Lang neey, maam kaahand udy mukat mwaan indiy wendend ni kumulongolol bwa kuyey mu kalaas. Umoowoowosh mwanz ni umuviik bizang bilengel bya makend. Kulong nook, kwambambulwiish mwaan bwa kwiikaley ni makand ma nyeet ni kuleeleej baat bakwaabw mudy balel bindiy biikal ni makend. Bya mushind aakaabumw, Taat iitut a lukat, Yehow i mukat bwa twiikal baat bakezuk​—ku nyeet ni mu biikadil. Tut biikal baat bakezuk biitwambambulwiish ni byaakaakish Yehow lutumb.

1. I mushind kaay utudy mwa kwiikal ni makend ma ku nyeet?

Yehow wiitwambambil neey: “Iikalaay baat bajilang.” (1 Pyeel 1:16) Kwiikal muut mujilang kumvumvwiij neey, kwiikal ni biikadil bilengel ni makend. Kwiikal ni makend, i koow mwanz, kuvwaal bizang bitook, kukomb anj, kukolop mu nzubw, kwiiteel mashiny, mootoh eecy diikal ni kulongolol mu luhang. Muut woos udy ni cidyey mwa kulong bwa Nzubw iitut a Bukaleng iikal ni makend. Tut biikal ni makend, twiiyiiy kutumbish Yehow.​—2 Biin Korent 6:3, 4.

2. I bilel kaay bitudy mwa kulek bwa kwiikal baat bakezuk?

Bibl uleeleeb hatook neey: “twiitookeshaay ku myand yoos yoonyoony nyeet ni micim yiitut.” (2 Biin Korent 7:1) Biin eeby, byumvumvwiij neey, tudy mwa kulek myand yoos yoonyoony nyeet yiitut, meej miitut ni biikadil biitut. Bwa meej miitut kusangeejem Yehow, bikaam tuful meej moos mabiih matudy naam. (Musambw 104:34) Cikwaabw, bikaam tulek kuleeb may mabiih.​—Balaay Kolos 3:8.

I biny bidy mwa koony nyeet yiitut ni biikadil biitut? Bimw biit bya luleng bidy mwa koony nyeet yiitut, bu mudy: fwaak, kahond ni dyamb. Muut udy kay un biit eeby, wiikaakal ni makand ma nyeet malengel ni uleeleej mudyey uneemek buumy cya bukish cya kudy Mawej. Kwiikal muut mukezuk mu biikadil kuloolomb cikwaabw kwiikashishomw bwa kulek cilel cya kwiimanyin kwaalakan kwa kwangatangan kwa mwaan-mulum ni mwaan-mukaj ni kulek kutal myand ya baat bady kabay ni bizang. (Musambw 119:37; Efez 5:5) Kabiish biheehel bwa kulek bilong byoonyoonyangan eeby, ki bikaam tukaam dyambulwiish kudy Yehow.​—Balaay Yeshaay 41:13.

 TWEEL MU BONDOK

3. Makend Maakaakish Yehow lutumb

Mikenj yaakady Yehow mwaakish biin Izaleel wa kal, yileeleej mudyey ulang bwa makend. Balaay Cimwang 19:10 ni 30:17-19, ni isambilaay ha majooj aam:

• Verseh eey, yituloolongweeshok biny bwa mushind udy Yehow utal makend?

• I biikadil kaay bidy ni buseeb bidy mwa kwiitwambulwiish bwa kwiikal ni makend?

Kwiikal mwiin makend, kuloolomb diib ni kwiikashishomw. Ki tudy mwa kulong nook, cyaab cyoos citudy ning tut biikal baahet eecy balam-lam. Talaay VIDEO, ni isambilaay ha diijooj eedy.

• Tut biikal ni makend, baat batudiidiil musah bady mwa kuleeb bicy?

4. Mutudy mwa kulek bilel bibiih

Muut unwaan fwaak eecy biit bya luleng, i mumanyik neey, i bikasakan bwindiy kwiibilek. I biny bidy mwa kumwambulwiish? Tal myand yidy cilong eecy mwa kukulongel. Balaay Matewus 22:37-39, ni isambilaay ha mushind udy kun kwa fwaak eecy kwa biit bya luleng mwa kulongel . . .

• bulund bwiibuh ni Yehow.

• biin mu cisak ciibuh ni baat banudy bashikat naab.

Longolol myand bwiibuh kucimun ciikadil cibiih eecy. a Talaay VIDEO.

Balaay Filipw 4:13, ni isambilaay ha diijooj eedy:

• I mushind kaay udy diisambil, kulong kwa Bibl ni kutweel mu bisangil mwa kwambulwiish muut bwa kulek cilel cibiih eecy?

 5. Mutudy mwa kulek meej mabiih ni bilong bibiih

Balaay Kolos 3:5, ni isambilaay ha majooj aam:

• Bwabiny tuleeleeb neey, myand ya baat kabay bizang, kutuminangan mesaj ma baat kabay bizang, ni kwiikal ni cilel cya kwiimanyin kwaalakan kwa kwangatangan kwa mwaan-mulum ni mwaan-mukaj i biit byoonyek ku mees kwa Yehow?

• Ulaalangok neey, i bya meej bwa mudy Yehow wiitulomb bwa kwiikal baat bakezuk eeny? Bwabiny?

Kudy mushind a kuful meej mabiih mu mut mwiitut. Talaay VIDEO.

Bwa kwiituleej mutudy mwa kwiikal baat bakezuk mu biikadil, Yeez ukadil mudimw ni cileejel eecy. Balaay Matewus 5:29, 30, ni isambilaay ha diijooj eedy:

• Yeez kaakadyoh bend mukat kuleeb neey, tudy mwa kwiilongel bwaal bubiih, ki waakady ukaam kuleeb neey, bikaam twiikashishomw bwa kulong bwaal kaahand. I bwaal kaay budy muut mwa kulong bwindiy kwiikashishomwey bwa kulek meej mabiih? b

Yehow i mutal muwiikaakashishomw, bwa kulek meej mabiih moonyoonyangan. Balaay Musambw 103:13, 14, ni isambilaay ha diijooj eedy:

• Uw wiikashishomw bwa kulek cilel cibiih, i mushind kaay udy verseh eey mwa kukwambulwiish bwiibuh kutungunuk ni kulw diivit eedy?

 CYA KUKWAAT

Hatudy ni makend, biikal ni meej malengel, ni biikadil bikezuk, twaakaakish Yehow lutumb.

Bwa kuvuluk

• Bwabiny makend ni bukezuk bidy ni buseeb buvul?

• I mushind kaay utudy mwa kwiikal biin makend?

• I mushind kaay utudy mwa kwiikal ni meej ni biikadil bikezuk?