DIILONGWEESH 41
Bibl Uleeleebok Biny bwa Kwangatangan kwa Mwaan-mulum ni Mwaan-mukaj?
Baat bavul badyaakal ni bumvw bwa kwiisamb myand yitaatal kwangatangan kwa mwaan-mulum ni mwaan-mukaj. Hady Bibl uleeb bwaal bwa kwangatangan kwa mwaan-mulum ni mwaan-mukaj, wiibuleeleeb hatook ni kaneemw. Bibl wiitwambambil myand eey bwa musangal itut, bwa twiikal ni meej malengel. Yehow i Hang itut, i mumanyik citudy mwa kulong bwa twiikal ni musangal. Wiituleeleej mudy bilong biitut mwa kumusangeej ni citudy mwa kulong bwa kwiikal ni buumy buyiil.
1. I mushind kaay udy Yehow utal kwangatangan kwa mwaan-mulum ni mwaan-mukaj?
Kwangatangan kwa mwaan-mulum ni mwaan-mukaj i cya bukish cya kudy Yehow. Yehow i mukat bwa mwaan-mulum ni mwaan-mukaj bady mu maluw, basangeejangan. Cya bukish eecy, cyambambulwiish biin maluw bwa kulelobw baan ni kulenjangan neey, i bakatangan. Ki bwabiny Diiy dya Mawej dileeleeb neey: “Iikal ni musangal wa kushikat teng ni mukaj uwaakady munoonoh ku bwaan kwiibuh.” (Tusumw 5:18, 19) Yehow i mukat bwa mulum ni mukaj balamatangan ni balek cyendend.—Balaay Ebreh 13:4.
2. Kwend masandy kumvumvwiij biny?
Bibl uleeleeb neey: ‘biin masandy . . . Kabiishoh bend biiy kutweel mu Bukaleng bwa Mawej.’ (1 Biin Korent 6:9, 10) Baat baakady bafund Bibl mu ciin Krek, bakadil mudimw ni mwaak por·neiʹa umvumvwiij kwend masandy. Mwaak oow, uleeleej 1) kwangatangan a kwa baat bakiish mu maluw, 2) kwangatangan kwa baat ba nyeet yaakaabumw, ni 3) kwangatangan ni nyam. Tusaasangeej Yehow ni tuhet musangal ‘hatwiilaalam ku myand yibiih [masandy].’—1 Biin Tesalonik 4:3.
TWEEL MU BONDOK
Tal muwudy mwa kweehel masandy ni muwudy mwa kuhet musangal hawushaashaal mujilang mu biikadil.
3. Ciinaay masandy
Yozeefw, sangiilum waakady mulamat Mawej, waakady wiikashishomw bwa kwiikal ni biikadil bijilang. Balaay Kutang kwa Bwanjil 39:1-12, ni isambilaay ha majooj aam:
-
I bwa kabingil kaay, kaakady Yozeefw muciin masandy?—Talaay verseh 9.
-
Ulaalangok neey, Yozeefw waakady mwangat diihangadik dilengel eeny? Bwabiny?
I mushind kaay udy baasand mwa kulond cileejel cya Yozeefw ni kuciin masandy? Talaay VIDEO.
Yehow i mukat bwa baat bamuhaahambidil biikal bajilang mu biikadil. Balaay 1 Biin Korent 6:18, ni isambilaay ha majooj aam:
-
I myand kaay yidy mwa kufikish muut ku kwend kwa masandy?
-
I mushind kaay uwudy mwa kuciin myand yoos yidy mwa kukufikish ku kwend masandy?
4. Udy mwa kucimun diiteet
Bwabiny bidy mwa kukukasakeen bwiibuh kutaatameen diiteet dya kwend masandy? Talaay VIDEO, ni isambilaay ha diijooj eedy.
-
Hatadil mwiin-kweet wa mu video oomw neey, meej mindiy ni bilong bindiy bileeleej mudyey kay mulamat mukaj indiy, ulongel biny?
Ning mwiin Krist udy mulamat Yehow, udy mwa kwiikashishomw bwa kuful meej mabiih. I biny biwudy mwa kulong bwiibuh kulek meej mabiih? Balaay Filipw 4:8, ni isambilaay ha majooj aam:
-
I myand ya mushind kaay yitudy mwa kwiiwuj mu meej miitut?
-
I mushind kaay udy kubal kwa Bibl ni kwiikal ni bivul bya kulong mu mudimw a Yehow mwa kwiitwambulwiish bwa kutaatameen diiteet?
5. Yehow i mwiitwaakish may mindiy bwa twiikal ni musangal
Yehow i mumanyik citudy mwa kulong bwiitut kwiikal ni musangal. Wiitwambambil citudy mwa kulong bwiitut kwiikal baat bajilang mu biikadil ni musangal utudy mwa kuhet tut mwa kulong naak. Balaay Tusumw 7:7-27 eecy talaay VIDEO, ni isambilaay ha majooj aam.
-
Sangiilumw oow, waakady mwiitweej mu diiteet mushind kaay?—Talaay Tusumw 7:8, 9.
-
Bilondeshel Tusumw 7:23, 26, kwend kwa masandy kuhaahatul bihet bibiih menmen. Kwiikal baat bajilang mu biikadil, kwiitweeheehul ku myand kaay?
-
I mushind kaay udy kwiikal baat bajilang mu biikadil mwa kwiitwambulwiish bwa kuhet buumy bwa mwendelel?
Baat bakwaabw balaalang neey, cidy Bibl uleeb bwa kwangatangan kwa baat ba nyeet yaakaabumw, kaciin cileej lukat. Yehow, i Mawej a lukat, i mukat bwa baat boos biikal ni buumy buyiil. Bwa kuhetobw buumy oobw, bikaam balond may mindiy. Balaay 1 Biin Korent 6:9-11, ni isambilaay ha diijooj eedy:
-
Mawej i mukin teng baat ba nyeet yaakaabumw bangangatangan eeny?
Bwiitut kusangeej Mawej, bikaam tut boos tushiituluk. Bwaal oobw Budyok ni buseeb eeny? Balaay Musambw 19:8, 11, ni isambilaay ha majooj aam:
-
Ulaalangok neey, may ma Yehow mataatal biikadil, i malengel eeny? Bwabiny?
Yehow waakady mwambulwiish baat bavul bwa kwiikalobw ni shikacil uheehetangan ni may mindiy. Udy mwa kukwambulwiish byeeb
BAAT BAKWAABW BALEELEEB NEEY: “Baat babidy bakiish mu maluw, bab bangatangan bu mulum ni mukaj, kakwiishoh bend bwaal, i bakatangan.”
-
Wiiyiiy kuleeb bicy?
CYA KUKWAAT
Kwangatangan kwa mulum ni mukaj, i cya bukish cidy Yehow mwaakish biin maluw bwa kwiikalobw ni musangal.
Bwa kuvuluk
-
Bilondeshel Bibl, kwend masandy kumvumvwiij biny?
-
I biny bidy mwa kwiitwambulwiish bwa kulek kwend masandy?
-
I mabenesh kaay matudy mwa kuhet tut tulond may ma Yehow mataatal biikadil?
MYAND YIKWAABW YA KUMANYIK
Tal bwabiny Mawej i mukat bwa mwaan-mulum ni mwaan-mukaj bady bashikat haakaabumw kabay mu maluw bwa bamonangan.
Tal bwabiny may ma mu Bibl maleeleeb neey, kwangatangan kwa baat ba nyeet yaakaabumw i kubiih, kamay maleej lukin.
“Kwangatangan kwa Baat ba Nyeet Yaakaabumw i Kubiih Eeny?” (Ciin bwaal cya mu jw.org mu Tshiluba)
Tal mudy may ma Mawej mataatal kwangatangan kwa mwaan-mulum ni mwaan-mukaj miitulam.
Tal cyaakady cisak mwaan- mulum waakady wangat baan-balum nend bwa kushiitululey shikacil indiy bwa kusangeejey Mawej (Myand yilong mu shikacil: “Baakady Baaneemek.”)
“Bibl Ufuufutulul Shikacil ya Baat” (Cibumb cya Muteetekel 1/4/2011 mu Tshiluba)
a Kwangacilangan mukan, kwangacilangan kuunyim ni kuteng bituh bya lulel bya muut ukiish mwiin maluw neeb, i kwend kwa masandy.
You May Also Like
MAJOOJ MADYAAKAL BAAT BIYIHANGUJ
Dilong dya Bibl i Biny?
Het maalabul ku majooj habitaatal program kulong Bibl bya bituh.
