kudy Yehow teng ciisang cidy maam wiitwiimit. Ku dyambulwiish dya spirit, Davih muhambidil a Mawej, uleebel bwa Mawej neey: “Mim ciy mwanj kukwaatakan, waakady muutal ni mees miibuh!” (Musambw 139:16) Buumy bwiitut budy ni buseeb buvul kudy Yehow. (Balaay Matewus 10:29-31.) Mawej umvumvw bibiih menmen hady muut wiizuh eecy uzuh muut mukwaabw. a (Cimwang 20:13) Cikwaabw, umvumvw bibiih menmen hady muut uteek buumy bwindiy mu buuhund eecy hatuleeleek kulongolol myand bwa kulam buumy bwa baat bakwaabw. Hatulaalam buumy bwiitut ni tuneemek bwa baat bakwaabw, tuleeleej mutwangangat buumy cya bukish cidy Yehow mwiitwaakish ni buseeb.
TWEEL MU BONDOK
Tal mishind yitudy mwa kuleej neey, twangangat buumy ni buseeb.
3. Lam makand ma nyeet yiibuh
Hady mwiin Krist uhet baatiisumw, waakaakish Yehow buumy bwindiy. Bidy bu neey, ubamwaakish nyeet yindiy bu mulambw, bikaam iyilam. Balaay Biin Rom 12:1, 2, ni isambilaay ha majooj aam:
-
I biny bidy mwa kukusak bwa kulam nyeet yiibuh?
-
I mushind kaay uwudy mwa kulong nook?
4. Lam buumy bwiibuh ni bwa bakwaabw
Bibl wiitukaakashish bwa kulek bilong bidy mwa kuteek buumy bwa baat bakwaabw mu buuhund. Talaay VIDEO bwa kutal ciwudy mwa kulong bwa kulam buumy bwa muut woos.
Balaay Tusumw 22:3, ni nwiisambil ha mushind unudy mwa kwiilam ni kulam baat bakwaabw, hanudy . . .
-
ku nzubw.
-
ha cyaab cya mudimw.
-
hawuzaazab.
-
hawendendesh mashiny, mootoh eecy diikal.
5. Neemek buumy bwa mwaan ucidy mu diifw
Mu may maakady Davih muleeb, uleebelomw mudy Yehow ulam buumy bwa mwaan ni mudyey wend ni kukasakan ku bikeeh ku bikeeh mund mwa maam indiy. Balaay Musambw 139:13-17, ni isambilaay ha diijooj eedy:
-
Ku mees kwa Yehow, buumy bwa mwaan, butwaatwaadij ciisang cidy maam wiimit eecy cidyobw bamulel?
Mikenj yaakady Yehow mwaakish biin Izaleel ba ha kal, yaakady yilam baamaam ni baan baakady mund mwaababw. Balaay Cimwang 21:22, 23, ni isambilaay ha majooj aam:
-
I mushind kaay udy Yehow utal muut uzuuzuh mwaan udy mu diifw dya maam indiy kabiy ku makand?
-
Yehow umvumvw bicy hady muut uzuh mwaan udy mu diifw dya maam indiy ku makand? b
-
Umvumvw bicy bwa mudy Mawej utal bwaal oobw?
Ning mwaan-mukaj wangangat buumy ni buseeb, udy mwa kulang neey, kuzokol diifw, ki kuman kwa bwaal. Balaay Yeshaay 41:10, ni isambilaay ha majooj aam:
-
Hiikalobw basak mwaan-mukaj bwa kuzokoley diifw, i kweeh kudyey mwa kukaamin dyambulwiish? Bwabiny?
BAAT BAKWAABW BALEELEEB NEEY: “Mwaan-mukaj udy ni bukenj bwa kuzokol diifw—udy mwa kulong cidyey mukat kulong ni nyeet yindiy.”
-
I biny bikujaajadikil neey, Yehow wangangat buumy bwa maam ni bwa mwaan ni buseeb?
CYA KUKWAAT
Bibl wiituloolongweesh neey, buumy i cya bukish cya kudy Yehow, bikaam twiibukat, twiibuneemek ni twiibulam. Tulamaay buumy bwiitut ni bwa bakwaabw.
Bwa kuvuluk
-
Bwabiny Yehow wangangat buumy bwa baat ni buseeb?
-
Yehow umvumvw bicy hady muut uzuh muut nend ku makand?
-
Bwabiny udy mwa kuleej Yehow dyanyish bwa mudyey mwiitwaakish buumy?
MYAND YIKWAABW YA KUMANYIK
I mushind kaay utudy mwa kufwiijok Yehow bwa buumy budyey mwiitwaakish?
Tal dyaalabul dya diijooj eedy: Mawej udy mwa kufwiil mwaan-mukaj udy muzokol diifw lus eeny?
“Bibl Uleeleeb Biny bwa Kuzokol kwa Diifw?” (Ciin bwaal cya mu jw.org mu Franseh)
Kutal mudy Yehow utal buumy, kwiitwambambulwiish bwa kusungul mazab malengel.
“‘Mazab Mabiih’—Tudy mwa Kwiimalengulul Eeny?” (Kazamukaay! 8/10/2000 mu Franseh)
Bibl udy mwa kwambulwiish muut udy ni meej ma kwiizuh eeny?
a Yehow utaatat bikasakan bwa baat bady ni micim yibusik. (Musambw 34:18) Umvumvw biheehel mudyeby biit muut udy ni meej ma kwiizuh ni ukaakaam kumwambulwiish. Bwa kutal mudy dyambulwiish dindiy eedy dilengel, tal ciin bwaal cya neey: “Nakaakaam kufw—Bibl udy mwa Kuyambulwiish bwa Mim Kuful Meej Mabiih ma Kwiizuh Eeny?” cidy mu cituh cya neey, myand yikwaabw ya kumanyik mu diilongweesh eedy.
b Muut udy muzokol diifw kiish mwa kwiital mufw naay—Yehow udy mwa kumufwiil lus. Bwa kumanyik myand yivul, tal ciin bwaal cya neey: “Bibl Uleeleeb Biny bwa Kuzokol kwa Diifw?” cidy mu cituh cya myand yikwaabw ya kumanyik mu diilongweesh eedy.
You May Also Like
MAJOOJ MADYAAKAL BAAT BIYIHANGUJ
Dilong dya Bibl i Biny?
Het maalabul ku majooj habitaatal program kulong Bibl bya bituh.
