DIILONGWEESH 42
Bibl Uleeleebok Biny bwa Bujik ni Maluw?
Mu byaab bikwaabw, baat balaalang neey, bwa kwiikal ni musangal, bikaam kutweel mu maluw. Ki biin maluw boos kabiish teng ni musangal ning bajik kabiish ni musangal. Bibl uleeleeb neey, bujik ni maluw, i bya bukish bya kudy Mawej.
1. I musangal kaay utuheehet hatudy bajik?
Bibl uleeleeb neey: ‘Muut utweetweel mu maluw, uloolong bilengel, ki muut udy kay utweel mu maluw uloolong bilengel bihit.’ (Balaay 1 Biin Korent 7:32, 33, 38.) Bwabiny Bibl uleeleeb neey, mujik uloolong ‘bilengel bihit’? Mwiin Krist mujik udy ni diib divul dya kulong myand yilengel yivul. I muheehel bwa kulong myand yivul mu mudimw a Mawej. Cileejel, Bajik bakwaabw, bady ni mushind a kuvudij mudimw aababw a bukajaady mu mishind yishiilangan. Bu mudy kuy mu bibunj bikwaabw bwa kadiil baat musah mulengel. Ni bady ni diib divul dya kukashishey bulund bwaabab ni Yehow.
2. I musangal kaay utuheehet ha tutweetweel mu maluw?
Teng bu bujik, maluw matwaatwaal byaam musangal. Bibl uleeleeb neey: “baat babidy . . . i bahitok muut udy a kaayend.” (Muleej 4:9) Ki mudyeby bwa biin Krist baloolond may matam ma mu Bibl mu maluw maabab. Baat batweetweel mu maluw, balaalayangan bwa kukatangan ni kuneemekangan. Balaalamangan bihitok ni baat bady bashikat bituh mu maluw kabay bamonangan. Biin maluw aab, biiyiiy kulam baan baababw bilengel.
3. I mushind kaay udy Yehow utal maluw?
Haakady Yehow mulong maluw ma kuuhal, uleebel neey: “Mwaan-mulum ushiishiy taatend ni maamend, ulamat mukaj indiy.” (Kutang kwa Bwanjil 2:24) Yehow i mukat bwa mulum ni mukaj bakatangan ni balamatangan bwa mafuk moos madyobw ni buumy ha bulab. I mwiitabil biin maluw bwa kuzuhobw maluw, teng hiikal umw wa kudyobw mwend masandy. Mu bwaal oobw, Yehow waakaakish mwiin maluw ukiish ni bwaal bukenj bwa kwangatey diihangadik, ning udy mwa kuzuh maluw. a (Matewus 19:9) Yehow kiishoh bend wiitabil biin Krist bwa biikal ni bakaj bavul.—1 Timoteh 3:2.
TWEEL MU BONDOK
Tal muwudy mwa kwiikal ni musangal—ni muwudy mwa kusangeej Yehow—ing uw mwiikal mujik eecy mwiikal mu maluw.
4. Kal mudimw bilengel ni bujik bwiibuh
Bilondeshel Yeez, bujik i cya bukish. (Matewus 19:11, 12) Balaay Matewus 4:23, ni isambilaay ha diijooj eedy:
-
I mushind kaay waakady Yeez mukal mudimw ni bujik bwindiy bwa kulongel Taat indiy mudimw ni bwa kwambulwiish baat bakwaabw?
Teng bu Yeez, mwiin Krist mujik udy mwa kwiikal ni musangal. Talaay VIDEO, ni isambilaay ha diijooj eedy.
-
I midimw kaay yidy biin Krist bajik mwa kulong?
Udy mumanyik eeny?
Bibl kiin muleejoh bend buuny bwa mivw yidy muut mwa kutweel naay mu maluw. Ki wiitubeebel bwiitut “kuhitish ciisang cya busand,” ciisang cidy kukaam bwa kumanyikangan kwa mwaan-mulum ni mwaan-mukaj kukasakan ni kudy mwa kunyang meej ma muut.—1 Biin Korent 7:36, NWT.
5. Sungul bilengel muut uwudy mwa kutweel nend mu maluw
Kusungul muut uwudy mwa kutweel nend mu maluw, i diihangadik ditam diwudy mwa kwangat. Balaay Matewus 19:4-6, 9, ni isambilaay ha diijooj eedy:
-
Bwabiny mwiin Krist kiin mwa kwangat mahangadik lwang-lwang bwa kutweeley mu maluw?
Bibl udy mwa kukwambulwiish bwiibuh kumanyik biikadil bya muut uwukaakaam kutweel nend mu maluw. Bikaam boos bakaakaam kutweel mu maluw, biikal bakat Yehow. b Balaay 1 Biin Korent 7:39 ni 2 Biin Korent 6:14. Ni isambilaay ha majooj aam:
-
Bwabiny bikaam tumon teng muut uhaahambidil Yehow?
-
Hady mwiin Krist ukaam kumon muut ukiish uhambidil Yehow, Yehow umvumvw bicy?
Bab baswiik nyam yibidy yishiilangan bunen ku mutond aakaabumw wa kudim nend, yoos yibidy yiiyiiy kukeng. Bya mushind aakaabumw, mwiin Krist umoomon muut udy kay uhambidil Yehow wiiyiiy kukeng
6. Tal maluw mu mushind udy Yehow wiimatal
Mu Izaleel wa kal, baan-balum baakady balek bakaj baababw bwaal baakady biikat kaayaabw. Balaay Malakih 2:13, 14, 16, ni isambilaay ha diijooj eedy:
-
Bwabiny Yehow ukiikin muut uzuuzuh maluw, kay ni kabingil ka biin-biin?
Kwend masandy ni kuzuh maluw, kukaakaamin mwiin maluw ni baan makab ni mal
Talaay VIDEO, ni isambilaay ha diijooj eedy.
-
Uw mwiikal mu maluw ni muut ukiish uhambidil Yehow, i biny biwudy mwa kulong bwa kwiikal ni musangal mu maluw miibuh?
7. Kooyel may ma Yehow mataatal maluw
Bikaam kwiikashishomw bwa kukooyel may ma Yehow mataatal maluw. c Yehow waakaakish baat biikaakashishomw bwa kulong nook musangal. Talaay VIDEO.
Balaay Ebreh 13:4, ni isambilaay ha diijooj eedy:
-
Ulaalangok neey, may ma Yehow bwa maluw, i malengel eeny? Bwabiny?
Mu bibunj bivul, mudy mikenj ya kufundish maluw ni kwiimazuh, Yehow uloolomb biin Krist bwa kukooyelobw bafumw ba mbul-matady. Balaay Tiit 3:1, ni isambilaay ha diijooj eedy:
-
Uw mwiikal mu maluw, udy mujaadik neey, maluw miibuh aam i mafundish ku mbul-matady eeny?
MUUT MUKWAABW UDY MWA KUKWIIHANGUJ NEEY: “Bwabiny bikaam kumonangan? Tut bashikat haakaabumw katuy bamonangan i bibiih eeny?”
-
Wiiyiiy kuleeb neey?
CYA KUKWAAT
Bujik ni maluw, i bya bukish bya kudy Yehow. Bujik ni maluw bitwaatwaal musangal tut tukooyel may ma Yehow.
Bwa kuvuluk
-
I mushind kaay udy muut mwa kukal mudimw bilengel ni bujik bwindiy?
-
Bwabiny Bibl uleeleeb neey, bikaam tumon teng muut uhaahambidil Yehow?
-
I kabingil kaay katam kady mwa kusak biin maluw bwa kuzuhobw maluw?
MYAND YIKWAABW YA KUMANYIK
Kumon “teng mwiin Krist” kumvumvwiij biny?
“Majooj ma Babaabal” (Cibumb cya Muteetekel 1/7/2004 mu Tshiluba)
Tal video yibidy yidy mwa kukwambulwiish bwiibuh kwangat mahangadik malengel habitaatal kuseeselangan ni maluw.
Tal mudy Yehow mwambulwiish mwiin-kweet waakady mulong kusungul kulengel.
I myand kaay yidy muut mwa kutal kuuhal kwa kuzuhey maluw ni kukabulukangan?
“Neemek ‘Cidy Mawej Muman Kuswiik’” (Cibumb cya Muteetekel 12/2018 mu Tshiluba)
a Tal Diimanyish dya ku Bulekel 4 dileeleej mudy biin maluw mwa kukabulukangan ning mudy umw wa kudyobw kay mwend masandy.
b Mu byaab bikwaabw, balel ki basuusungiil baan baababw muut wa kutweel nend mu maluw. Iikaleby naak, balel ba lukat kabiin batal fwalang eecy myanz yidy naay muut. Ki bataatal mudy muut aaw mukat Yehow.
c Uw mwiikal mushikat ni muut bituh kanuy bamonangan, nudy mwa kwangat diihangadik dya kukabulukangan eecy dya kumonangan.
You May Also Like
MAJOOJ MADYAAKAL BAAT BIYIHANGUJ
Dilong dya Bibl i Biny?
Het maalabul ku majooj habitaatal program kulong Bibl bya bituh.
