DIILONGWEESH 39
Mudy Mawej Utal Mash
Mash mady ni buseeb buvul. Muut yiy kay ni mash ufwaafw. Bu mudy Mawej mwiikal Hang iitut, udy ni bukenj bwa kwiitwambil citudy mwa kulong ni mash. I biny bileeleebey bwa mash? Tudy mwa kwiimady eecy bady mwa kwiitumbem mu nyeet eeny? I mushind kaay utudy mwa kwangat mahangadik malengel mu bwaal oobw?
1. I mushind kaay udy Yehow utal mash?
Yehow wambiil bahambidil bindiy ba mu ciisang cifundilobw Bibl neey: “Buumy bwa ciit cyoos budy mu mash.” (Biin Leevy 17:14) Bwa Yehow, buumy budy mu mash. Buumy i bujilang, bwaal i cya bukish cya kudy Mawej, mash byaam i majilang.
2. I mushind kaay mubiih wa kukal mudimw ni mash udy Yehow ulek?
Yehow wambiil bahambidil bindiy ba kuuhal kwa biin Krist bwa kulek kudy mash. (Balaay Kutang kwa bwanjil 9:4 ni Biin Leevy 17:10.) Waakishil cikwaabw biin Krist diiy eedy haakady kasumbw kaludik kaleeb neey: “kanudy bend mash.”—Balaay Myand Yilongel Bapostol 15:28, 29.
Kulek kudy mash kumvumvwiij bingany? Iikal dokteer mukulekesh bwa kun maal, kwiin mwa kwiiman. Udy mwa kwiimadiil mu byaakudy eecy bady mwa kukumbem mu mijil eeny? Kabiish mwa kulongek naak. Bya mushind aakaabumw, hady Mawej wiitulekesh bwa kudy mash, byumvumvwiij neey, katwiin mwa kwiiman ning kwiimadiil mu nyam yikiish yibindul. Ni katwiin mwa kudy byaakudy bidyobw bumb mash.
Ki tudy mwa kuleeb bicy bwa kondah muut ni mash? Mishind yikwaabw ya kondahangan ni mash, yinyanyang mikenj ya Mawej. Bu mudy kumbangan mash mu nyeet eecy kukal mudimw ni bituh bitam biloolong mash—bu mudy: globil yisunz, globil yitook, plaket ni plazmah. Mishind yikwaabw ya kondahangan naay kayiin yileej hatook mudyey yinyang mikenj ya Mawej. Cileejel, mishind yikwaabw ya kondahangan naay yidyobw bakal mudimw ni tutuh tukeeh twa mu bituh bitam biloolong mash. Ni mishind yikwaabw yidyobw bakal mudimw ni mash ma muut kaayend. Mu bwaal oobw, muut kaayend udy mwa kwiiyangacil diihangadik. a—Kalatih 6:5.
TWEEL MU BONDOK
Tal muwudy mwa kwangat mahangadik bwa mushind udyobw bakal mudimw ni mash mu myand ya londah.
3. Angat mahangadik malengel mataatal londah masaasangeej Yehow
I mushind kaay utudy mwa kwangat mahangadik malengel mumvumvwangan ni mushind udy Mawej utal mash? Talaay VIDEO, ni isambilaay ha mushind udy kulond mibel eey kwiikal ni buseeb.
-
Lomb meej kudy Mawej.—Jak 1:5.
-
Kaam may matam ma mu Bibl maheehetangan ni bwaal bwiibuh.—Tusumw 13:16.
-
Jooj bamingang bwa bakwambil mishind yidyobw bakal naay mudimw bwa kondahangan cyaab ciwudy mushikacil.
-
Ni ukaam mishind ya londah yiwudy mutal neey, i yibiih yiwudy kuy mwa kwiitab.
-
Ni iikal mutwiishiibw neey, diihangadik diwangangat dikwaakwambulwiish bwiibuh kulam mucim iibuh a mund mutook.—Myand Yilongel Bapostol 24:16. b
-
Vuluk neey—ning mwiin maluw neeb, mukul eecy mulongweesh iibuh wa Bibl—kiish mwa kukwambil cya kulong ha bwaal butaatal mucim iibuh a mund.—Biin Rom 14:12.
-
Iikal ufund mahangadik mawangangat.
4. Batemw ba Yehow bakaakaam londah lulengel
Tudy mwa kukooyel diiy dya Mawej ditaatal mash ni kuhet londah lulengel. Talaay VIDEO.
Balaay Tiit 3:2, ni isambilaay há diijooj eedy:
-
Bwabiny bikaam twiikal tumvwangan ni twiisamb bilengel ni bamingang?
|
Bitudy mwa kulek |
Bidy mwiin Krist kaayend mwa kwiiyangacil diihangadik |
|---|---|
|
A. Plazmah |
Tutuh tukeeh twa mu plazmah |
|
B. Globil yitook |
Tutuh tukeeh twa mu globil yitook |
|
C. Plaket |
Tutuh tukeeh twa mu plaket |
|
D. Globil yisunz |
Tutuh tukeeh twa mu globil yisunz |
5. Hadyobw bakaam kwiitondah ni tutuh tukeeh twa mu mash
Mash i malong ni bituh bitam binaay—eeby: globil yisunz, globil yitook, plaket ni plazmah. Bituh bitam binaay eeby, i bilong ni tuut tukeeh, tubiibikanobw neey, tutuh tukeeh twa mu mash. c Tutuh tukwaabw tukeeh twa mu mash bakaakal naatw mudimw bwa kondah naatw mabenj eecy kwiimanyik mash mahaahatuk.
Iikaleby bwa tutuh tukeeh twa mu mash, mwiin Krist woos udy mwa kwiiyangacil diihangadik bilondeshel mucim indiy a mund mulongweesh kudy Bibl. Biin Krist bakwaabw, bady mwa kulek bwa kwiibondahobw ni tutuh tukeeh twa mu mash. Ki bakwaabw bady mwa kwiitab bwa kwiibondahobw ni tutuh tukeeh twa mu mash.
Kuuhal kwiibuh kwangat diihangadik, hanj iiyihanguj neey,
-
I mushind kaay unady mwa kumvwiij dokteer bwabingany niitaatab eecy naleelek bwa kuuyondahobw ni tutuh tukeeh twa mu mash?
MUUT MUKWAABW UDY MWA KUKWIIHANGUJ NEEY: “Kudyok bubiih kaay bab mwa kuuyumb mash?”
-
Wiiyiiy kumwaalabul bicy?
CYA KUKWAAT
Yehow i mukat bwa tutal mash neey, i ciit cijilang.
Bwa kuvuluk
-
Bwabiny mash i ciit cijilang ku mees kwa Yehow?
-
I mushind kaay utudy bamanyik neey, diiy dya Mawej dya kulek kudy mash ditaatal cikwaabw kumbangan kwa mash?
-
I mushind kaay utudy mwa kwangat diihangadik dilengel hadyobw bakaam kwiitondah ni mash?
MYAND YIKWAABW YA KUMANYIK
I myand kaay yidy mwa kukwambulwiish bwiibuh kwangat diihangadik habitaatal mishind ya londah yidyobw bakal mudimw ni mash miibuh kaayeeb?
“Majooj ma Babaabal” (Cibumb cya Muteetekel 15/10/2000 mu Tshiluba)
I myand kaay yitudy mwa kumanyik kuuhal kwa kwiitab eecy kulek londah ludy ni tutuh tukeeh twa mu mash?
“Majooj ma Babaabal” (Cibumb cya Muteetekel 15/6/2004 mu Tshiluba)
I biny byaakady bisak dokteer kaahand bwa kwiitabey neey, cidy Yehow uleeb bwa mash i cilengel?
“Naakady Mwiitab Cidy Mawej Uleeb bwa Mash” (Kazamukaay! 8/12/2003 mu Tshiluba)
Tal mudy bakul ba mu Komiteh Utaatalangan ni Bamingang bambulwiish biin-kweet baan-balum ni baan-bakaj.
a Tal Diilongweesh 35, dya neey: “I Mushind Kaay Utudy mwa Kwangat Mahangadik Malengel.”
b Tal bwaal 5, “Hadyobw bakaam kwiitondah ni tutuh tukeeh twa mu mash,”; Diimanyish dya ku Bulekel 3, dya neey: “Mishind ya londah yikaakaam mash.”
c Baadokteer bakwaabw bataatal bituh bitam binaay biloolong mash bu tutuh tukeeh twa mu mash. Kuuhal-a-hal, bikaam wambil dokteer diihangadik diibuh dya kulekobw kukumb mash eecy bituh bitam biloolong mash bu mudy: globil yisunz, globil yitook, plaket ni plazmah.
You May Also Like
MAJOOJ MADYAAKAL BAAT BIYIHANGUJ
Dilong dya Bibl i Biny?
Het maalabul ku majooj habitaatal program kulong Bibl bya bituh.
